Рэвалюцыйныя збройныя сілы Калюмбіі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Рэвалюцыйныя збройныя сілы Калюмбіі - Армія Народу (па-гішпанску: Fuerzas Armadas Revolucionarias de Colombia – Ejército del Pueblo) — марксісцка-ленінісцкая калюмбійская паўстанчая арганізацыя, вядома таксама пад назвай FARC ад скарачэньня поўнай назвы арганізацыі. Частка краін, такіх як ЗША, Канада, краіны Эўразьвяза ды большасьць лацінаамэрыканскіх краін лічаць FARC тэрарыстычнай арганізацыяй. Куба і Вэнэсуэла лічаць такую клясыфікацыю нясправядлівай і настойваюць, што гэта арганізацыя — партызанская ваенная сіла.

Гісторыя[рэдагаваць | рэдагаваць крыніцу]

Арганізацыя была сфармаваная ў 1960-х гадох, як ваеннае крыло Камуністычнай партыі Калюмбіі. Хаця спачатку FARC сапраўды выступала, як партызанскае леварадыкальнае аб'яднаньне, пазьней у 1980-х пачала таксама займацца наркагандлем і выкраданьнем закладнікаў. Такая супрацьпраўная дзейнасьць супярэчыла шматлікім нормам, у тым ліку й Жэнэўскай канвенцыі. Такая практыка іх дзейнасьці асуджалася таксама й камуністычнай партыяй, што прывяло да разрыву FARC з кампартыяй Калюмбіі. У 1990-х была заснаваная асобная Падпольная камуністычная партыя Калюмбіі, якая ёсьць ідэалягічным крылом FARC.

Дзейнасьць[рэдагаваць | рэдагаваць крыніцу]

Падразьдзяленьні FARC знаходзяцца па большай частцы ў паўднёваўсходніх правінцыях краіны, у джунглях падножжа Андаў, на каля 20% тэрыторыі Калюмбіі. Дакладных дадзеных аб колькасьці арганізацыі не існуе — за рознымі адзнакамі колькасьць байцоў вагаецца ад 8000 да 18000. З прыходам да ўлады ўрада прэзыдэнта Альвара Урыбэ войскі Калюмбіі пры тэхнічнай і фінансавай падтрымцы ЗША вялі вельмі пасьпяховую кампанію супраць паўстанцаў. У сакавіку 2008 г. быў забіты другі па значнасьці лідэр арганізацыі. Па дадзеных ураду Калюмбіі, у апошні час арганізацыі было нанесена шмат адчувальных удараў і яе колькасьць паменшылася да каля 6000 чалавек.

Найбольшую ўвагу арганізацыя прыцягвае да сябе дзякуючы вялікай колькасьці закладнікаў, якіх яна ўтрымлівае. Па колькасьці выкрадзеных людзей FARC лідыруе ў Калюмбіі. Закладнікаў бяруць пераважна для атрыманьня выкупу і як прылада ўплыву на ўрад краіны. Некалькі вядучых міжнародных арганізацый і палітыкаў, такіх як Уга Чавэс спрабавалі ўгаварыць FARC вызваліць закладнікаў. Паўстанцы таксама прымаюць удзел у гандлі наркотыкамі і зброяй, пераважна для фінансаваньня сваёй дзейнасьці. FARC таксама брала адказнасьць за тэрарыстычныя акты, выбухі ў гарадох краіны і забойствы палітыкаў.

Вонкавыя спасылкі[рэдагаваць | рэдагаваць крыніцу]

Commons-logo.svg  Рэвалюцыйныя збройныя сілы Калюмбіісховішча мультымэдыйных матэрыялаў