Дзень Пі

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Дзень Пі — сьвята ўшанаваньня матэматычнай канстанты π (пі). Гэтае сьвята адбываецца штогод 14 сакавіка, што ў некаторых краінах запісваецца як 3.14 (нумар месяца перад нумарам дня), а 3,14 — першыя лічбы дзесятковага запісу ліка пі. Звычайна гэтае сьвята адзначаюць на матэматычных факультэтах ВНУ і матэматычных школах у 1:59 (гэта наступныя тры лічбы пі). У гэты дзень, 14 сакавіка, нарадзіўся Альбэрт Айнштайн.

Дакладны дзень пі адбыўся 14 сакавіка 1592 году ў 6 гадзін 53 хвіліны і 58 сэкундаў. У амэрыканскім фармаце часу гэта выглядае як: 3/14/1592 6:53:58, што адпавядае першым 12 лічбам пі: 3.14159265358. Але малаверагодна, што хтосьці сьвяткаваў гэтае сьвята ў той дзень.

Дзень прыблізна Пі — падобнае сьвята, адзначаецца 22 ліпеня, бо дроб 22/7 (= 3,142857…) прыблізна роўны ліку пі.

Іншым варыянтам даты зьяўляецца 26 красавіка (ці 25 красавіка ў высакосны год) — дзень, калі плянэта Зямля пройдзе дзьве астранамічныя адзінкі сваёй гадавой арбіты: у гэты дзень агульная даўжыня зямной арбіты, падзеленая на ўжо пройдзены шлях, роўная ліку пі (то бок, Зямля прайшла два радыяны сваёй арбіты).

Адзначэньне[рэдагаваць | рэдагаваць крыніцу]

У гэты дзень: 1) чытаюць прамовы ўшанаваньня ліку π, 2) пякуць пірагі з выявай літары π і зь першымі лічбамі ліку, 3) п’юць напоі і гуляюць у гульні, назвы якіх пачынаюцца з π, 4) рашаюць матэматычныя галаваломкі і загадкі, 5) водзяць карагоды вакол прадметаў, зьвязаных з гэтым лікам[1].

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Дзень Пісховішча мультымэдыйных матэрыялаў