Шарлёттаўн

Шарлёттаўн
Charlottetown
Шарлёттаўн узімку
Герб Шарлёттаўну Сьцяг Шарлёттаўну
Горад з:	17 красавіка 1855
Краіна:	Канада
Правінцыя:	Востраў Прынца Эдўарда
Мэр:	Кліфард Д. Лі
Плошча:	44,33 км²
Насельніцтва (2006) • колькасьць: • шчыльнасьць:	32 174 чалавек 725,8 чал./км²
Часавы пас: • летні час:	UTC-4 UTC-3
Тэлефонны код:	+1-902
Геаграфічныя каардынаты:	46°13′59.99″ пн. ш. 63°09′00″ з. д.
Шарлёттаўн на мапе Канады Шарлёттаўн

Шарлёттаўн (па-ангельску: Charlottetown) — сталіца і найбуйнейшы горад самай дробнай канадзкай правінцыі Востраў Прынца Эдўарда.

Насельніцтва — 32174 (2006), мэтраполіі — 58625 чалавека, у асноўным, беласкурыя. Больш за 91% — хрысьціяне, большасьць — каталікі і пратэстанты.

На месцы гораду раней былі індзейскія паселішчы (мікмакі). У 1720 годзе французы заснавалі цьвердзь, якая ў 1758 годзе перайшла пад кантроль ангельцаў. Сам Шарлёттаўн, названы ў гонар жонкі Георга III і будучай бабулі каралевы Вікторыі Шарлёты Мэкленбург-Страліцкай, быў заснаваны ў 1764 годзе, статус горада атрымаў 17 красавіка 1855 году.

Горад таксама вядомы правядзеньнем у 1864 годзе канфэрэнцыі дэлегатаў ангельскіх і паўночнаамэрыканскіх калёніяў, якая заклала пачатак утварэньню Канадзкай канфэдэрацыі.

Шарлёттаўн інтэнсіўна наведваецца турыстамі, у горадзе захавалася шмат славутасьцяў канца XVIII—XIX стст. Акрамя таго, у Шарлёттаўн часта заходзяць круізныя судны.

Клімат, як і па ўсім востраве, мяккі і вільготны, моцны ўплыў на надвор’е аказвае Атлянтычны акіян. Тэмпэратура студзеня-лютага — каля −7 °C, ліпеня-жніўня — +17-+18°С. Узімку назіраюцца адлігі і сьнегапады. Улетку пахмурна і дажджліва.

Вонкавыя спасылкі

 Шарлёттаўн — сховішча мультымэдыйных матэрыялаў