Волга Ніжні Ноўгарад

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Сьцяг Расеі Волга
FC Wolga nn.gif
Поўная назва Футбольный клуб «Волга» Нижний Новгород
Мянушкі валгары
Заснаваны 1998
Горад Ніжні Ноўгарад, Расея
Стадыён Лякаматыў
Умяшчальнасьць: 17 800
Галоўны трэнэр Юры Калітвінцаў
Чэмпіянат Расейская Прэм'ер-ліга
 · 2012—2013 12 месца
Афіцыйны сайт

Волга (па-расейску: Волга) — расейскі футбольны клюб з гораду Ніжні Ноўгарад. Заснаваны ў 1998 годзе. У 2011 годзе клюб дэбютаваў у расейскай Прэм’ер-Лізе. Да 2004 году клюб меў назоў «Электроніка».

Гісторыя[рэдагаваць | рэдагаваць крыніцу]

У 1992 годзе трэнэр Уладзімер Зіноўеў арганізаваў дзіцячую каманду на базе ДЮСК «Сармовіч», якая пазьней стала называцца «Электроніка». Дзіцячая каманда займала 2-е месца ў фінальным турніры на прызы клюба «Скураны мяч» (1995), 3-е месца ў зоне «Паволжа» першынства Расеі (1996), перамагала на паўфінальных спаборніцтвах першынства Расеі (1997), станавілася чэмпіёнам Ніжняга Ноўгарада й вобласьці сярод юнакоў[1]. У 1998 годзе на базе дзіцячай каманды быў створаны прафэсійны клюб. У 19992000 гадох клюб выступаў у зоне «Паволжа» КФК, у першым сэзоне стаўшы сёмым, а ў другім сэзоне — трэцім. Пасьля сэзону 2000 году клюб атрымаў прафсійны статус і ў 20012008 гадох выступаў у другім дывізіёне (2001—2002 — зона «Паволжа», 2003—2008 — «Урал-Паволжа»). У 2004 годзе клюб «Электроніка» пасьля зьмены ўласьніка быў перайменаваны ў ФК «Волга».

У 2008 годзе «Волга» сэнсацыйна перамагла ў розыгрышы Кубка Расеі па футболе 2008—2009 гадоў падмаскоўны «Сатурн» і перамагла ў сваёй зоне другога дывізіёна, выйшаўшы ў першы дывізіён, дзе выступала 2 сэзоны. У дэбютны сэзон у першым дывізіёне «Волга» заняла чацьвёртае месца. 3 лістапада 2010 году «Волга» за тур да заканчэньня турніру ў першым дывізіёне забясьпечыла сабе другое месца й пуцёўку ў Прэм’ер-лігу, згуляўшы ўнічыю з ФК «Ніжнім Ноўгарадам» зь лікам 2:2.

У 2011 годзе «Волга» дэбютавала ў расейскай Прэм’ер-лізе. Старт сэзону апынуўся для волжанаў удалым. Паказваючы добрую гульню, яны здолелі на пачатку атрымаць перамогі ў матчах супраць «Томі», «Дынама» й «Растова», пры гэтым маскавіты былі разгромленыя зь лікам 3:0. Пасьля чацьвёртага тура ніжагародцы нават ачольвалі турнірную табліцу. Аднак у наступных чатырох турах каманда пацярпела чатыры паразы, у тым ліку два на сваім полі, прадэманстраваўшы пры гэтым, на думку спэцыялістаў, слабую гульню й нізкую самааддачу[2]. У выніку пасьля 13 тура, у якім волжане саступілі на выездзе «Краснадару», галоўны трэнэр клюба Амары Тэтрадзэ быў звольнены[3]. Часова абавязкі галоўнага трэнэра выконваў Сяргей Пярэдня, які да гэтага працаваў у другім дывізіёне з камандай «Хімік» Дзяржынска, якая лічыцца фарм-клюбам ніжагародцаў[4]. Аднак ужо на наступны дзень на пасаду галоўнага трэнэра быў прызначаны Дзьмітры Чэрышаў[5].

