Зьвесткі зь Вікіпэдыі — вольнай энцыкляпэдыі.
Норыдж Сіці (па-ангельску: Norwich City F.C.) — ангельскі футбольны клюб з гораду Норыдж, што знаходзіцца ў графстве Норфалк, які выступае ў Прэм’ер-Лізе. Па стане на сэзон 2011—2012, «Норыдж Сіці» зноўку гуляе ў Прэм’ер-лізе пасьля шасьцігадовай адсутнасьці, скончыўшы на другім месцы Чэмпіянат Футбольнай Лігі ў 2010—11 гадох і атрымаўшы, такім чынам, аўтаматычны пераход у вышэйшы дывізіён[1].
Клюб быў заснаваны ў 1902 годзе. Упершыню клюб патрапіў у вышэйшы ангельскі футбольны дывізіён у 1972 годзе, дзе згуляў у агульнай складанасьці 21 сэзон. «Норыдж Сіці» двойчы перамог у турніры на Кубак Лігі ў 1962 і 1985 гадох. Таксама клюб зьяўляецца адным з заснавальнікаў Прэм’ер-Лігі ў 1992—1993 гадох, заняўшы ў тым сэзоне трэцяе месца. Клюб згуляў першыя тры сэзоны ў новай лізе, нават праходзячы ў Кубак УЭФА, дзе каманда дасягнула трэцяга раўнда, а таксама вярнулася на адзін сэзон у 2004—2005 гадох.
З 1935 году «Норыдж Сіці» праводзіць свае хатнія матчы на стадыёне «Кэроў Роўд», а таксама мае даўніе й жорсткае саперніцтва з суседзямі па Усходняй Англіі клюбам «Іпсўіч Таўн», зь якімі яны правялі ўжо агулам 138 матчаў, гэтае дэрбі мае назоў — Дэрбі Ўсходняй Англіі. Пеьсня заўзятараў «On The Ball, City» разглядаецца як найстарэйшая футбольная песьня ў сьвеце.
Футбольны клюб «Норыдж Сіці» быў створаны паводле выніках сустрэчы ў кафэ «Крытэрыён» у Норыджы 17 чэрвеня 1902 года. Праз некалькі дзён, 2 ліпеня, адбылася яшчэ адна сусрэча з нагоды стварэньня клюба, якая была арганізавана трыма былымі гульцамі клюба «Norwich CEYMS», Робэртам Ўэбстэрам, Джозэфам Купэрам і Брэдам Скелі[2][3]. Свой першы матч клюб правёў 6 верасьня 1902 года супраць каманды «Гарыдж і Паркенсан» на пляцоўцы «Ньюмаркет Роўд»[4]. Пасьля паверкі камісіяй Футбольнай асацыяцыі клюб быў адхілены ад аматарскіх гульняў у 1905 годзе, бо быў характарызаваны як арганізацыя з прафэсійнымі прыкметамі. У тым жа годзе «Норыдж Сіці» быў абраны ў якасьці чальца Паўднёвай лігі, а з павелічэньнем колькасьці наведвальнікаў матчаў, клюб быў вымушаны зьехаць з «Ньюмаркет Роўд» ў 1908 годзе й пераехаць на «Нэст», закінуты кар’ер мелу. Арыгінальнай мянушкай клюба была «грамадзяне», аднак з 1907 году стала ужываць сучасная «канаркі», з-за папулярнай у той час модзе на разьвядзеньне й утрыманьне птушак. Падчас Першай сусьветнай вайны, калі футбол быў прыпынены, перад клюбам паўстала сур’ёзная запазычанасьць, такім чынам 10 сьнежня 1917 году клюб увайшоў у стадыю добраахвотнай ліквідацыі.
Па стане на 31 студзеня 2013 году
Норыдж Сіці — сховішча мультымэдыйных матэрыялаў
Норыдж Сіці
Норыдж Сіці — сховішча мультымэдыйных матэрыялаў
