Зьвесткі зь Вікіпэдыі — вольнай энцыкляпэдыі.
Астан Віла (па-ангельску: Aston Villa F.C.) — ангельскі футбольны клюб з гораду Бірмінггэм, які выступае ў Прэм’ер-Лізе. Клюб разьмяшчаецца ў Астане — цэнтральным раёне гораду, ад імя якога й пайшоў назоў каманды. Клюб зьявіўся на сьвет у 1874 годзе. У 1888 годзе ён быў адным з заснавальнікаў Футбольнай Лігі, у 1897 годзе зьмяніў футбольную пляцоўку на «Віла Парк», а ў 1992 годзе клюб стаў адным са стваральнікаў Прэм’ер-Лігі.
«Віла» адзін з самых сталых і пасьпяховых калектываў у Ангельшчыне, маючы на сваім рахунку 7 перамогаў у чэмпіянаце й столькі ж разоў становячыся ўладальнікамі кубка краіны. Таксама клюб зьяўляецца адным з чатырох ангельскіх калектываў, што змаглі заваяваць самы прэстыжны трафэй Старога Сьвету — Кубак эўрапэйскіх чэмпіёнаў у сэзоне 1981—1982 гадоў.
«Віла» мае працяглае супрацьстаяньне са сваім сталым ворагам «Бірмінггэмам Сіці», якое яшчэ мае назоў «дэрбі другога гораду» й цягнецца з 1879 году. Традыцыйныя колеры экіпіроўкі — бардовыя кашулі з блакітнымі рукавамі, белыя трусы й блакітныя гэтры. Традыцыйны лягатып зьмяшчае залатога ільва на блакітным фоне, ніжэй знаходзіцца дэвіз клюбу — «падрыхтаваны». Апошнім разам лягатып быў мадыфікаваны ў 2007 годзе.
Клюб быў заснаваны ў сакавіку 1874 году гульцамі ў крыкет для таго, каб зімой падтрымліваць спартовую форму. Да канца 1870-х гадоў «Астан Віла» стала адной з наймацнейшых камандаў у Мідлэндзе. У 1880 годзе клюб перамог у кубку Бірмінггэма, які стаўся першым трафэем у гісторыі клюба, у тым жа сэзоне каманда пачала выступы ў Кубку Ангельшчыны, дзе дайшла да трэцяга раўнда. Таксама ў 1879 годзе быў згуляны першы матч са сваім гістарычным супернікам «Бірмінггэм Сіці», які зваўся тады «Смол Гіл». Матч скончыўся перамогай «Смол Гілу» зь лікам 1:0. Гэтая падзея паклала пачатак дэрбі другога гораду.
У 1878 годзе ў зборную Ангельшчыны ўпершыню быў выкліканы гулец «Астан Вілы» Артур Браўн. У першай палове 1880-х гадоў «Астан Віла» працягвала заставацца наймацнейшай камандай Мідлэнда, выйграўшы Кубак Бірмінггэма 5 разоў у 6 розыгрышах, аднак у Ангельшчыне справы ішлі ня гэтак добра, лепшым вынікам у Кубку была стадыя чвэрцьфіналу.
Першы вялікі посьпех прыйшоў да клюба ў 1887 годзе, калі ўпершыню быў выйграны Кубак Ангельшчыны. Тады ў камандзе гулялі вядомыя гульцы свайго часу, як то Арчы Гантэр і Артур Браўн, а «Астан Віла» заваявала сабе рэпутацыю аднаго зь лепшых клюбаў краіны. У 1888 годзе па ініцыятыве мэнэджара «Астан Вілы» Ўільяма Макгрэгара была заснавана першая Футбольная ліга ў сьвеце. Макгрэгар зьвярнуўся з прапановай да 11 вядучых клюбаў краіны. Гэтак з 12 клюбаў ўтварылася ліга, і «Астан Віла» стала ініцыятарам ейнага заснаваньня. У першым сэзоне каманда заняла 2 месца. Аднак, затым рушыў усьлед спад, «Астан Віла» заняла ў двух наступных сэзонах 8 і 9 месца адпаведна. Затым справы пайшлі крыху лепей, і ў 1892 годзе клюб дабраўся да фіналу Кубка Ангельшчыны, дзе зь лікам 3:0 атрымаў паразу ад «Ўэст Бромўіч Альбіён». Аднак, аж да 1893 году «Астан Віла» заставалася серадняком чэмпіянату.
У 1894 годзе «Астан Віла» першы раз у сваёй гісторыі стала чэмпіёнам Ангельшчыны. Аднак, гэта быў толькі пачатак безумоўнага дамінаваньня клюба ў краіне. За 7 сэзонаў «Астан Віла» перамагла ў чэмпіянаце 5 разоў (1894, 1896, 1897, 1899, 1900) і 2 разы сталася ўладальнікам Кубка Ангельшчыны (1895 і 1897). Таксама была атрымана трэцяе месца ў 1895 годзе. