Валосавічы (Акцябарскі раён)

Валосавічы
Першыя згадкі:	1552
Вобласьць:	Гомельская
Раён:	Акцябарскі
Сельсавет:	Валосавіцкі
Насельніцтва:	425 (2007)
Колькасьць двароў:	186
Аўтамабільны код:	3
Геаграфічныя каардынаты:	52°32′ пн. ш. 29°07′ у. д.
Валосавічы на мапе Беларусі Валосавічы

Вало́савічы (Vałosavičy) — вёска ў Акцябарскім раёне Гомельскай вобласьці. Валосавічы ўваходзяць у склад і зьяўляюцца цэнтрам Валосавіцкага сельсавету і СПК «Некрашынскі».

Гісторыя

У архіўных крыніцах згадваюцца ад 1552 году, уваходзілі ў Мазырскае староства. У вёсцы пражывала 95 душ мужчынскага полу. Іншае адносна раньняе згадваньне аб вёсцы ставіцца да 1560 году. Пасьля другога падзелу Рэчы Паспалітай Валосавічы — у складзе Бабруйскага павету Менскае губэрні, уласнасьць земскага судзьдзі Яна Лявонавіча Кялчэўскага. У вёсцы было 13 двароў, 72 душы мужчынскага і 64 — жаночага полу.

У XIX ст. Валосавічы — маёнтак, які па стане на 1844 належыў карнэту палка караля Гановэрскага Жыгімонту Фадзеевічу Кялчэўскаму. У вёсцы было 17 цяглых двароў і 5 двароў «дваровых».

У кастрычніку 1943 году нямецкія захопнікі спалілі ўсю вёску (165 двароў) і загубілі 158 жыхароў.

Насельніцтва

• 2007 год — 186 двароў, 425 жыхароў

Інфраструктура

У вёсцы знаходзяцца сярэдняя школа-сад, бібліятэка, клюб, фэльчарска-акушэрскі пункт, аддзяленьне сувязі, 2 крамы, комплексна-прыёмны пункт, малочнатаварная й сьвінагадоўчая фэрмы.

Вонкавыя спасылкі

• Валосавічы^(рас.)