Ютляндыя

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Каардынаты: 55°37′46″ пн. ш. 9°12′4″ у. д. / 55.62944° пн. ш. 9.20111° у. д. / 55.62944; 9.20111

Паўвыспа Ютляндыя

Ютля́ндыя (па-дацку: Jylland, па-нямецку: Jütland: «Краіна ютаў», па-лацінску: Cimbria, Iutia, Iutlandia) — паўвыспа ў Эўропе, падзяляе Балтыйскае і Паўночнае мора. Плошча каля 40 тысяч км². Уздоўж узьбярэжжа звычайны дзюны, якія часам утвараюць пясчаныя астравы, аддзеленыя ад узьбярэжжа мелкаводнымі лягунамі. Усходнія берагі Ютляндыі моцна парэзаныя залівамі. Складзеная пераважна вапнякамі і глінамі, якія перакрыты ледавіковымі адкладамі. Вышыня да 173 м. Рэльеф роўны, месцамі невысокія груды марэннага паходжаньня. Клімат умераны, марскі. Сярэдняя тэмпэратура студзеня каля 0 °C, ліпеня — 15 °C. Выпадае 600—800 мм ападкаў. У падставе Ютляндыі пабудаваны Кільскі канал. Лес займае каля 9% паверхні. Інтэнсіўная сельская гаспадарка. Рыбалоўства.

Паўночны ўскраек паўвострава быў ў выніку паводкі 1825 года аддзелены Лім-фіёрдам ў асобны востраў, але традыцыйна працягвае разглядацца як яго частка.

Вонкавыя спасылкі[рэдагаваць | рэдагаваць крыніцу]

Commons-logo.svg  Ютляндыясховішча мультымэдыйных матэрыялаў