Кубак Футбольнай Лігі

Кубак Футбольнай Лігі (па-ангельску: Football League Cup), больш вядомы як Кубак Лігі (па-ангельску: League Cup), — спаборніцтва, якое праводзіцца сярод ангельскіх клюбных камандаў.

Рэглямэнт

Як і Кубак Ангельшчыны, гэты турнір праводзіцца па прынцыпе выбываньня ўдзельнікаў пасьля першай паразы. Але ў адрозьненьне ад Кубка Ангельшчыны, дзе ў розыгрышы 2007/2008 гадоў удзельнічала 731 каманда, лік удзельнікаў Кубка Лігі абмежаваны 92 клюбамі — 20 прадстаўляюць Прэм’ер-Лігу, а яшчэ 72 — тры дывізіёны Футбольнай Лігі. Яшчэ адным адрозьненьнем паміж гэтымі турнірамі зьяўляецца тое, што ў паўфіналах Кубка Ангельшчыны каманды гуляюць паміж сабой два матчы, а не адзін.

Пераможца Кубка Лігі атрымлівае права ўдзельнічаць у розыгрышы Лігі Эўропы, калі ён не дамогся гэтага права іншым шляхам (калі пераможца згуляе ў Лізе чэмпіёнаў, пуцёўка ў Лігу Эўропы пераходзіць камандзе зь ліку тых, хто яшчэ ня ўдзельнічае ні ў адным эўракубкаў, але фінішавала ў Прэм’ер-Лізе вышэй за сваіх канкурэнтаў).

Гісторыя

З 1982 году Кубак Лігі мянуецца па назьве фундатара:

• Малочны Кубак (па-ангельску: Milk Cup) — з 1981/1982 па 1985/1986 фундатарам зьяўлялася кампанія-вытворца малочных прадуктаў Milk Marketing Board;
• Кубак Выкліку Littlewoods (па-ангельску: Littlewoods Challenge Cup) — з 1986/1987 па 1989/1990 фундатарам была кампанія Littlewoods сэра Джона Мурса, вядомая дзякуючы свайму букмэкэрскаму падразьдзяленьню;
• Кубак Rumblebows (па-ангельску: Rumbelows Cup) — з 1990/1991 па 1991/1992 Кубак спансавала кампанія па гандлю электратаварамі Rumblebows;
• Кубак Coca-Cola (па-ангельску: Coca-Cola Cup) — з 1992/1993 па 1997/1998 фундатарам выступала кампанія-вытворца безалькагольных напояў Coca-Cola;
• Кубак Worthington (па-ангельску: Worthington Cup) — з 1998/1999 па 2002/2003 назвай Кубка служыла марка піва, якая належыць кампаніі Coors Brewers;
• Кубак Carling (па-ангельску: Carling Cup) — з 2003/2004 і па цяперашні час ў якасьці назвы выкарыстоўваецца марка піва, якая належыць кампаніі Coors Brewers;

Кубак Лігі лічыцца ня гэткім прэстыжным, як Кубак Ангельшчыны, які мае значна багацейшую гісторыю, і ў розыгрышы якога прымаюць нават тыя клюбы, якія не ўваходзяць у склад Футбольнай Лігі. Магчыма, менавіта таму шматлікія клюбы ў цяперашні час выстаўляюць на матчы турніру сур’ёзна саслабленыя склады, улучальных гульцоў, не атрымлівальных гульнявой практыкі, у тым ліку моладзь.

Пераможцы

Паказаныя апошнія перамогі і паразы ў фіналах турніру

	Клюб	Перамог	Апошняя перамога	Фіналіст	Апошняя параза
1	Лівэрпул	7	2003	3	2005
2	Астан Віла	5	1996	2	1971
3	Тотэнгэм Готспур	4	2008	2	2002
	Нотынггэм Форэст	4	1990	2	1992
	Чэлсі	4	2007	2	2008
6	Лэстэр Сіці	3	2000	2	1999
7	Арсэнал	2	1993	4	2007
	Манчэстэр Юнайтэд	2	2006	4	2003
	Норыдж Сіці	2	1985	2	1975
	Манчэстэр Сіці	2	1976	1	1974
	Ўулвэргэмптан Ўандэрэрз	2	1980	0	N/A

• «Бірмінггэм Сіці», «Блэкбэрн Ровэрз», «Ўэст Бромўіч Альбіён», «Кўінз Парк Рэйнджарз», «Лідс Юнайтэд», «Лутан Таўн», «Мідлзбра», «Оксфард Юнайтэд», «Сток Сіці», «Суіндан Таўн» і «Шэфілд Ўэнсдэй» выйгралі турнір па адным разе.
• «Болтан Ўандэрэрз», «Ўэст Гэм Юнайтэд» і «Эвэртан» гулялі ў фінале па два разы, але ні разу трафэй ня выйгралі.

Вонкавыя спасылкі

• Афіцыйны сайт Кубка Лігі

 Кубак Футбольнай Лігі — сховішча мультымэдыйных матэрыялаў