Маас

Рака
Маас, Мёз Meuse, Maas
Маас ля Маастрыхту
Агульныя зьвесткі
Выток	плято Лянгр (па-француску: plateau Langres), Францыя
Вусьце	Паўночнае мора
Краіны басэйну	Францыя, Бэльгія, Нідэрлянды
Даўжыня	925 км
Сярэднегадавы сьцёк	230 м³/с
Плошча басэйну	36 тыс. км²

Маас (Мёз; па-француску: Meuse, па-нідэрляндзку: Maas, па-валёнску: Mouze‎, па-лацінску: Mosa) — рака ў Францыі, Бэльгіі ды Нідэрляндах. Даўжыня — 925 км, плошча басэйну — 36 тыс. км².

Асноўныя зьвесткі

Даліна ракі Маас ля места Дынан (Францыя)

Рака суднаходная да вярхоўеў, злучаная каналамі з такімі рэкамі, як Шэльда, Сена, Райн ды іншыя. Вышэй за места Сядан рака шлюзаваная. У ніжнім цячэньні ўзровень вады ў рацэ на значнае працягласьці разьмешчаны вышэй за раўніны паабапал Маасу, таму для прадухіленьня навадненьня рэчышча абмежаванае грэблямі. Сілкаваньне ракі пераважна дажджавое, а таксама сьнегавое. З гэтым зьвязана тое, што ў засушлівыя рокі ўзровень Маасу значна паніжаецца, што робіць суднаходзтва па рацэ праблематычным.

На Маасе разьмешчаныя месты Вэрдэн, Сядан (Францыя), Намюр, Льеж (Бэльгія), Маастрыхт, Хертагенбос (Нідэрлянды).

Вонкавыя спасылкі

 Маас — сховішча мультымэдыйных матэрыялаў

• Гісторыя ракі Маас ^(нід.)