Паўночнае мора

Паўночнае мора

Паўно́чнае мо́ра — мора якое амывае Эўропу на поўначы, зьяўляецца часткай Атлянтычнага акіяна.

Паўночнае мора знаходзіцца паміж берагамі Даніі, Швэцыі і Нарвэгіі на ўсходзе, Вялікабрытаніі на захадзе, і Нямеччыны, Бэльгіі, Нідэрляндаў і Францыі на поўдні. З Балтыйскім морам Паўночнае злучаецца пралівамі Катэгат, Сунд, Вялікі Бэлт і Малы Бэлт. На дне Паўночнага мора знаходзіцца кратэр Сілвэрпіт. Існуе гіпотэза, згодна зь якой ён утварыўся ў выніку падзеньня на Зямлю 65 млн гадоў таму фрагмэнта той самай камэты, галоўная частка якой утварыла кратэр Чыксулуб. Гэта катастрофа магла быць прычынай выміраньня дыназаўраў у крэйдавым пэрыядзе. Хвалі цунамі якія ўзьніклі пад час выбуху ў кратэры Сілвэрпіт, павінны былі затапіць усё ўзьбярэжжа Паўночнага мора.

плошча: 565 тыс. км²;
сярэдняя глыбіня: 96 мэтраў;
максымальная глыбіня: 809 мэтраў;
салёнасьць: 35 ‰;
карысныя выкапні: газ, нафта, каменны вугаль;
найвялікшыя парты: Ратэрдам, Лёндан, Антвэрпэн, Гамбург, Эдынбург, Бэрген, Осла.