Нарбона

Нарбона
Narbonne
Герб Нарбоны Сьцяг Нарбоны
Рэгіён:	Лянгедок-Русыён
Дэпартамэнт:	Од
Насельніцтва:	46 510 (1999)
Часавы пас: • летні час:	UTC+1 UTC+2
Геаграфічныя каардынаты:	43°11′08″ пн. ш. 3°00′15″ у. д.
Нарбона на мапе Францыі Нарбона
Галерэя здымкаў у Wikimedia Commons
http://www.mairie-narbonne.fr/

Нарбона (па-француску: Narbonne, па-аксытанску: Narbona) — старажытны горад і камуна на поўдні Францыі, месьціцца ў дэпартамэнце Од рэгіёна Лянгедок-Русыён. Паводле стану на 1999 году насельніцтва горада складала 46 510 чалавек.

Гісторыя

Нарбона вырасла з паселішча Нарбо (лац. Narbo) — першай рымскай калёніі ў Галіі, заснаванай яшчэ ў 118 годзе да н. э. У той час горад стаяў на беразе Міжземнага мора і служыў важным марскім портам. У часы імпэрыі гэта быў таксама ваенны пункт і сталіца Паўднёвай, або Нарбонской Галіі. Пасьля бітвы пры Нарбоне ў 436 годзе тут запанавалі вэстготы. Адзін час Нарбона мела значэнне іхнага сталічнага граду. У 719—759 гадах Нарбона і навакольная вобласьць (Сэптыманія) валодалі сарацыны.

У Сярэднявеччы паўднёвая частка Нарбоны кіравалася графамі Тулюзы, а паўночная — мясцовымі эпіскапамі. Затым да XVI стагодзьдзя Нарбона складала самастойнае графства.

Выбітнасьці

Сабор сьвятога Жуста, закладзены ў 1272 годзе, так і ня быў дабудаваны. Ён знакаміты незвычайна высокімі хорамі і ў цэлым варты ўзоры гатычных храмаў поўначы Францыі. Базыліка сьвятых Паўла і Сэргіюса — адзін зь першых на поўдні Францыі прыкладаў готыкі. Палац архіэпіскапаў быў перабудаваны ў XIX стагодзьдзі; ад ягонага сярэднявечнага папярэдніка захавалася некалькі магутных вежаў. У цяперашні час у палацы разьмешчаны краязнаўчы музэй.

Ураджэнцы

• Сьвяты Тэадард (пам. 893) — арцыбіскуп Нарбоны
• Гіраўт Рык’ё (каля 1230 — каля 1295) — апошні трубадур
• Шарль Трэнэ (1913—2001) — папулярны сьпявак і кампазытар

Вонкавыя спасылкі

 Нарбона — сховішча мультымэдыйных матэрыялаў

• Сайт гораду
• Нарбона на Брытаніцы.