Часавы пас

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Мапа часавых паясоў сьвету

Ча́савы пас — рэгіён Зямлі, ў якім прыняты аднолькавы мясцовы час. Да пачатку выкарыстаньня агульнага пасавага часу ў кожным горадзе выкарыстоўваўся свой мясцовы сонечны час, які залежаў ад геаграфічнай даўгаты. З разьвіцьцём чыгунак і сродкаў сувязі паўстала неабходнасьць больш дакладнай і зручнай сістэмы сынхранізацыі. Гэтую ідэю абгрунтаваў у 1869 годзе дырэктар школы з Саратога Спрынгс Чарлз Ф. Дауд, а сэр Сэндфард Флемінг самым энэргічным чынам падтрымаў яе.

Каб не ўводзіць мясцовы час для кожнага градусу (або кожнай хвіліны) даўгаты, паверхня Зямлі была ўмоўна падзеленая на 24 часавых пасы. Пры пераходзе з аднаго часавага паса ў іншы значэньні хвілін і сэкунд (часу) захоўваюцца, зьмяняецца толькі значэньне гадзін.

Існуюць некаторыя раёны, у якіх мясцовы час адрозніваецца ад сусьветнага не толькі на цэлую колькасьць гадзінаў, але яшчэ дадаткова на 30 або 45 хвілінаў. Праўда, такія часавыя зоны не зьяўляюцца стандартнымі часавымі пасамі.

На Паўночным і Паўднёвым палюсах мэрыдыяны сходзяцца ў адной кропцы, і таму там паняцьце часавых пасоў губляе сэнс. Па склаўшайся традыцыі лічыцца, што час на палюсах адпавядае Ўнівэрсальнаму каардынаванаму часу (інакш Сусьветнаму).

Тэарэтычна ўсё часавыя пасы зямнога шару павінны абмяжоўвацца прамымі лініямі, якія праходзяць на 7,5° усходней і заходней сярэдняга мерыдыяна кожнага паса, аднак у рэальнасьці дзеля захаваньня адзінага часу ўсярэдзіне адной і той жа адміністрацыйнай або прыроднай адзінкі іх межы часта зрушаныя адносна агульнапрынятых.

Ча́савыя пасы[рэдагаваць | рэдагаваць крыніцу]

Асьвятленьне Зямлі (15:00 UTC)

Вонкавыя спасылкі[рэдагаваць | рэдагаваць крыніцу]