Кірыл Ермаковіч
| Кірыл Ермаковіч | ||
| Пэрсанальная інфармацыя | ||
|---|---|---|
| Нарадзіўся | 11 студзеня 1999[1] (25 гадоў) | |
| Рост | 181 см | |
| Вага | 74 кг[3] | |
| Пазыцыя | нападнік | |
| Клюбная інфармацыя | ||
| Клюб | Гомель | |
| Нумар | 27 | |
| Клюбы | ||
| Гады | Клюб | Гульні (галы)¹ |
| 2019 | БАТЭ | 0 (0) |
| 2019 | → Белшына | 15 (1) |
| 2020 | Гомель | 9 (3) |
| 2020 | Крумкачы | 11 (2) |
| 2021 | Віцебск | 26 (0) |
| 2022— | Гомель | 47 (3) |
|
¹ Колькасьць гульняў і галоў за прафэсійны клюб лічыцца толькі | ||
Кірыл Аляксандравіч Ермаковіч (нар. 11 студзеня 1999 году) — беларускі футбаліст, паўабаронца «Гомлю». Сын беларускага футбаліста і трэнэра Аляксандра Ермаковіча.
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Пачынаў займацца футболам у школе клюбу «Менск», на юнацкім узроўні выступаў таксама за менскае «Дынама» і барысаўскі БАТЭ. У 2015 годзе далучыўся да акадэміі расейскага «Краснадару», дзе выступаў на працягу 1,5 гадоў. У кастрычніку 2016 году вярнуўся ў Беларусь і быў заяўлены за дублюючы склад БАТЭ[4]. У наступныя гады замацаваўся ў складзе клюбнага дублю. 17 лістапада 2018 году дэбютаваў у асноўнай камандзе барысаўчанаў, калі выйшаў у стартавым складзе матчу Кубка Беларусі супраць «Гарадзеі» (0:0, па пэнальці 4:2) і быў заменены ў другім тайме.
Сэзон 2019 году пачынаў у клюбным дублі БАТЭ, аднак ужо ў красавіку быў аддадзены ў арэнду ў бабруйскую «Белшыну»[5]. У складзе бабруйскай каманды часьцей выходзіў на замену. Паводле вынікаў сэзону 2019 году дапамог «Белшыне» выйсьці ў Найвышэйшую лігу. У лютым 2020 году падпісаў кантракт з «Гомлем»[6], аднак у ліпені пакінуў клюб[7] і ў жніўні далучыўся да складу «Крумкачоў»[8], дзе чаргаваў выхады ў пачатковай адзінаццатцы і на замену.
У студзені 2021 году пачаў трэнавацца зь «Віцебскам» і неўзабаве падпісаў кантракт з клюбам[9]. У сэзоне 2021 году рэгулярна зьяўляўся на полі, чаргуючы выхады ў стартавым складзе і на замену. У студзені 2022 году падоўжыў пагадненьне зь віцебскім клюбам[10], аднак ужо ў сакавіку пакінуў «Віцебск» і далучыўся да «Гомлю», склаўшы двухгадовы кантракт[11]. У лютым 2024 году падоўжыў пагадненьне з гомельскім клюбам[12].
Міжнародная[рэдагаваць | рэдагаваць крыніцу]
У кастрычніку 2017 году гуляў за зборную Беларусі (да 19 гадоў) у адборачным раўндзе чэмпіянату Эўропы.
Дасягненьні[рэдагаваць | рэдагаваць крыніцу]
«Гомель»:
- Уладальнік Кубка Беларусі: 2022
Крыніцы[рэдагаваць | рэдагаваць крыніцу]
- ^ а б в Kirill Yermakovich // https://www.transfermarkt.com/transfermarkt/profil/spieler/504081
- ^ а б https://www.transfermarkt.com/kirill-ermakovich/profil/spieler/504081
- ^ а б https://www.fcgomel.by/team/main-roster/kirill-ermakovich/
- ^ Футбол. За дубль БАТЭ заявлен сын Александра Ермаковича Архівавана 7 сакавіка 2022.
- ^ БАТЭ отдал Ермаковича в аренду
- ^ Кирилл Ермакович подписал контракт с "Гомелем"
- ^ Кирилл Ермакович покинул "Гомель"
- ^ Кирилл Ермакович перешел в НФК "Крумкачы"
- ^ "Витебск" объявил о подписании контракта с Кириллом Ермаковичем
- ^ Кирилл Ермакович поставил подпись под новым контрактом с "Витебском"
- ^ Кирилл Ермакович перешел в "Гомель"
- ^ Кирилл Ермакович продлил контракт с "Гомелем" (рас.)
Вонкавыя спасылкі[рэдагаваць | рэдагаваць крыніцу]
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball