Каракас

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Каракас
гішп. Caracas
Панарама гораду ад Вайсковага шпіталю
Панарама гораду ад Вайсковага шпіталю
EscudoCaracasDC.png Bandera de Caracas.svg
Герб Каракасу Сьцяг Каракасу
Дата заснаваньня: 25 чэрвеня 1567
Краіна: Вэнэсуэла
Рэгіён: Сталічная акруга
Плошча: 1930 км²
Вышыня: 900 м н. у. м.
Насельніцтва
колькасьць: 3 051 000 чал. (2009)
шчыльнасьць:
Тэлефонны код: 0212
Паштовы індэкс: 1010-A
Геаграфічныя каардынаты: 10°30′00″ пн. ш. 66°56′00″ у. д. / 10.5° пн. ш. 66.933333° у. д. / 10.5; 66.933333Каардынаты: 10°30′00″ пн. ш. 66°56′00″ у. д. / 10.5° пн. ш. 66.933333° у. д. / 10.5; 66.933333
Каракас на мапе Вэнэсуэлы
Каракас
Каракас
Каракас
Commons-logo.svg Галерэя здымкаў у Вікісховішчы

Каракас (па-гішпанску: Caracas) — сталіца Вэнэсуэлы. Насельніцтва складае 3 051 000 жыхары (2009). Зьяўляецца галоўным эканамічным, фінансавым і культурным цэнтрам краіны. Таксама буйнейшы транспартны вузел Вэнэсуэлы.

Гісторыя[рэдагаваць | рэдагаваць крыніцу]

Заснаваны 25 ліпеня 1567 (дзень сьв. Яга) гішпанцамі на месцы спаленага пасяленьня індэйцаў племя каракас, адсюль поўная назва: Santiago de León de Caracas. У 16--17 ст. на горад нападалі піраты. Ад 1577 рэзыдэнцыя гішпанскага губэрнатара, з 1777 сталіца генэрал-капітанства Вэнэсуэла. Ад 1810 цэнтар барацьбы за незалежнасьць краіны, ад 1811 яе сталіца (акрамя 1812-24, калі горад адбілі гішпанскія каралеўскія войскі). У 1853—63 баявыя дзеяньні ў горадзе паміж прыхільнікамі кансэрватараў і лібералаў. Ад 1870-х праводзіцца перапланіроўка старых і будаўніцтва новых кварталаў. У 20 ст. пачалося хуткае эканамічнае развіцьцё горада.

Прыродныя ўмовы[рэдагаваць | рэдагаваць крыніцу]

Знаходзіцца ў горнай даліне Карыбскіх Андаў на вышыні 900—1000 м над узроўнем мора, за 13-14 км ад узьбярэжжа Карыбскага мора. Клімат вільготны, субэкватарыяльны. Сярэдняя тэмпература студзеня +19 градусаў, а ліпеня +21 градус. Ападкаў на год выпадае 820 мм. З траўня па лістапад — сэзон дажджоў. Са сьнежня па травень над Каракасам пануюць антыцыклёны, усталёўваецца сухое надвор'е. Горад знаходзіцца ў зоне павышанай сэйсьмічнай актыўнасьці, неаднаразова зьнішчаўся землятрусамі (1812, 1900, 1967).

У навакольлі пераважае расьліннасьць парама (высокагорных лугоў) і ўмераных лясоў. З жывёл на схілах Карыбскіх Андаў водзяцца ягуар, пума, ацэлот, выдра, малпы, нутрыі, тапіры, сьвінкавыя.

Эканоміка[рэдагаваць | рэдагаваць крыніцу]

У эканоміцы горада пераважае доля паслуг (звыш 90%). Прамысловасьць: харчовая, тэкстыльная, швейная, гарбарна-абутковая, хімічная, фармацэўтычная, нафтаперапрацоўчая, цэлюлёзна-папяровая, машынабудаўнічая (у т.л. зборка аўтамабіляў), шкляная, цэментная. У Каракасе разьмешчаны штаб-кватэры Petroleos de Venezuela (PDVSA), шэрагу іншых вэнэсуэльскіх кампаній. Працуе Фондавая біржа Каракаса.

Транспарт[рэдагаваць | рэдагаваць крыніцу]

Вузел чыгунак і аўтадарог. Міжнародны аэрапорт Майкетыя (Maiquetia, Simón Bolívar International Airport). Марскі аванпорт Каракаса на Карыбскім моры — Ла-Гуайра.

З 1983 працуе мэтрапалітэн (на 2014 год - чатыры лініі з 48 станцыямі). Асноўны сродак грамадзкага транспарту — аўтобус.

Вонкавыя спасылкі[рэдагаваць | рэдагаваць крыніцу]

Commons-logo.svg  Каракассховішча мультымэдыйных матэрыялаў