Дэйвід Грос

Дэйвід Грос
David Jonathan Gross
Род дзейнасьці	фізыка
Дата нараджэньня	19 лютага 1941
Месца нараджэньня	Вашынгтон, ЗША

Дэ́йвід Джо́натан Грос (па-ангельску: David Jonathan Gross; нарадзіўся 19 лютага 1941, Вашынгтон) — амэрыканскі фізык, ляўрэат Нобэлеўскае прэміі па фізыцы ў 2004 г. «за адкрыцьцё асымптатычнае свабоды ў тэорыі моцных узаемадзеяньняў» (разам з Ф. Вільчакам і Д. Політцэрам).

Біяграфія

Грос скончыў Габрэйскі Унівэрсытэт Іерусаліма ў Ізраілю, дзе ў 1962 годзе атрымаў ступень магістра. Ступень доктара філязофіі па спэцыяльнасьці фізыка атрымаў у 1966 годзе ў Каліфарнійскім ўнівэрсытэце ў Бэркліі. Да 1997 года працаваў ў Гарвардзкім унівэрсытэце навуковым супрацоўнікам і выкладаў у Прынстане. У дадзены момант узначальвае Інстытут тэарэтычнае фізыцы імя Кавлі Каліфарнійскага Ўнівэрсытэта Санта-Барбары.

Узнагароды

• У 1988 годзе атрымаў Мэдаль Дырака
• У 2000 годзе атрымаў Прэмію Харві
• У 2004 годзе атрымаў Нобэлеўскую прэмію па фізыцы

Вонкавыя спасылкі

 Дэйвід Грос — сховішча мультымэдыйных матэрыялаў

• Нобэлеўскі выклад^(анг.)
• ArXiv papers^(анг.)
• Webpage at the Kavli Institute^(анг.)
• Scientific articles of David Gross (SLAC database)^(анг.)
• BBC synopsis on the award^(анг.)
• Interviews^(анг.)