Лісты сьвятога Мікалая
| Лісты сьвятога Мікалая | |
| The Father Christmas Letters | |
| Жанр: | фэнтэзі |
|---|---|
| Аўтар: | Дж. Р. Р. Толкін |
| Мова арыгіналу: | ангельская |
| Публікацыя: | 1976 |
| Асобнае выданьне: | 1976 |
| Выдавецтва: | Allen and Unwin Houghton Mifflin |
| Носьбіт: | папера |
| Папярэдні твор: | Bilbo's Last Song[d] |
| Наступны твор: | Сыльмарыльён |
| ISBN: | 0-395-24981-3 |
«Лісты́ сьвято́га Мікала́я» (па-ангельску: The Father Christmas Letters), таксама «Лісты ад сьвятога Мікалая» (анг. Letters from Father Christmas) — зборнік лістоў ад Каляднага айца, складзеных і праілюстраваных Дж. Р. Р. Толкінам паміж 1920 і 1942 рокамі для сваіх дзяцей. Выданьне «Лістоў» адбылося ў 1976 року, на 3-ю гадавіну Толкінавай сьмерці, у рэдакцыі Бэйлі Толкін, другой жонкі малодшага сына аўтара, Крыстафэра. Кніга была цёпла ўспрынятая крытыкамі, і лічыцца, што асобныя ейныя часткі пазьней былі выкарыстаныя аўтарам ва «Ўладары пярсьцёнкаў».
Сюжэт[рэдагаваць | рэдагаваць крыніцу]
Апавяданьне вядзецца ў форме шэрагу лістоў ад імя сьвятога Мікалая ці ягонага сакратара-эльфа. У іх перададзеныя прыгоды і бадзяньні сьвятога Мікалая і ягоных памочнікаў, сярод якіх паўночны палярны мядзьведзь і два ягоныя маладыя памагатыя, Паксу і Валькатука. У лістах апісаныя, сярод іншага, вялізныя фаервэркі, што ствараюць канцавоснае зьзяньне; або як белы мядзьведзь пастаянна трапляе ў нейкія турботы.
Ліст ад 1939 року зьмяшчае згадкі сьвятым Мікалаем пра Другую сусьветную вайну[1], а некаторыя пазьнейшыя лісты апісваюць бітвы сьвятога Мікалая супраць гоблінаў, што пазьней было інтэрпрэтавана як адлюстраваньне Толкінавых поглядаў на нямецкую пагрозу[2].
Публікацыя[рэдагаваць | рэдагаваць крыніцу]
Лісты былі напісаныя цягам 20 гадоў і прызначаліся Толкінавым дзецям на Раство. Шторок дзеці атрымлівалі па лісьце ад сьвятога Мікалая ў капэрце з маркамі з Паўночнага полюсу і штэмпэлямі, распрацаванымі Толкінам[3].
Першае выданьне адбылося ўжо па Толкінавай сьмерці, на трэцюю гадавіну ягонага скону, 2 верасьня 1976. Праз 1,5 месяцы выйшла новае выданьне ў выдавецтве «Houghton Mifflin»[4]. У кнігу ўвайшлі ілюстрацыі Толкіна амаль да ўсіх лістоў; некаторыя лісты й малюнкі, аднак, былі прапушчаныя[5].
Перавыданьне 1999 року выйшла пад назваю «Лісты ад сьвятога Мікалая»; у яго ўвайшлі поўныя зборы лістоў і выяваў Толкіна[5][6].
Крыніцы[рэдагаваць | рэдагаваць крыніцу]
- ^ Nancy Willard. Christmas Letters (анг.) // The New York Times, 5 сьнежня 1976 г. Праверана 22 лістапада 2012 г.
- ^ Walsh (2001): p. 63
- ^ Tolkien’s «Father Christmas Letters» (анг.) // The New York Times, 7 сьнежня 2002 г. Праверана 22 лістапада 2012 г.
- ^ The Father Christmas Letters (анг.). The Tolkien Library. Праверана 22 лістапада 2012 г.
- ^ а б Letters from Father Christmas paperback (16.08.09) (анг.). The Tolkien Library. Праверана 22 лістапада 2012 г.
- ^ Thompson (2007): p. 11
Літаратура[рэдагаваць | рэдагаваць крыніцу]
- Johnson, Judith A. J. R. R. Tolkien: Six Decades of Criticism. — Westport, Conn: Greenwood Press, 1986. — ISBN 9780313250057
- Drew, Bernard A. The 100 Most Popular Young Adult Authors: Biographical Sketches and Bibliographies. — Englewood, CO: Libraries Unlimited, 1997. — ISBN 9780585176062
- Walsh, Joseph J. Were They Wise Men or Kings?. — Louisville, Ky.: Westminster John Knox Press, 2001. — ISBN 9780664223120
- Thompson, Kristen The Frodo Franchise: The Lord of the Rings and Modern Hollywood. — Berkeley: University of California Press, 2007. — ISBN 9780520247741
