Сяргей Амяльчук
| Сяргей Амяльчук | |
 | |
| Асабістыя зьвесткі | |
|---|---|
| Нарадзіўся | 6 сакавіка 1957 (67 гадоў) |
| Літаратурная дзейнасьць | |
| Род дзейнасьці | пісьменьнік, паэт, перакладнік |
| Гады творчасьці | 1972 — цяпер |
| Жанр | верш і проза |
| Мова | беларуская мова |
Сярге́й Іва́навіч Амяльчýк (нар. 6 сакавіка 1957 г. у вёсцы Рачыца Бярозаўскага раёну Берасьцейскай вобласьці, БССР) — беларускі паэт, пісьменьнік і перакладчык.
Біяграфія[рэдагаваць | рэдагаваць крыніцу]
Навучаўся ў Рачыцкай пачатковай школе, потым у сярэдніх школах № 2 і №3 г Белаазёрску. Працаваў сьлесарам на Белаазёрскім энэрга-мэханічным заводзе (1974—1975). З 1975 студэнт Маскоўскага авіяцыйнага тэхналягічнага інстытуту імя К. Э. Цыялкоўскага. У 1980 годзе скончыў навучаньне ў вышэйзгаданым інстытуце і атрымаў адукацыю інжынэра-мэталюрга. Працаваў у г. Балашыха Маскоўскай вобласьці, у г. Барысаў Менскай вобласьці і ў г. Белаазёрску. З 1993 г. і па цяперашні час жыве ў Берасьці. Інжынэр на СП ААТ «Брэстгазаапарат».
Пачаў пісаць вершы ў 1972 годзе. У 1999 годзе выйшаў з друку першы паэтычны зборнік «Дарога, вір і амфара», які ў 2003 годзе быў перавыдадзены. Наступны паэтычны зборнік «Мая Сінекура» быў выдадзены ў 2012 годзе ў Луцку ў выдавецтве «Терен». З 2012 году сябар Саюзу беларускіх пісьменьнікаў[1]. Трэці паэтычны зборнік «Зямля, якую бяруць з сабою», быў выдадзены ў 2013 годзе ў выдавецтве «Логвінаў» (г. Менск). У 2015 годзе ўваходзіў у рэдкалегію альманаха «Жырандоля», які выдаецца Берасьцейскім аддзяленьнем Саюзу беларускіх пісьменьнікаў[2][3]. У 2016 атрымаў ліцэнзію на розьнічны продаж кніжных выданьняў і працуе каля цэнтральнага рынку Берасьця[4]. Уваходзіў у журы прэміі «Кніга году 2016»[5].
Піша вершы, апавяданьні. Перакладае з украінскай. Асобныя творы перакладзены на ўкраінскую мову[6].
Бібліяграфія[рэдагаваць | рэдагаваць крыніцу]
- «Зямля крыві» (Берасьце: 1996)
- «Дарога, вір і амфара» (Брэст: Дзяржуніверсітэт, 1999)
- «Мая Сінекура» (Луцк: Терен, 2012)
- «Зямля, якую бяруць з сабою» (Мінск: Логвінаў, 2013).
Крыніцы[рэдагаваць | рэдагаваць крыніцу]
- ^ Амяльчук Сяргей Іванавіч — Саюз беларускіх пісьменьнікаў
- ^ Бяласін Я. Пісьменнікі ў Брэсце прэзентавалі альманах «Жырандоля» // Брестский Курьер. — 2015.
- ^ Новая «Жырандоля» // Літаратурная Беларусь. — Новы час, 2015. — № 48 (465). — С. 2.
- ^ Бяласін Я. Брэсцкія пісьменнікі пайшлі ў народ // Брестский Курьер. — 2016.
- ^ Прэмія «Кніга году». Беларускі ПЭН-цэнтр. Праверана 15 чэрвеня 2017 г.
- ^ Вершы ад А. :: Мая Берасьцейшчына — "Літаратура і Мастацтва" выйшаў зборнік паэзіі Берасьцейшчыны ў перакладах Валерыя Грышкаўца «Белой вежи свет». Праверана 26 студзеня 2011 г.