Анжы Махачкала

	Анжы
Поўная назва	Футбольный клуб «Анжи»
Заснаваны	1991
Горад	Махачкала, Расея
Стадыён	Дынама; Умяшчальнасьць: 15 200
Галоўны трэнэр	Гуўс Гідынк
Чэмпіянат	Прэм’ер-ліга
· 2011—2012	5 месца
Хатнія колеры	Выязныя колеры
	Афіцыйны сайт

Анжы (па-расейску: Анжи) — расейскі футбольны клюб з гораду Махачкала. Заснаваны ў 1991 годзе. Фіналіст Кубка Расеі 2001 году. Назва клюбу ёсьць старажытная назва гораду. Хатнія матчы «Анжы» праводзіць у Махачкале на стадыёне «Дынама».

Зьмест

1 Гісторыя
- 1.1 Стварэньне й станаўленьне клюба
- 1.2 Першы дывізіён
2 Склад
3 Крыніцы
4 Вонкавыя спасылкі

Гісторыя [рэдагаваць]

Стварэньне й станаўленьне клюба [рэдагаваць]

Футбольны клюб «Анжы» быў утвораны ў 1991 годзе дырэктарам аб’яднаньня «Дагнафтапрадукт» Магамедсултанам Магамедавым й дырэктарам футбольнай школы Махачкалы Аляксандрам Маркаравым. Слова «Анжы» (на кумыкскай мове Анжы азначае «жамчужына») ёсьць старажытная кумыская назва мясьцовасьці, дзе зараз разьмешчаны горад Махачкала^[1].

У першы ж год каманда «Анжы» перамагла чэмпіянат Дагестану й атрымала права ўдзельнічаць у прафэсійнай футбольнай лізе. У першым сэзоне на прафэсійным узроўні, клюб заняў 5-е месца ў сваім дывізіёне, а на наступны год і зусім упэўнена перамог у турніры. Але ў сувязі з рэарганізацыяй ўсяго расейскага першынства, махачкалінцам давялося застацца ў другім дывізіёне. Яшчэ тры сэзоны спатрэбілася «Анжы», каб перайсьці на адзін узровень вышэй, у сыстэме расейскага футбола. Адбылося гэта пад кіраўніцтвам славутага гульца й трэнера, чэмпіёна СССР 1982 году, Эдуарда Малафеева, які пачаў трэніраваць клюб у 1996 годзе, і адразу ж вывеў яго ў першую лігу расейскага першынства.

Годам раней, імя «Анжы» прабразгала на ўсю Расею, калі на стадыі 1/16 Кубка Расеі махачкалінцы сустрэўшыся зь дзеючым чэмпіёнам Расеі «Аланіяй», не стушаваліся й выбілі лідэра з турніру, абыграўшы іх у дадатковы часе зь лікам 2:1. Прайшоўшы яшчэ адзін раўнд, «Анжы» ў 1/4 прайграла маскоўскаму «Дынама» й завяршыла свой удзел у кубку таго сэзону.

Першы дывізіён [рэдагаваць]

Творца посьпехаў «Анжы» Гаджы Гаджыеў

Сэзоны 1996 і 1997 гадоў, сышлі ў каманды на замацаваньне ў дывізіёне, і махачкалінцы завяршалі іх у сярэдзіне табліцы, заняўшы 13 і 12 месцы адпаведна. У 1999 годзе прэзыдэнтам клюба абралі Хізры Шіхсаідава, старшыні ўрада рэспублікі Дагестан. У клюб быў запрошаны вядомы дагестанскі трэнэр Гаджы Гаджыеў, перад якім была пастаўлена задача выхаду ў вышэйшы дывізіён. Гаджыеў цалкам абнавіў склад каманды, паклікаўшы ў яе малавядомых і ўжо сьпісаных гульцоў. І адразу ж, у сэзоне 1999 году, заняўшы першае месца ў першым расейскім дывізіёне, «Анжы» заваявала права на павышэньне ў клясе. Але гэты посьпех быў з прысмакам гаркаты, з-за трагедыі якая здарылася ў сярэдзіне сэзону. 3 ліпеня 1999 года ў аўтамабільнай аварыі ў Махачкале, загінуў лепшы бамбардзір у гісторыі клюба Ібрагім Гасанбекаў^[2]. Тую перамогу ў сэзоне гульцы прысьвяцілі яму, а клюб у сваю чаргу навечна замацаваў за гульцом яго 11-ы нумар^[3].

Склад [рэдагаваць]

Па стане на 28 лютага 2013 году

№	Пазыцыя	Імя	Год нараджэньня
1	Бр	Уладзімер Габулаў	1983
2	Аб	Андрэй Ешчанка	1984
3	Аб	Алі Гаджыбекаў	1989
5	Аб	Жуан Карлас	1982
6	ПА	Мубарак Бусуфа	1984
7	ПА	Каміль Агалараў	1988
8	ПА	Жусылей	1988
9	Нап	Самюэль Это’о (капітан)	1981
10	ПА	Віліян	1988
13	Аб	Расім Тагірбекаў	1984
14	ПА	Алег Шатаў	1990

№	Пазыцыя	Імя	Год нараджэньня
15	Аб	Арсені Лагашоў	1991
16	Нап	Мэгдзі Карсэля-Гансалес	1989
17	ПА	Шарыф Мухамад	1990
18	ПА	Юры Жыркоў	1983
19	Нап	Лясына Траарэ	1990
20	Нап	Фёдар Смолаў	1990
22	Бр	Яўген Памазан	1989
25	ПА	Адыль Агмэдаў	1987
33	Аб	Эмір Спахіч	1980
37	Аб	Эвэртан Алмэйда	1989
85	ПА	Лясана Дыяра (ар. «Рэал»)	1985