Юнікітці!
| Юнікітці! | |
| анг. Unikitty! | |
 Фрагмэнт з пачатковай застаўкі мультсэрыялу | |
| Тып мультфільму | мультфільм |
|---|---|
| Жанр |
прыгода фэнтэзі камэдыя сямейны музыкальны |
| Рэжысэр |
Кэйсі Аляксандар Брок Галахэр Карын Інгл Ўільям Рэйс |
| Аўтар сцэнару | Крэйг Бартлет |
| Кампазытар | Нік Кэлер |
| Прадусэр |
Дэн Лін Філ Лорд Крыштафэр Мылэр Рой Лі Джыл Ўылфэрт Сэм Рэджыстэр Джэф Прэзэнскаускі |
| Студыя |
LEGO Group Warner Bros. Animation Snipple Animation Renegade Animation |
| Краіна |
 ЗША Данія |
| Мова | ангельская |
| Працягласьць | 11 хвілін |
| Прэм’ера | 27 кастрычніка 2017 року |
| Папярэдні | «ЛЭГА Фільм» |
| Афіцыйны сайт | |
Юнікітці! (па-ангельску: Unikitty!) —амэрыканска-дацкі мультсэрыял, створаны Lego Group й Warner Bros. Animation для тэлеканалу Cartoon Network, з удзелам коткі-адзінарога Юнікітці з «ЛЭГА Фільму», які выйшаў у пракат у 2014 року[1][2][3].
Сэрыял быў анэнсаваны 10 траўня 2017 року. У тым жа 2017 року прадусэр Эд Скадэр на амэрыканскім фэсьце забаў «San-Diego Comic Con» пацьвердзіў, што прэм’ера мультсэрыялу адбудзецца на тэлеканале Cartoon Network у навагодні дзень 2018 року, аднак прэм’ерны паказ адбыўся раней — 27 кастрычніка 2017 року на тэлеканале Cartoon Network. Трансьляцыя другога сэзону мультсэрыялу пачалася 15 студзеня 2019 року. Станам на 2023 рок мае тры сэзоны са 104 сэрыяў. У 2020 року праэкт быў завершаны.
Сюжэт сыткаму[рэдагаваць | рэдагаваць крыніцу]
Сюжэт расказвае пра прыгоды вясёлай й мілай коткі-адзінарога Юнікітці, якая жыве ў чароўным Юнікаралеўстве й зьяўляецца яго прынцэсай. Юнікітці любіць бавіць час са сваімі лепшымі сябрамі: Папікорнам, Крака-ястрабам, Доктарам Фокс і Рычардам.
Як кіраўнік каралеўства, Юнікітці мае напружаныя дні, поўныя каралеўскіх абавязацельстваў. Юнікітці найбольш зацікаўлена ў тым, каб усе былі задаволеныя й пазбавіць каралеўства ад нэгатыву, але ня ўсе разумеюць яе аптымізм. Хоць яна можа быць поўнай бязьмежнай энэргіі й творчасьці, Юнікітці зьяўляецца сілай, зь якой трэба лічыцца, калі хтосьці ўстане на яе шляху распаўсюджваньня станоўчых рысаў у Каралеўстве, альбо калі хтосьці крыўдзіць яе малодшага брата й лепшага сябра — Папікорна. У замку таксама жывуць Доктар Фокс — мясцовы вучоны, й верны целаахоўнік Юнікітці, Хоўкадайл, альбо Крака-ястраб. Разам са сваімі сябрамі Юнікітці заўсёды чакае прыгоды.
Галоўныя героі (пратаганісты)[рэдагаваць | рэдагаваць крыніцу]
Юнікітці[рэдагаваць | рэдагаваць крыніцу]
Юнікіці — вельмі аптымістычная, яркая, вясёлая, жыцьцярадасная. Яна любіць весяліцца й не любіць нэгатыў вакол сябе, а калі яе брат знаходзіцца ў небяспэцы, яна заўсёды гатова пастаяць за яго. Шэрая цагліна Рычард лічыць яе легкадумнай, а Юнікітці прымае Рычарда за зануду.
Папікорн[рэдагаваць | рэдагаваць крыніцу]
Папікорн уяўляе сабою гібрыд шчанюка й адзінарога, хоць на самой справе ўяўляе сабой гібрыд шчанюка й кукурузы (гэта гаворыцца ў адной з сэрыяў). Мае жоўты зламаны рог, карыя вочы, вялікія вушы й нашыйнік.
Папікорн, як сабака, энэргічны й гульлівы, а таксама зьлёгку наіўны. Ён імкнецца з усіх сіл дапамагаць сваёй старэйшай сястры, што часта не ўдаецца, але ён ніколі не адмаўляецца ад спроб. Як й сястра, Папікорн вельмі любіць пазабавіцца.
Доктар Фокс[рэдагаваць | рэдагаваць крыніцу]
Доктар Фокс уяўляе сабой лісу-навукоўца ў белым халаце, акулярах і чорных нагавіцах.
Доктар Фокс, як вучоны, вельмі разумная. Яна лагічна разглядае сытуацыі, ставіць пад сумненьне вынікі, якія, на яе думку, могуць прывесьці да непрыемнасьцяў. Да таго ж, яна добры й надзейны сябар. У няведаньне самой Фокс, у яе ўлюбёны Крака-ястраб.
Крака-ястраб[рэдагаваць | рэдагаваць крыніцу]
Крака-ястраб — целаахоўнік Юнікітці. Ён сражаецца супраць ворагаў, якія спакушаюцца на простых грамадзян Юнікаралеўства альбо на яго сяброў, выкарыстоўваючы баявыя прыёмы й грубую сілу. Гібрыд кракадзіла й ястраба.
Нягледзячы на грубы зьнешні выгляд, Крака-ястраб спакойны. Ён не баіцца падвяргаць сумненьню праблемы, зь якімі сутыкаюцца іншыя, Крака-ястраб вельмі дэдуктыўны, але з-за сваёй грознасьці ня можа прызнацца ў рамантычнай прывязанасьці да Доктара Фокс.
Рычард[рэдагаваць | рэдагаваць крыніцу]
Рычард анічога асаблівага зь сябе не прадстаўляе — звычайная лэга-цаглінка. Поўны антыпод Юнікітці зь яе весялосьцю, да варʼяцтва любіць рабіць справы па доме й пастаянна напамінае Юнікітці й яе сябрам аб безразважнасьці іх дзеяньняў.
Галоўныя героі (антаганісты)[рэдагаваць | рэдагаваць крыніцу]
Майстэр Хмур[рэдагаваць | рэдагаваць крыніцу]
Майстэр Хмур носіць цёмна-сінюю робу, зьяўляецца адным з галоўных антаганістаў мультфільму. Поўная супрацьлегласьць Юнікітці. У той час калі дзеянні Юнікітці непарыўна зьвязаны зь пазытыўным кірункам у дачыненьні да жыхароў Юнікаралеўства, то амплюа Хрума —гэта шкодніцтва як да апошніх, так й да самой Юнікітці. У яго няма сяброў за выключэньнем магільнай пліты Брока. Свае прывязанасці да кагосьці паказваць ня любіць, бо баіцца паказацца слабахарактэрным.
Брок[рэдагаваць | рэдагаваць крыніцу]
Брок — маленькая магіла шэрага колеру і зь зялёнымі вачыма. У адрозненьне ад Хмура, Брок добры й спакойны. Да жыхароў Юнікаралеўства зла ня трымае, але калі патрэбна дапамагчы Майстру Хмуру, то Брок тут як тут.
Крыніцы[рэдагаваць | рэдагаваць крыніцу]
- ^ Here’s How the Animators Made The Lego Movie: Watch (анг.) // Entertainment.Time.com2014-02-20 г. Праверана 2018-05-29 г.
- ^ Unikitty TV series came to Cartoon Network (анг.). Brickset (2017-03-30). Праверана 2017-03-30 г.
- ^ Юникитти (рас.). Юникитти Fandom.