Натан Аке
| Натан Аке | ||
_-_53075276224_(Nathan_Ake).jpg)
| ||
| Пэрсанальная інфармацыя | ||
|---|---|---|
| Нарадзіўся | 18 лютага 1995[1][2][3] (29 гадоў) | |
| Рост | 180 см | |
| Вага | 75 кг | |
| Пазыцыя | абаронца | |
| Клюбная інфармацыя | ||
| Клюб | Манчэстэр Сіці | |
| Нумар | 6 | |
| Клюбы | ||
| Гады | Клюб | Гульні (галы)¹ |
| 2013—2017 2015 2015—2016 2016—2017 2017—2020 2020— |
Чэлсі → Рэдынг (арэнда) → Ўотфард (арэнда) → Борнмут (арэнда) Борнмут Манчэстэр Сіці |
7 (0) 5 (0) 24 (1) 10 (3) 105 (8) 73 (6) |
| Зборныя | ||
| 2017— | Нідэрлянды | 42 (5) |
|
¹ Колькасьць гульняў і галоў за прафэсійны клюб лічыцца толькі | ||
На́тан Аке́ (па-нідэрляндзку: Nathan Aké; нар. 18 лютага 1995 году) — нідэрляндзкі футбаліст, абаронца ангельскага клюбу «Манчэстэр Сіці» і нацыянальнай зборнай Нідэрляндаў. Звычайна займае пазыцыю цэнтральнага абаронцы, але часам можа згуляць на левым флянзе[4].
Кар’ера[рэдагаваць | рэдагаваць крыніцу]
Пачаў займацца футболам у роднай Гаазе ў акадэміі клюбу «АДО Дэн Гааг», але ў веку 12 гадоў далучыўся да акадэміі «Фэеноорду»[5]. Патэнцыял хлопца запрыкмецілі скаўты ангельскага «Чэлсі» і запрасілі юнака да сабе. Дэбютаваў Аке ў складзе «Чэлсі» ўжо 26 сьнежня 2012 году ў матчы Прэм’ер-лігі супраць «Норыдж Сіці», калі замяніў на пляцоўцы Хуана Мату ў дадатковы час. Аднак, хутка замацавацца ў складзе абаронца ня здолеў. Наступнымі гадамі ён пераважна праводзіў час у арэндах. Асаблівай стала арэнда ва «Ўотфард», які павярнуўся ў найвышэйшы ангельскі дывізіён і чакаў падмацаваньня з мэтай захаваньня месца ў эліце. Гулец дэбютаваў за клюб у нацыянальным першынстве 19 верасьня 2015 году ў матчы супраць «Ньюкасл Юнайтэд», калі зьявіўся на полі з лавы запасных. Свой першы гол забіў у матчы супраць «Лівэрпулу» празь некалькі месяцаў пасьля таго. У гэты пэрыяд Аке выкарыстоўваўся пераважна на левым флянзе абароны. 29 чэрвеня 2016 году Аке далучыўся ўжо да «Борнмута» на правах арэнды на сэзон 2016—2017 гадоў[6]. Гулец замацаваў у складзе, але ў сярэдзіне сэзону быў адкліканы да «Чэлсі», дзе таксама выходзіў часам на пляцоўку. Па сканчэньні сэзон Аке вярнуўся ў «Борнмут» ужо як паўнавартасны футбаліст клюбу. 5 жніўня 2020 году нідэрляндзец стаў гульцом «Манчэстэр Сіці» за 41 млн фунтаў стэрлінгаў[7]. Першыя сэзоны абаронца яшчэ быў гульцом ратацыі, але ў сэзоне 2022—2023 гадоў ужо замацаваўся ў асноўным складзе дружыны.
Дасягненьні[рэдагаваць | рэдагаваць крыніцу]
«Чэлсі»:
- Уладальнік Кубка футбольнай лігі: 2015
- Пераможца Лігі Эўропы: 2013
«Манчэстэр Сіці»:
- Чэмпіён Ангельшчыны: 2021, 2022, 2023
- Уладальнік Кубка Ангельшчыны: 2023
- Уладальнік Кубка футбольнай лігі: 2021
- Пераможца Лігі чэмпіёнаў: 2023
- Уладальнік Супэркубка Эўропы: 2023
- Пераможца клюбнага чэмпіянату сьвету: 2023
Крыніцы[рэдагаваць | рэдагаваць крыніцу]
- ^ а б в Nathan Aké // Transfermarkt (мн.) — 2000.
- ^ а б в NATHAN AKE // Argentine Soccer Database (гішп.)
- ^ а б в Nathan Aké // As (гішп.) — Madrid: Grupo Prisa, 1967. — ISSN 1888-6671
- ^ Smith, Adam (6.08.2020). «Nathan Ake: How would Bournemouth defender improve Manchester City?». Sky Sports.
- ^ «Nathan Aké, oud Wilhelmus Jeugd speler, definitief naar Chelsea FC». V.V. Wilhelmus.
- ^ «Ake loaned to the Cherries». Chelsea F.C.
- ^ «Nathan Ake completes City switch». Manchester City F. C.
Вонкавыя спасылкі[рэдагаваць | рэдагаваць крыніцу]
- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball