Сродкі масавай інфармацыі

Сро́дкі ма́савай інфарма́цыі (СМІ), мас-мэдыя (па-ангельску: mass media) — сродак данясеньня інфармацыі (славеснай, гукавой, візуальнай) паводле прынцыпу шырокавяшчальнага каналу, які ахоплівае вялікую аўдыторыю і дзейнічае на пастаяннай аснове.

Да СМІ адносяцца:

• Друкаваныя выданьні (прэса): газэты, часопісы
• Электронныя СМІ: тэлебачаньне, радыё, Інтэрнэт

Зь цягам часу разгляданьне СМІ як «інфармуючых» адыйшло ў мінулае: у залежнасьці ад вугла разгляданьня выкарыстоўваюцца эпітэты «забаўляльныя» і нават «фармуючыя» (грамадзкае меркаваньне). Разьвіцьцё мэханізму зваротнай сувязі, то бокнаяўнасьць фармальнай магчымасьці ўплыву ці выказваньня свайго меркаваньня з боку слухачоў, глядачоў і чытачоў надае СМІ характар не аднанакіраванай камунікацыі. У сувязі з тым СМІ у сацыялёгіі мянуюцца як «сродкі масавай камунікацыі».

Прычыны выкарыстаньня

Да выкарыстаньня СМІ спрычыняюцца наступныя патрэбы:

1. парада;
2. зьмяншэньне пачуцьця асабістай небясьпекі;
3. веды пра навакольны сьвет;
4. падтрымка сваіх поглядаў;
5. разуменьне жыцьцёвых абставінаў;
6. спагада;
7. грамадзкая сувязь;
8. замяшчэньне грамадзкай сувязі;
9. супольнасьць зь іншымі — ўзаемападтрымка й салідарнасьць;
10. уцёкі ад турботаў;
11. стварэньне сьвету мрояў;
12. баўленьне часу;
13. зьняцьцё пачуцьцёвай напружанасьці;
14. плянаваньне часу.

Вонкавыя спасылкі

 Сродкі масавай інфармацыі — сховішча мультымэдыйных матэрыялаў