Андрэй Калмагораў
Зьвесткі зь Вікіпэдыі — вольнай энцыкляпэдыі.
Андрэй Мікалаевіч Калмагораў (па-расейску: Андрéй Николáевич Колмогóров) (12(25) красавіка 1903, Тамбоў – 20 кастрычніка 1987, Масква) — расейскі савецкі вучоны, адзін з выбітных матэматыкаў 20 стагодзьдзя, фактычны заснавальнік тэорыі верагоднасьцяў у яе сучасным выглядзе. Працаваў таксама ў вобласьці тапалёгіі, лёгікі, тэорыі турбулентнасьці, тэорыі складанасьці альгарытмаў.
Акадэмік Акадэміі навук СССР (з 1939), Герой Сацыялістычнай Працы (1963), ляўрэат Ленінскай прэміі (1965, сумесна з Уладзімірам Арнольдам).

