Інава (возера)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Інава (неадназначнасьць).

Возера

Інава

Краіна	Беларусь
Плошча	1,27 км²
Плошча вадазбору	12 км²
Максымальная глыбіня	9 м
Найбольшая даўжыня	2,24 км
Найбольшая шырыня	0,9 км
Даўжыня берагавой лініі	6,8 км
Вышыня над узроўнем мора	139 м^[1]
Аб’ём вады	6,6 млн м³
Каардынаты	55°34′24.75″ пн. ш. 27°14′36.36″ у. д. / 55.5735417° пн. ш. 27.2434333° у. д. / 55.5735417; 27.2434333Каардынаты: 55°34′24.75″ пн. ш. 27°14′36.36″ у. д. / 55.5735417° пн. ш. 27.2434333° у. д. / 55.5735417; 27.2434333

Інава на мапе Беларусі

Інава

Інава — возера ў Браслаўскім раёне Віцебскай вобласьці. Знаходзіцца за 13 км на паўднёвым ўсходзе ад Браслава, каля вёскі Інава. Належыць да групы Абстэрнаўскіх азёраў.

Інава знаходзіцца ў басэйне ракі Вята. Плошча возера складае 1,27 км². Найбольшая глыбіня возера — 9 м. Даўжыня — 2,24 км, найбольшая шырыня — 0,9 км. Даўжыня берагавой лініі — 6,8 км. Аб’ём вады ў возеры складае 6,6 млн м³, плошча вадазбору возера — 12 км². Схілы катлавіны возера маюць вышыню 3—5 мэтраў. Схілы разараныя, на поўначы схілы дасягаюць вышыні 25—30 мэтраў і знаходзяцца пад хмызьняком. Берагі возера нізкія на захадзе, месцамі зьліваюцца з схіламі, забалочаныя. Мелкаводзьдзе Інава вузкае і пяшчанае, глыбакаводная зона высланая глеем. Возера зарастае слаба. Шырыня прыбярэжнай паласы надводнай расьліннасьці складае да 5 мэтраў, у асобных месцах — да 35 мэтраў. Зь Інава на ўсходзе выцякае ручай у возера Укля.

Літаратура[рэдагаваць | рэдагаваць крыніцу]

Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1.

^ ^а ^б GeoNames (анг.) — 2005.

[_0a80f488736b13bd-1] а ^б GeoNames (анг.) — 2005.

[1]