Манчэстэр Сіці

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Манчэстэр Сіці
Manchester City.png
Поўная назва Футбольны клюб Манчэстэр Сіці
Мянушкі Мяшчане
Заснаваны 1880
Горад Манчэстэр, Ангельшчына
Стадыён Сіці оф Манчэстэр
Умяшчальнасьць: 47 726
Прэзыдэнт Халдун Аль-Мубарак
Галоўны трэнэр Мануэль Пэлегрыні
Чэмпіянат Прэм’ер-Ліга
 · 2013—2014 1 месца
Хатнія колеры
Выязныя колеры

«Манчэстэр Сіці» (па-ангельску: Manchester City Football Club) — ангельскі футбольны клюб з гораду Манчэстэр. Клюб выступае ў ангельскай Прэм’ер-Лізе. Заснаваны ў 1880 годзе пад назвай «Ўэст Гордан Сэнт Маркс» (анг. Saint Marks (West Gordon)), у 1887 годзе ён зьмяніў назву на «Ардўік» і пераехаў на «Гайд Роўд», а з 1894 году клюб завецца «Манчэстэр Сіці». За сваю гісторыю клюб зьмяніў тры стадыёны, то бок з моманту свайго заснаваньня й да 1923 году каманда праводзіла свае хатнія матчы на пляцоўцы «Гайд Роўд», з 1923 па 2003 год — на «Мэйн Роўд», а ў цяперашні час выступае на пабудаваным у 2002 годзе «Этыгадзе», які мае ўмяшчальнасьць у 48 тысячаў гледачоў[1].

У XX стагодзьдзі «Манчэстэр Сіці» двойчы станавіўся чэмпіёнам Ангельшчыны ў 1937 і 1968 гадох, аднак у 1990-я гады «Манчэстэр Сіці» тройчы апускаўся ў ніжнія дывізіёны на працягу трох гадоў, правёўшы сэзон 1998—1999 гадоў у трэцім па значнасьці дывізіёне ангельскага футбола. У 2002 годзе клюб вярнуўся ў вышэйшы дывізіён, у якім выступае дагэтуль. У 2008 годзе «Манчэстэр Сіці» быў набыты кампаніяй «Абу-Дабі Юнайтэд Груп», што забясьпечыла клюбу значны прыток інвэстыцыяў і дазволіла ажыцьцявіць трансфэры высокааплатных футбалістаў. У 2011 годзе клюб перамог у розыгрышу Кубка Ангельшчыны, таксама паводле выніках сэзона 2010—2011 гадоў «Сіці» наўпрост кваліфікаваўся ў групавы этап Лігі чэмпіёнаў УЭФА й упершыню з 1973 году заваяваў права ўдзельнічаць у Супэркубку Ангельшчыны. Аднак 7 жніўня 2011 года на «Ўэмблі» атрымаў паразу ад чэмпіёна Ангельшчыны клюба «Манчэстэр Юнайтэд» зь лікам 2:3[2].

13 траўня 2012 года, абыграўшы ў драматычным матчы апошняга тура «Кўінз Парк Рэйнджарз» зь лікам 3:2 і забіўшы вырашальны гол на чацьвёртай дададзенай хвіліне, «Манчэстэр Сіці» праз 44 гады пасьля апошняй перамогі ў турніры стаў чэмпіёнам Ангельшчыны[3]. «Мяшчане» пры гэтым абышлі свайго галоўнага суперніка, «Манчэстэр Юнайтэд», толькі паводле лепшай розьніцы забітых і прапушчаных мячоў. Галоўным трэнэрам каманды ў цяперашні час зьяўляецца чылійскі спэцыяліст Мануэль Пэлегрыні, які быў прызначаны на пасаду напачатку лета 2013 году.

Гісторыя[рэдагаваць | рэдагаваць крыніцу]

Раньнія гады[рэдагаваць | рэдагаваць крыніцу]

Гульцы клюба «Сьвятога Марка» ў 1884 годзе. Чыньнікі выкарыстаньня мальтыйскага крыжа на кашулі ня вызначаны й па сёньня[4].

Заснавальніца футбольнага клюба нарадзілася ў 1855 годзе. Ганна Конэл была дачкой сьвятара Царквы Хрыста ў Гарагэйце Артура Конэла. У 1865 годзе ейны бацька атрымаў месца рэктара англіканскай Царквы сьвятога Марка ў Заходнім Гортане — адным з самых няшчасных раёнаў Манчэстэра. Вялікая колькасьць беспрацоўных заахвоціла Конэла ў студзені 1879 году стварыць бясплатную сталовую пры царкве й адмысловы фонд дапамогі мясцовай бядноце.

Ганна падтрымала пачынаньні бацькі ўдзелам у грамадзкіх працах. Бо на той момант Заходні Гортан уяўляў сабой перанаселены раён з жабракамі-жыхарамі й жудаснымі санітарнымі ўмовамі. Многія мяшчане злоўжывалі сьпіртнымі напоямі, што правакавала пагаршэньне крымінальнай сытуацыі[5]. Ганна Конэл шукала сродак паляпшэньня духоўнага стану грамадзтва. Таму ў лістападзе 1880 году разам з двума царкоўнымі старастамі й адначасова чальцамі Зьвяза мэталюргічнага завода Брукса Ўільямам Бістаў і Томасам Гудбэерам яна стварыла некалькі спартовых клюбаў. У тым ліку ў 1875 годзе каманду Царквы Сьвятога Марка па крыкеце, тры гульца якой — Ўолтар Чоў, Эдўард Кіч і сам Ўільям Бістаў — пасьля сталі футбалістамі. Арцыдыякан Манчэстэра высока ацаніў працу Ганны Конэл і дабраславіў ейную далейшую дзейнасьць[6].

Разам з тым станавілася відавочным, што ўзімку мужчыны Заходняга Гортана не маюць магчымасьці займацца калектыўнымі відамі спорту. Таму ў лістападзе 1880 году Ганна Конэл, Бістаў і Гудбэер стварылі футбольную каманду Царквы Сьвятога Марка пад назвай «Сьвяты Марк» або «Ўэст Гортан»[7]. Артур Конэл стаў першым прэзыдэнтам калектыву, які выступаў у чорных кашулях і белых шортах. Першы зарэгістраваны матч каманда правяла 13 лістапада 1880 года супраць царкоўнай каманды Маклсфілда, атрымаўшы паразу зь лікам 1:2. Між іншым, у першы сэзон свайгонага існаваньня каманда здолела перамагчы толькі адзін раз — у сакавіку 1881 году быў пераможаны калектыў «Сталібрыдж Кларэнс» з усходняга Манчэстэра[8].

У 1884 годзе адбылося пераназваньне ў футбольны клюб Асацыяцыі Гортана. Тады ж Ўільям Бістаў прыдумаў арыгінальную форму — чорныя кашулі зь белым крыжам. У жніўні 1887 году клюб пераехаў на новую пляцоўку ў «Гайд Роўд» і атрымаў новае найменьне — «Ардўік» паводле назвы раёна Манчэстэра. Праз два гады клюб пабудаваў трыбуну на тысячу гледачоў. А ў 1891 годзе ўступіў у Альянс-лігу й два гады запар ерамагаў у спаборніцтве на Кубак Манчэстэра. У красавіку 1892 году ў сувязі з фармаваньнем Другога Ангельскага дывізіёна Футбольная Ліга прыняла рашэньне ўключыць «Ардўік» у гэты турнір. Паводле вынікаў сэзона 1892—1893 гадоў каманда заняла 5 месца сярод 12 удзельнікаў.

Далейшае разьвіцьцё[рэдагаваць | рэдагаваць крыніцу]

Першым трафэем у скарбонцы «Сіці» стаў Кубак Ангельшчыны, выйграны ў 1904 годзе, у фінале яны перамаглі «Болтан Ўандэрэрз» 1:0. У 1920 годзе пажар зьнішчыў галоўную трыбуну стадыёну «Гайд Роўд», таму ў 1923 годзе «Сіці» перабраўся на «Мэйн Роўд» у Мос Сайдзе, Манчэстэр.

У 1934 годзе манкуніянцы ў другі раз дамагліся перамогі ў Кубку Ангельшчыне, а праз 3 гады заваявалі свой першы чэмпіёнскі тытул. «Гараджане» здолелі паўтарыць сваё дасягненьне праз 34 гады, у 1968 годзе. У канцы 1960-х і пачатку 1970-х «Манчэстэр Сіці» зьяўляўся грознай сілай. Пад кіраўніцтвам трэнэра Джо Мэрсэра з моцным складам гульцоў, такіх як Фрэнсыс Лі, Колін Бэл, Майк Самэрбі й Майк Доўл, «гараджане» здолелі некалькі разоў узяць срэбра чэмпіянату Ангельшчыны. На эўрапейскай арэне «Сіці» таксама выглядаў годна, і ў 1970 годзе здолеў заваяваць свой першы (і пакуль адзіны) эўрапейскі трафэй — Кубак уладальнікаў кубкаў, у Вене яны абгулялі польскі «Гурнік» 2:1.

