Зьвесткі зь Вікіпэдыі — вольнай энцыкляпэдыі.
«Болтан Ўандэрэрз» (па-ангельску: Bolton Wanderers Football Club; назва перакладаецца як «Вандроўцы Болтану»; назва часта скарачаецца да «Болтан») — ангельскі футбольны клюб, які прадстаўляе горад Болтан у Прэм’ер-Лізе. У сэзоне 2005—2006 каманда ўпершыню ў сваёй гісторыі прыняла ўдзел у міжнародным футбольным турніры пад эгідай УЭФА і дайшла да 1/16 фіналу Кубка УЭФА, дзе саступіла марсэльскаму «Алімпіку».
Клюб быў заснаваны ў 1874 годзе пад назвай «Крайст Чэрч» (Царква Хрыста). У 1997 годзе «Болтан Ўандэрэрз» пераехаў на стадыён «Рыбак». Да гэтага выступаў на арэне «Бурндэн Парк».
Клюб быў заснаваны прыхаджанамі царкоўнай школы ў 1874 годзе пад назвай «Крайст Чэрч». У 1877 годзе каманда была перайменаваная й пачала насіць сучасную назву «Болтан Ўандэрэрз», а праз 11 гадоў клюб прыняў удзел у стварэньні Футбольнай лігі.
У Кубку Ангельшчыны сэзону 1887—1888 гадоў, «Болтан» прымаў удзел у зацяжным першым туры супраць «Эвэртана». Ўэйлзкі паўабаронца Боб Робэртс забіў адзіны гол у першым матчы, але вынік быў прызнаны несапраўдным, бо «Болтан» выставіў не свайго гульца, Робэрта Струтэрса. Далей рушылі ўсьлед два нічыйных матча перш чым «Эвэртан» перамог у другой перагулёўцы матчу (усяго было згуляна чатыры матчы) зь лікам 2:1. Аднак, на гэты раз «Эвертан» дыскваліфікавалі за выстаўленьне на матч двух прафэсійных гульцоў, якія былі зарэгістраваныя як аматары, і перамога была прысуджана «Болтану». У другім раўндзе Болтан вылецеў з кубка, прайграўшы клюбу «Прэстан Норт Энд» зь лікам 9:1.
У 1894 годзе «Болтан» дайшоў да фіналу найстарэйшага турніру, Кубка Ангельшчыны, але прайграў «Нотс Каўнці» зь лікам 4:1 на стадыёне Гудысан Парк. Праз дзесяць гадоў клюб зноўку заняў другое месца ў турніры, прайграўшы зь лікам 1:0 «Манчэстэр Сіці» 23 красавіка 1904 году. 28 красавіка 1923 году «Болтан» перамог у кубку з трэцяй спробы, перамогшы «Ўэст Гэм Юнайтэд» зь лікам 2:0 на Ўэмблі. Матч вядомы, як Фінал белага каня, на якім прысутнічала звыш за 127 тысячаў заўзятараў. Нападаючы «Болтана» Дэйвід Джэк увайшоў у гісторыю як аўтар першага гола, забітага на лёнданскім стадыёне Ўэмблі.
- Па стане на 1 лютага 2012 года
Болтан Ўандэрэрз — сховішча мультымэдыйных матэрыялаў
Болтан Ўандэрэрз
.svg){kind=small}
.svg){kind=small}
Болтан Ўандэрэрз — сховішча мультымэдыйных матэрыялаў
