Дуб

Дуб
Клясыфікацыя
Царства	Расьліны
Аддзел	Пакрытанасенныя
Кляса	Двухдольныя
Атрад	Букакветныя
Сямейства	Букавыя
Род	Дуб
Бінамінальная намэнклятура
Quercus
Дуб на Віківідах  Дуб у Вікісховішчы ITIS 19276 · NCBI 3511

Дуб (Quercus) — род вечназялёных і лістападных дрэваў і кустоў сямейства букавых. Вядома каля 600 відаў, пашыраных пераважна ў Паўночным паўшар’і й гарах Паўднёвай Амэрыкі.

Батанічнае апісаньне

Дрэвы вышынёй да 30-40 м, у дыямэтры больш за 1 м. Лісьце зубчастае або лопасьцевае. Кветкі тычынкавыя ў каташках, песьцікавыя — адзіночныя. Плод — жолуд. Жыве 400—500 і больш гадоў.

Цьвітуць у красавіку-траўні, плады высьпяваюць у верасьні-кастрычніку. У батанічных садах і парках 16 інтрадукаваных відаў і 7 форм. Найбольш вядомыя: дуб паўночны, балотны, аксамітавы.

Распаўсюджваньне

У Беларусі

На Беларусі дуб звычайны, або летні пашыраны па ўсёй тэрыторыі, на поўдні ўтварае дубовыя лясы. Дуб скальны, або сядзячакветны расьце ў Белавескай пушчы.

Выкарыстаньне

Дрэва дае каштоўную прамысловую сыравіну.

Драўніна

Драўніна цьвёрдая й гнуткая з высокімі фізіка-механічнымі й тэхнічнымі ўласьцівасьцямі з прыгожай тэкстурай, выкарыстоўваецца ў розных галінах прамысловасьці й гаспадаркі:

• мэблевая
• сталярная
• гідратэхнічнае будаўніцтва
• суднабудаўніцтва

Кара

Кара мае да 12% танідаў, што выкарыстоўваецца як добры дубільнік і добры лекавы (вяжучы) сродак.

Жалуды

Жалуды ідуць на корм жывёле і прыгатаваньне сурагату кавы.

Дрэвы

Многія віды высокадэкаратыўных дрэваў выкарыстоўваюцца ў зялёным будаўніцтве (адзіныя і групавыя пасадкі, алеі, масівы, абсадка дарог).

Помнікі прыроды

Шмат якія экзэмпляры аб’яўлены помнікамі прыроды.

Цікавосьці й гістарычныя зьвесткі

Раней на Беларусі са ствалоў дубоў рабілі лодкі-дубы (чаўны).

Глядзіце таксама

• Дуб Баўбліс

Вонкавыя спасылкі

 Дуб — сховішча мультымэдыйных матэрыялаў