Мора

Узьбярэжжа Чылі

Мо́ра — гэта частка акіяна, болей ці меней аддзеленая ад яго астатняй часткі кантынэнтамі, астравамі ці рэльефам дна. Моры могуць характарызавацца індывідуальнымі асаблівасьцямі складу сваіх водаў.

Таксама трэба зьвярнуць увагу на тое, што традыцыйна морамі называюць вялікія салёныя азёры, напрыклад Касьпійскае мора, Мёртвае мора, але фактычна яны морамі не зьяўляюцца, бо не злучаюцца з сусьветным акіянам.

Падзел мораў

Падзел па разьмяшчэньні

Адрозьніваюць прыбрэжныя моры, якія аддзеленыя ад акіяну ланцугом выспаў, ці ўзвышшам дна, і абмен водаў з акіянам не перашкоджаны, ды міжземныя моры, абкружаныя сушай, у якіх абмен водаў з акіянам адбываецца праз вузкія пралівы. Больш дакладна моры дзеляцца на:

• адкрытыя — маюць шырокія злучэньні з акіянам (Паўночнае мора)
• прыбрэжныя — аддзеленыя ад акіяну выспамі ці паўвыспамі (Японскае мора, Карскае мора)
• міжвыспавыя — разьмешчанае выключна паміж выспамі ці архіпэлягамі (Ірляндзкае мора)
• міжкантынэнтальныя — разьмешчаны паміж кантынэнтамі (Міжземнае мора, Чырвонае мора)
• унутранакантынэнтальныя — разьмешчаны ўнутры кантынэнта (Балтыйскае мора, Белае мора, Азоўскае мора).

Выключэньне — Саргасавае мора, якое зьяўляецца часткай Атлянтычнага акіяна. Гэта адзінае мора, якое ня мае фізычных межаў, яле яго вада мае вельмі выразныя індывідуальныя асаблівасьці.

Падзел па акіянах

Па акіянах моры дзеляцца наступным чынам:

Ціхі акіян

• мора Балі
• мора Банда
• Берынгава мора
• Унутранае Японскае мора
• Усходне-кітайскае мора
• Жоўтае мора
• Каралавае мора
• Новагвінэйскае мора
• Мінданао мора
• Ахоцкае мора
• мора Саву
• мора Серам
• Саламонава мора
• мора Сулавесі
• мора Сулу
• Тасманава мора
• мора Фіджы
• Філіпінскае мора
• мора Флорэс
• Паўднёва-кітайскае мора
• Яванскае мора
• Японскае мора

Атлянтычны акіян

• Азоўскае мора
• Балтыйскае мора
• Ірляндзкае мора
• Карыбскае мора
• мора Лабрадор
• Мармуровае мора
• Саргасавае мора
• Паўночнае мора
• Міжземнае мора
• Адрыятычнае мора
• мора Альбаран
• Балеарскае мора;
• Іянічнае мора
• Кіпрскае мора
• Лігурыйскае мора
• Тырэнскае мора
• Эгейскае мора
• Чорнае мора

Індыйскі акіян

• Андаманскае мора
• Аравійскае мора
• Арафурскае мора
• мора Касманаўтаў
• Чырвонае мора
• Лакадыўскае мора
• мора Моўсана
• мора Рысер-Ларсэна
• мора Садружнасьці
• Тыморскае мора

Арктычны акіян

• Баранцава мора
• Пячорскае мора
• мора Бафіна
• Белае мора
• мора Бафорта
• Усходне-Сыбірскае мора
• Грэнляндзкае мора
• Карскае мора
• мора Лапцевых
• мора Лінкольна
• Нарвэскае мора
• Чукоцкае мора

Паўднёвы акіян

• мора Амудсэна
• мора Роса
• мора Уэдэла
• мора Скоша
• мора Лазарава
• мора Дэвіса
• мора Белінсгаўзэна

Унутраныя моры

• Аральскае мора
• Касьпійскае мора
• Мёртвае мора

Вонкавыя спасылкі

 Мора — сховішча мультымэдыйных матэрыялаў