Маляга (футбольны клюб)
 Маляга |
|||
 |
|||
| Поўная назва | Málaga Club de Fútbol, S.A.D. | ||
|---|---|---|---|
| Заснаваны | 1948 | ||
| Горад | Маляга, Гішпанія | ||
| Стадыён | Ля Расаледа Умяшчальнасьць: 28 963 |
||
| Прэзыдэнт | Адбула эль-Тані | ||
| Галоўны трэнэр | Мануэль Пэльлегрыні | ||
| Чэмпіянат | Ля Ліга | ||
| · 2011—2012 | 4 месца | ||
|
|||
| Афіцыйны сайт | |||
Маляга (па-гішпанску: Málaga Club de Fútbol) ― гішпанскі футбольны клюб з аднайменага гораду, з правінцыі Андалюсія. «Маляга» лічыцца спадкаемцай іншага клюбу з Малягі «CD Málaga», знакамітага андалюскага клюбу, што агулам правёў дванаццаць сэзонаў у Ля Лізе, дваццаць дзевяць у Сэгундзе й дзевяць сэзонаў у Тэрсэры, пасьля чаго ў 1992 годзе клюб быў скасаваны. Цяперашняя «Маляга» зьявілася як рэзэрва зьнікшай.
Лепшае месца ў чэмпіянаце краіны, калі-небудзь займалае камандай, ёсьць 7, як «CD Málaga». У сэзоне 2002―2003 гадоў клюб здолеў дайсьці да чвэрцьфіналу Кубка УЭФА. У 2006 годзе былы прэзыдэнт мадрыдзкага «Рэалу» гішпанскі бізнэсовец Лярэнца Санc выкупіў 97 адсоткаў акцыяў клюбу ў сваю ўласнасьць. Ён назначыў свайго сына Фэрнанда Санcа, былога гульца й капітана «Малягі», прэзыдэнтам клюбу. Клюб на цяперашні час мае рэзэрвовую каманду «Атлетыка Малягуэньнё». Клюб быў зноўку прададзены ў чэрвені 2010 года, катарскаму інвэстару Абдуле бін Насэру бін Абдуле аль-Ахмэду эль-Тані, які выкупіў клюб у Санса.
Зьмест |
Гісторыя [рэдагаваць]
Пачатак сучаснай «Малягі» варта шукаць у ейнай папярэдніцы — «Дэпартыва Маляга», чыёй рэзэрвовай камандай і быў цяперашні клюб. Ён быў заснаваны 25 траўня 1948 года, калі «Дэпартыва Малага» рэфармавала дзіцяча-юнацкую каманду «Дэпартыва Томас» з мэтай стварэньня на ейнай базе сваёй рэзэрвовай каманды. Яна атрымала імя «Атлетыка Малагуэньнё», тым самым адрадзілася імя аднаго з двух клюбаў, якія сфармавалі «Дэпартыва Маляга» ў 1933 годзе.
На працягу сэзона 1959—1960 гадоў абедзьве каманды гулялі разам у трэцім дывізіёне. Паводле правілох, «Атлетыка Малагуэньнё» павінен быў панізіцца ў клясе, адначасовая гульня асноўнай і рэзэрвовай каманды ў адным дывізіёне не дазваляецца. Каб пазьбегнуць гэтага, «Атлетыка Малагуэньнё» разарвала адносіны з «Дэпартыва Маляга» й зарэгістравала сябе як асобны незалежны клюб.
У 1992 годзе, калі «Дэпартыва Маляга» паводле фінансавых чыньнікаў спыніла сваё існаваньне, «Атлетыка Малагуэньнё» працягвала гуляць. У сэзоне 1992—1993 гадоў каманда гуляла ў 9-й групе Тэрсэры. Пасьпяхова прайшоўшы чэмпіянат, клюб здабыў сабе павышэньне ў Сэгунду Б. Аднак у наступным сэзоне клюб вылецеў і сутыкнуўся з сур’ёзнымі грашовымі праблемамі, стаяўшы на мяжы роспуску. На рэфэрэндуме 19 сьнежня 1993 года чальцы клюба выказаліся «за» зьмены назвы, гэтак «Атлетыка Малагуэньнё» стаў клюбам «Маляга», стаўшы афіцыйным спадчыньнікам каманды-заснавальніка «Дэпартыва Маляга».
У 2000-х гадох клюб быў багаты таленавітай моладзьдзю й моцнымі гульцамі, а таксама прадставіў больш сучасны стадыён. І хоць «Маляга» ніколі не займала высокіх месцаў, яна мела некаторы пасьпех пад кіраўніцтвам вельмі папулярнага трэнэра Хаакіна Пэйра. Яны адзіны раз прымалі ўдзел у эўракубках, але здабылі трафэй — Кубак Інтэртота, пасьлядоўна выбіўшы «Гент», «Вілем II» і адолеўшы ў «гішспанскім фінале» «Вільлярэал». Гэты посьпех дазволіў клюбу выйсьці ў Кубак УЭФА.
У гэтым турніры гульцы клюба дайшлі да стадыі чвэрцьфіналу, саступіўшы «Баавішце» ў сэрыі пэнальці, але выбіўшы басьнійскі «Жалезьнічар», польскую «Аміку», ангельскі «Лідс Юнайтэд» зь лікам 2:1 дзякуючы дублю панамца Хуліё Дэлі Вальдэса, цяперашняга трэнэра зборнай Панамы, і атэнскі «АЕК». Пасьля сыходу Пэйра пачаўся павольны спуск уніз. Асноўныя лідэры, сярод іх уругваец Дарыё Сыльва, галяндзец Кікі Мусампа, панамец Хуліё Дэлі Вальдэс і вядомы брамнік Пэдра Кантрэрас пакінулі клюб.
Тытулы [рэдагаваць]
- Уладальнік Кубка Інтэртота:
- 2002
Склад каманды [рэдагаваць]
Па стане на 8 траўня 2013 году
|
|
Вонкавыя спасылкі [рэдагаваць]
Маляга (футбольны клюб) — сховішча мультымэдыйных матэрыялаў
|
|||||
