Гаага

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Гаага
Den Haag
Палац міру
Палац міру
Den Haag wapen.svg Flag of The Hague (variant).svg
Герб Гаагі Сьцяг Гаагі
Былыя назвы: Die Haghe, Den Hag(h)e, 's-Gravenhage
правінцыя: правінцыя Паўднёвая Галяндыя
бургамайстар: Ёзіас ван Артсэн (Jozias van Aartsen)
Плошча: 98,20 км²
Насельніцтва (2013)
• колькасьць:
• шчыльнасьць:

508.480
6004
Паштовы індэкс: 2491-2599
Геаграфічныя каардынаты: 52°5′ пн. ш. 4°18′ у. д. / 52.083° пн. ш. 4.3° у. д. / 52.083; 4.3Каардынаты: 52°5′ пн. ш. 4°18′ у. д. / 52.083° пн. ш. 4.3° у. д. / 52.083; 4.3
Гаага на мапе Нідэрляндаў
Гаага
Гаага
Гаага
Commons-logo.svg Галерэя здымкаў у Wikimedia Commons
www.denhaag.nl
Муніцыпалітэт Гаага на мапе Нідэрляндаў

Гаа́га (па-нідэрляндзку: Den Haag / 's-Gravenhage, [dɛnˈɦaˑχ] / [ˈsχraˑvə(n)ˌɦaˑɣə]) — другое па велічыні места Нідэрляндаў з колькасьцю насельніцтва 494,898 чал. (на 31 сьнежня 2010 году).

Гаага зьяўляецца адміністрацыйным цэнтрам правінцыі Паўднёвая Галяндыя і муніцыпалітэтам. У гэтым месьце разьмяшчаецца ўрад і парламэнт краіны, а таксама рэзыдэнцыя манарха. Хаця Гаага не зьяўляецца сталіцай дзяржавы, статус які належыць Амстэрдаму, места ўсё адно выконвае частку сталічных функцыяў. У прыватнасьці, большая частка амбасадаў і міністэрстваў знаходзяцца ў Гаазе. Таксама места зьяўляецца цэнтрам для шматлікіх міжнародных арганізацыяў і кампаніяў.

Гісторыя назвы[рэдагаваць | рэдагаваць крыніцу]

Мяркуецца, што назва месту пайшла ад выразу de Haag van de Graaf, што літаральна перакладаецца як «лес графа». У простай мове стала пашыранай назва Die Haghe ці Den Hag(h)e, аднак у афіцыйных дакумантах з XVII ст. выкарыстоўвалася імя 's-Gravenhage, якое лічылася больш мілагучным.

з 1990 году кіраўніцтва муніцыпалітэту стала пасьлядоўна выкарыстоўваць назву Den Haag замест 's-Gravenhage. Прычынамі сталі інтэнсыўная інтэрнацыяналізацыя места, а таксама жаданьне прывесьці імя з іншамоўнымі назвамі (The Hague па-ангельску, La Haye па-француску, Den Haag па-нямецку, Haag па-нарвэску, па-швэдзку і па-дацку, L’Aia па-італійску й Гаага па-расейску, па-беларуску й па-ўкраінску).

Аднак ёсьць тэндэнцыя выкарыстаньня назвы 's-Gravenhage у афіцыйным справаводзтве менавіта муніцыпалітэту, а ня месту. Так, у пашпартах і ідэнтыфікацыйных картках жыхароў муніцыпалітэту пазначаецца такая назва.

Гісторыя[рэдагаваць | рэдагаваць крыніцу]

Гаага была заснаваня ў 1230 годзе, калі граф Галяндыі Флёрыс IV пабудаваў малы замак на месцы, дзе цяпер знаходзіцца места. Сёньня на гэтым месцы можна ўбачыць палацавы комплекс Бінэнхоф (па-нідэрляндзку: Binnenhof). У 1248 годзе граф Вільгельм II, які й стаў Рымскім каралём, пачаў будаваць больш новы замак на беразе возера сярод выдмаў, цяпер гэта «Прыдворная сажалка» (па-нідэрляндзку: Hofvijver). Пасьля сьмерці Вільгельму, ягоны сын Флёрыс V скончыў пабудову замку, ў 19-м ст. названнага Рыцарскае залай (па-нідэрляндзку: Ridderzaal), якая была аздобленая пазалочаным дахам і дзьвюма вежамі.

Геаграфія[рэдагаваць | рэдагаваць крыніцу]

Трамвай на падземнай станцыи «Спёй» (Spui)

У Гаазе налічваецца 8 раёнаў (stadsdelen), якія ў сваю чаргу падзеленыя на яшчэ меншыя «мікрараёны» (wijken).[1] У адрозьненьні ад Амстэрдаму і Ратэрдаму гарадзкія раёны ня маюць аніякіх палітычных функцыяў і ў іх рамках не праводзяцца выбары.

Пляж Схэвэнінгену

Крыніцы[рэдагаваць | рэдагаваць крыніцу]