Пангаліны

Пангаліны
Клясыфікацыя
Царства	Жывёлы
Падцарства	Эўмэтазоі
Тып	Хордавыя
Падтып	Хрыбетныя
Кляса	Сысуны
Падкляса	Зьвяры
Інфракляса	Пляцэнтарныя
Атрад	Пангаліны
Бінамінальная намэнклятура
Pholidota
Пангаліны на Віківідах  Пангаліны ў Вікісховішчы

Пангаліны, або яшчары (Pholidota) — атрад пляцэнтарных сысуноў, прадстаўнікі якога насяляюць трапічныя раёны Азіі і Афрыкі.

Апісаньне

Цела падоўжанае, карычневае або жаўтлявае, 1—1,6 м у даўжыню, пакрыта шчыльнай рагавой луской, якая пакрываючы ўсё цела ўтварае падабенства брані. Вельмі доўгі хвост, які складае 2/3 ад агульнай даўжыні. Язык пангалінаў вырастае да 40 см. Лапы ўзброены моцнымі кіпцюрамі. У пангалінаў адсутнічаюць зубы, зубныя норкі былі выяўлены толькі ў эмбрыёнаў.

Пангаліны засяляюць адкрытыя ці лясістыя раўніны. Актыўныя галоўным чынам уначы. Некаторыя віды жывуць на зямлі, некаторыя аддаюць перавагу жыцьцю на дрэвах.

Самка нараджае звычайна адно дзіця. У нованароджаных скура пакрыта мяккай луской, якая становіцца цьвёрдай прыкладна праз 2 сутак пасьля нараджэньня.

Клясыфікацыя

Атрад уключае адно аднайменнае сямейства (пангалінавых), якое ў сваю чаргу ўключае адзін род Manis зь сям’ю відамі:

• Manis crassicaudata
• Manis javanica
• Manis pentadactyla
• Manis gigantea
• Manis temmincki
• Manis tricuspis
• Manis tetradactyla

Вонкавыя спасылкі

• Pangolin: Wildlife summary from the African Wildlife Foundation
• A photograph of a pangolin

 Пангаліны — сховішча мультымэдыйных матэрыялаў