Panoramio

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Panoramio
Logo-panoramio-google.png
URL www.panoramio.com
Камэрцыйны? Так
Тып Фотагостынг
Рэгістрацыя Бескаштоўная
Даступныя мовы Шматмоўная
Уладальнік Google Inc.
Аўтар Хуакін Куэнка Абэла
Эдуарда Манхон Аґілар
Хасэ Фларыда
Пачатак працы 3 кастрычніка 2005 году
Бягучы стан Працуе

Panoramio — фотагостынг ад Google, які адрозьніваецца ад большасьці аналягаў мажлівасьцю дадаць геаграфічныя зьвесткі пра месца, дзе быў зроблены фатаздымак. Некаторыя фотаздымкі можна праглядзець Google Earth і Google Maps праз спэцыяльны слой з фотаздымкамі, які дапаўняецца штомесяц. Мэтаю сайта зьяўляецца надаць мажлівасьць карыстальнікам Google Earth даведацца больш пра прагледжаную імі тэрыторыю праз здымкі, якія былі зробленыя іншымі людзьмі і запампаваныя на Panoramio. Інтэрфэйс сайту ёсьць у некалькіх мовах (у тым ліку і на беларускай[1]).

Гісторыя[рэдагаваць | рэдагаваць крыніцу]

Хуакін Куэнка і Эдуарда Манхон, тварцы Panoramio

Сайт быў распачаты двума прадпрымальнікамі з Гішпаніі: Хуакінам Куэнка Абэла і Эдуардам Манхон Аґілар. Афіцыйная дата пачатку працы — 3 кастрычніка 2005 году, а 19 сакавіка 2007 году сайт зьмяшчаў ужо 1 мільён фотаздымкаў.[2] Праз тры месяцы, 27 чэрвеня 2007 году колькасьць фотаздымкаў дасягнула ўжо двух мільёнаў.[3] Празь яшчэ чатыры месяцы колькасьць запампаваных здымкаў дасягнула пяці мільёнаў, зарэгістраваўся мільённы ўдзельнік.[4]

30 траўня 2007 году Google абвясьціла сваё жаданьне набыць Panoramio,[5] што і зрабіла ў ліпені таго ж году.[1]

Праз Google Code#AJAX API зьявілася магчымасьць ладзіць свае сэрвісы, куды людзі могуць запампоўваць здымкі і пазначаць геа-каардынаты на мапах Google.

Функцыі[рэдагаваць | рэдагаваць крыніцу]

Арганізацыя здымкаў[рэдагаваць | рэдагаваць крыніцу]

У працэсе запампоўкі здымкаў Panoramio прапануе дадаць да здымкаў цэтлікі, па якіх можна будзе лёгка адшукаць гэтую выяву. Panoramio таксама стаўся адным зь першых сайтаў, што пачаў выкарыстоўваць воблакі цэтлікаў, якія зьмяшчаюць найбольш папулярныя цэтлікі, выкарыстаныя людзьмі.

Выявы, асноўны зьмест якіх — асобы, аўтамабіли, унутраны выгляд будынкаў і гэтак далей, выдаляюцца. Занадта «мастацкія» здымкі таксама часьцей за ўсё выдаляюцца, нават калі не парушаюць патрабаваньняў.

Ліцэнзаваньне[рэдагаваць | рэдагаваць крыніцу]

Panoramio дае магчымасьць карыстальніку абраць ліцэнзію, пад якой выява будзе распаўсюджвацца. Можна як трымаць усе правы на выяву, гэтак і абраць адну зь ліцэнзіяў Creative Commons.

API[рэдагаваць | рэдагаваць крыніцу]

Panoramio мае асабісты інтэрфэйс для ўзаемадзейнічаньня. Зь яго дапамогай можна як дадаць на сваю старонку мапу з фатаздымкамі з Panoramio, гэтак і атрымаць сьпіс здымкаў, якія знаходзяцца ля дадзеных каардынатаў. У гэтым выпадкам, апрацаваць атрыманы сьпіс можна пры дапамозе JSON.

Крыніцы[рэдагаваць | рэдагаваць крыніцу]

  1. ^ а б Panoramio Team (анг.)
  2. ^ One million geolocated photos at Panoramio // Panoramio’s Blog (анг.)
  3. ^ 2 million photos in Panoramio // Panoramio’s Blog (анг.)
  4. ^ 1 million registered users and 5 million photos uploaded // Panoramio’s Blog (анг.)
  5. ^ A picture’s worth a thousand clicks The Official Google Blog (анг.)

Commons-logo.svg  Panoramioсховішча мультымэдыйных матэрыялаў