Стыў Ірвін
Зьвесткі зь Вікіпэдыі — вольнай энцыкляпэдыі.
 |
|
| Дата нараджэньня | 22 лютага 1962 |
|---|---|
| Месца нараджэньня | Эсэндон, Вікторыя, Аўстралія |
| Дата сьмерці | 4 верасьня 2006 |
| Месца сьмерці | Порт Дуглас, Квінслэнд, Аўстралія |
Стыў Робэрт Ірвін (22 лютага 1962 — 4 верасьня 2006) — папулярны аўстралійскі натураліст, тэлежурналіст і аўтар шматлікіх фільмаў аб жывой прыродзе. Уладальнік заапарка Australia Zoo у г. Бірва, Квінслэнд.
[рэдагаваць] Біяграфія
Стыў Ірвін нарадзіўся ў аўстралійскім штаце Вікторыя ў 1962 годзе. Ягоны бацька стварыў парк гадаў у штаце Квінслэнд у 1970-я гады мінулага стагодзьдзя.
Стыў Ірвін пачынаў з таго, што з дзяцінства лавіў кракадзілаў у навакольлях Квінслэнду для парка рэптылій яго бацькоў.
З 1991 году Стыў Ірвін працягнуў сямейны бізнэс і неўзабаве стварыў першыя сэрыі фільма «Паляўнічы на кракадзілаў» («The Crocodile Hunter»), які стаў папулярным у 120 краінах сьвету. Упершыню праграма «Паляўнічы на кракадзілаў» выйшла ў этэр у 1992 годзе. Стыў здолеў ператварыць свой імідж бясстрашнага і поўнага запалу аматара павывучаць фаўну ў блізкім кантакце ў гандлёвую марку, і яго сэрыял зь вялікім поспехам ішоў па канале Discovery.
Неаднаразова Ірвін трапляў у сытуацыі, калі ягонае жыцьцё літаральна вісела на валасінцы. У яго была вялікая колькасьць раненьняў, атрыманых пры кантактах з жывёламі.
Нягледзячы ні на што, Стыў Ірвін працягваў здымаць фільмы, сярод якіх таксама «Crok Files», «The Crocodile Hunter Diaries» («Дзёньнікі паляўнічага за кракадзіламі»).
[4 верасьня] 2006 году на здымках чарговай тэлеперадачы Стыў Ірвін трагічна загінуў, атрымаўшы сьмяротны ўдар ската-хвастакола ў вобласьць сэрца і лёгкіх.
[рэдагаваць] Вонкавыя спасылкі
Стыў Ірвін — сховішча мультымэдыйных матэрыялаў
