UFO (гурт)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
UFO
UFO (Band).jpg
Інфармацыя
Гады 1969 — нашы дні
Адкуль Лёндан, Ангельшчына
Мова ангельская
Жанр гард-рок, гэві-мэтал
Выдавец Beacon, Nova, Chrysalis, EMI, Metal Blade, Shrapnel, SPV Records
Зьвязаныя праекты Lone Star, The Michael Schenker Group, Fastway, The Plot, Scorpions
Афіцыйная старонка www.ufo-music.info
Удзельнікі
Удзельнікі Філ Мог
Віні Мур
Пол Рэйманд
Піт Ўэй
Эндзі Паркер

UFOбрытанскі рок-гурт, заснаваны ў 1969 годзе. Гурт зрабіў значны ўнёсак у фармаваньне стылю гэві-мэтал і паўплываў на разьвіцьцё шматлікіх клясычных мэтал-гуртоў, як то Iron Maiden, Metallica, Megadeth і іншых.

Гісторыя[рэдагаваць | рэдагаваць крыніцу]

Гурт быў заснаваны вакалістам Філам Могам, гітарыстам Мікам Болтанам, басоўцам Пітам Ўэем і гульцом на бубнах Эндзі Паркерам зь першапачатковым назовам Hocus Pocus. Аднак у хуткім часе гурт зьмяніў назву на UFO ў гонар аднайменнага лёнданскага клюбу, дзе гурт быў прыкмечаны прадусарам. Першы гард-рокавы альбом гурта пад назовам «UFO 1» быў складзены ў 1970 годзе, гурт набывае папулярнасьць у Японіі й Нямеччыне. Альбом «UFO 2 - Flying» (1971 году) па гучаньні быў блізкім да раньняга гэві-мэталу, але таксама прыкметны ўплыў папулярнага на той час жанра спэйс-року.

У 1972 годзе Мік Болтан пакідае гурт, і музыкі UFO шукаюць на яго месца замену. Нейкі час зь імі грае Лэры Ўоліс, затым Бэрні Мардсэн, пакуль улетку 1973 году да гурту не далучаецца Міхаэль Шэнкер. Пасьля выхаду альбомаў «Force It» і «No Heavy Petting» UFO набываюць міжнародную папулярнасьць — гурт становіцца папулярным у Вялікабрытаніі й ЗША. У 1976 годзе да гурту далучаецца яшчэ адзін удзельнік — клявішнік і гітарыст Пол Рэйманд. Складзены зь ім альбом «Lights Out» часьцяком называюць вяршынай творчасьці UFO.

У 1978 годзе Шэнкер пакідае гурт, на ягонае месца прыходзіць Пол Чэпмэн, зь якім UFO запісвае альбомы «The Wild, the Willing and the Innocent» і «Mechanix», якія добра прадаваліся ў Вялікабрытаніі. Аднак у 1983 годзе, пасьля выхаду альбому «Making Contact», нэгатыўна сустрэты крытыкамі, гурт распадаецца.

Праз два гады Філ Мог набірае новых музыкаў і запісвае альбом «Misdemeanor», аднак у 1988 годзе UFO зноўку распадаецца. У 1992 годзе Мог і Ўэй вырашаюць зноў закласьці гурт і нейкі час працуюць з гітарыстам Лорэнсам Арчэрам і гульцом на бубнах Клайвам Эдвардсам. У сярэдзіне 90-х UFO з посьпехам гастралюе ў клясычным складзе (Мог, Уэй, Рэйманд, Шэнкер і Паркер). У 2002 годзе, пасьля складаньня альбому «Sharks», Шэнкер зноўку пакідае калектыў, і яго зьмяняе Віні Мур.

Склад[рэдагаваць | рэдагаваць крыніцу]

Дыскаграфія[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  UFO (гурт)сховішча мультымэдыйных матэрыялаў