Бэфруа

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Бэфруа Бруге

Бэфруа́ (па-француску: Beffroi, таксама — вечавая вежа, вежа гарадзкой (мескай) рады) — вежа, якая была ўласьцівай для шэрагу сярэднявечных гарадоў.

Ад вартавай вежы да ратушы[рэдагаваць | рэдагаваць крыніцу]

Першапачаткова бэфруа служылі вартавымі вежамі, на якіх вісеў набатны звон. Падобная вежа ўяўляла сабою сымбаль свабоды гораду. Паступова ў памяшканьні вежаў сталі разьмяшчаць залі пасяджэньняў гарадзкой рады, месца для заховы казны, дакумэнтаў, пячатак, гандлёвыя памяшканьні. Паколькі ўнутры вежаў бракавала месца, у падножжа бэфруа сталі дабудоўваць спэцыяльныя будынкі. Такім чынам, бэфруа паступова пераўтварылася ў ратушу.

Геаграфія[рэдагаваць | рэдагаваць крыніцу]

Бэфруа зьявіліся ў Ангельшчыне і існавалі ў Фляндрыі і сумежных зь ёй раёнах Францыі й Нідэрляндаў. У нашыя дні большая частка бэфруа захавалася ў Бэльгіі. Больш за 50 бэфруа Бэльгіі і Францыі занесены ў Сьпіс сусьветнай спадчыны ЮНЭСКО. Бэфруа Брусэльскай ратушы не ўваходзіць у гэты сьпіс бэфруа, бо яна ўжо лічыцца часткай аб’екту Брусэльскага цэнтральнага пляцу, унесенага асобна ў Сьпіс сусьветнай спадчыны.

Вонкавыя спасылкі[рэдагаваць | рэдагаваць крыніцу]

Commons-logo.svg  Бэфруасховішча мультымэдыйных матэрыялаў