Кут

Зьвесткі зь Вікіпэдыі — вольнай энцыкляпэдыі.

Кут (тое ж, што і Вугал) плоскі — геамэтрычная фігура, якая складаецца з пункта — вяршыні кута і двух розных паўпрамых, што выходзяць з гэтага пунта — бакоў кута.

Інакш кажучы, кут — фігура, утвораная двума прамянямі з агульная вяршыняй.

Шэраг практычных задачаў вядзе да мэтазгоднасьці разглядаць кут як фігуру, што атрымліваецца пры вярчэньні фіксаванага прамяня вакол пункта О (зь якой зыходзіць прамень) да зададзенага становішча. У гэтым выпадку кут зьяўляецца мерай павароту прамяня. Такое азначэньне дазваляе абагульніць паняцьце кута: у залежнасьці ад кірунку вярчэньня адрозьніваюць дадатныя і адмоўныя куты, разглядаюць куты, вялікшыя за 360°, куты, роўныя 0°, і г. д. У трыганамэтрыі падобны разгляд дазваляе вывучаць трыганамэтрычныя функцыі для любых значэньняў аргумэнту.

Паняцьце кута таксама абагульняецца на розныя аб'екты, што разглядаюцца ў стэрэамэтрыі (двухгранны кут, шматгранны кут, целавы кут).

[рэдагаваць] Велічыня кута

Куты звычайна вымяраюць у градуснай меры, радзей — у радыяннай. Градус (1°) — частка разгорнутага кута $1 \over 180$ . Радыян — кут, у якога адпаведная дуга акружыны паводле даўжыні роўная радыюсу.

Сувязь паміж градуснай і радыяннай мерай кута: калі кут зьмяшчае $\ x$ ° радыянаў, тады $x = {\alpha \over \pi} \cdot 180$ ; $\alpha = {\pi x \over 180}$