21 верасьня 2011 году «Волга» у рамках Кубка Расеі перайграла маскоўскі «Спартак». Асноўны час матчу завяршыўся зь лікам 1:1, а ў дадатковы час галоў забіта не было. Зыход матчу вырашылі пасьляматчавыя пэнальці. За першыя пяць удараў промахамі адзначыліся Нікаляс Парэха з «Спартака» й Гія Грыгалава з «Волгі»[6]. Вырашальнай памылкай стаў промах Вэлітана, які сваім ударам трапіў у ашэстак[7]. У выніку лік па пэнальці склаў 6:5 на карысьць ніжагародцаў. «Волга» ўпершыню ў сваёй гісторыі здолела прабіцца ў чвэрцьфінальную стадыю Кубка Расеі 2011—2012 гадоў, дзе згуляла супраць грозьненскага «Церака». Матч прайшоў на поле ніжагародцаў. Нягледзячы на прапушчаны ў канцы першага тайма гол і выдаленьне брамніка, «Волга» здолела перавесьці гульню ў овэртайм, дзе вырашальны мяч з пэнальці забіў Андрэй Карака. Гэтая перамога вывела волжанаў у паўфінал, дзе яны ў гасьцёх прайгралі маскоўскаму «Дынама» зь лікам 2:1[8]. Удзел у паўфінале зьяўляецца лепшым дасягненьнем «Волгі» у Кубку Расеі па футболе й галоўным клюбным дасягненьнем «Волгі».

Па сканчэньні сэзону 2011—2012 гадоў трэнэрскі штаб «Волгі» ачоліў Гаджы Гаджыеў, а ягоным памочнікам быў прызначаны Андрэй Канчэльскіс. Пасьля закрыцьця футбольнага клюба «Ніжні Ноўгарад» на базе «Волгі» адбылося аб’яднаньне чалавечых рэсурсаў двух ніжагародскіх камандаў. Спартовым дырэктарам «Волгі» быў прызначаны адзін з кіраўнікоў «Ніжняга Ноўгарада», вядомы расейскі арбітр Ігар Ягораў. У галоўную каманду «Волгі» прыйшла група гульцоў, якія выступалі раней за «гараджанаў», а ў штаб моладзевай каманды «бела-сініх» перайшлі спэцыялісты, якія таксама раней працавалі ў структуры «Ніжняга Ноўгарада».

Былыя назвы[рэдагаваць | рэдагаваць крыніцу]

  • 1998—2003 — «Электроніка»
  • з 2004 — «Волга»

Склад[рэдагаваць | рэдагаваць крыніцу]

Па стане на 18 верасьня 2013 году

Пазыцыя Імя Год нараджэньня
1 Сьцяг Расеі Бр Артур Нігматулін 1991
3 Сьцяг Малдовы Аб Сімеон Булгару 1985
4 Сьцяг Польшчы Аб Марцін Кавальчык 1985
5 Сьцяг Расеі ПА Андрэй Карака 1978
6 Сьцяг Расеі Аб Дзьмітры Палянін 1980
8 Сьцяг Расеі Аб Дзяніс Калодзін 1982
9 Сьцяг Расеі ПА Аляксандар Шуленін 1979
10 Сьцяг Расеі Нап Дзьмітры Сычоў 1983
11 Сьцяг Расеі ПА Раман Канцэдалаў 1986
14 Дзяржаўны сьцяг Беларусі ПА Антон Пуціла 1987
16 Сьцяг Расеі ПА Мікіта Маляраў 1989
17 Сьцяг Харватыі ПА Матыя Дварнекавіч 1989
19 Сьцяг Румыніі ПА Адрыян Рапатан 1986
Пазыцыя Імя Год нараджэньня
20 Сьцяг Расеі ПА Яўген Алдонін 1980
21 Сьцяг Ямайкі Нап Шэлтан Лутан 1985
22 Сьцяг Дэмакратычнай Рэспублікі Конга Нап Мулюмба Кельвін Мукендзі 1985
23 Сьцяг Расеі Нап Дзьмітры Булыкін 1979
25 Сьцяг Расеі Аб Андрэй Буйвалаў 1987
26 Сьцяг Польшчы Аб Пётар Польчак 1986
27 Сьцяг Расеі Бр Міхаіл Камароў 1984
29 Сьцяг Расеі ПА Шата Бабілаў 1980
33 Сьцяг Сэрбіі Аб Мілан Родзіч 1991
35 Сьцяг Эстоніі Бр Сяргей Парэйка 1977
37 Сьцяг Малдовы Аб Віталь Бардыян 1984
39 Сьцяг Расеі Нап Арцём Даніленка 1990
77 Сьцяг Расеі Нап Леандра 1985

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]