У 2003 годзе клюб пераехаў на новы стадыён, які мае 48 000 глядацкіх месцаў і разьмешчаны на ўсходзе Манчэстэру. «Сіці» арандуе яго ў мясцовай рады. У сэзоне 2002—2003 гадоў «Сіці» выйшаў на дзявятае месца ў Прэм’ер-Лізе і атрымаў права на ўдзел у Кубку УЭФА па правіле Fair Play (яны сталі другім ангельскім клюбам, які атрымаў такое права).

Дасягненьні[рэдагаваць | рэдагаваць крыніцу]

Склад[рэдагаваць | рэдагаваць крыніцу]

Асноўны склад[рэдагаваць | рэдагаваць крыніцу]

Па стане на 31 студзеня 2014 году
Пазыцыя Імя Год нараджэньня
1 Сьцяг Ангельшчыны Бр Джо Гарт 1987
2 Сьцяг Ангельшчыны Аб Майка Рычардс 1988
3 Сьцяг Францыі Аб Бакары Санья 1983
4 Сьцяг Бэльгіі Аб Вінсэн Кампані (капітан) 1986
5 Сьцяг Аргентыны Аб Паблё Сабалета 1985
6 Сьцяг Ангельшчыны Аб Джолеан Лескат 1982
7 Сьцяг Ангельшчыны ПА Джэймз Мілнэр 1986
8 Сьцяг Францыі ПА Самір Насры 1987
9 Сьцяг Гішпаніі Нап Альвара Нэгрэда 1985
10 Сьцяг Босьніі і Герцагавіны Нап Эдзін Джэка 1986
13 Сьцяг Сэрбіі Аб Аляксандар Калараў 1985
14 Сьцяг Гішпаніі ПА Хаві Гарсія 1987
15 Сьцяг Гішпаніі ПА Хесус Навас 1985
Пазыцыя Імя Год нараджэньня
16 Сьцяг Аргентыны Нап Сэрхіё Агуэра 1988
17 Сьцяг Ангельшчыны ПА Джэк Родўэл 1991
21 Сьцяг Гішпаніі ПА Давід Сыльва 1986
22 Сьцяг Францыі Аб Гаэль Клішы 1985
25 Сьцяг Бразыліі ПА Фэрнандыньнё 1985
26 Сьцяг Аргентыны Аб Мартын Дэмікеліс 1980
29 Сьцяг Ангельшчыны Бр Рычард Райт 1977
30 Сьцяг Румыніі Бр Костэл Пантылімон 1987
33 Сьцяг Сэрбіі Аб Матыя Настасіч 1993
35 Сьцяг Чарнагорыі Нап Стэфан Ёвеціч 1989
38 Сьцяг Бэльгіі Аб Дэдрык Баята 1990
42 Сьцяг Кот-д’Івуару ПА Яя Турэ 1983

Крыніцы[рэдагаваць | рэдагаваць крыніцу]

  1. ^ «Part 8: Clubs», UEFA Champions League Statistics Handbook, UEFA, 13 Sep 2011, p. 10.
  2. ^ Команда Фергюсона забрала Суперкубок Англии: подробности. radiomayak.ru
  3. ^ Манчестерская развязка: «Манчестер Сити» чудесным образом стал чемпионом Англии. Коммерсантъ
  4. ^ «Club History – The Club – Manchester City FC». mcfc.co.uk.
  5. ^ Peter Lupson. «Thank God for Football!» — London: Azure, 2006. — 192 с. — ISBN 978-1-902694-30-6
  6. ^ The Encylopedia of British Football. Anna Connell. spartacus.schoolnet.co.uk
  7. ^ James Gary Manchester City - The Complete Record. — Derby: Breedon, 2006. — ISBN 1-85983-512-0 p17
  8. ^ Murray Chris Attitude Blue: Manchester City F.C. and P.L.C.. — Manchester: Blackwell Publishing, 2002. — P. 1. — ISBN 0-9520520-9-1

Вонкавыя спасылкі[рэдагаваць | рэдагаваць крыніцу]

Commons-logo.svg  Манчэстэр Сіцісховішча мультымэдыйных матэрыялаў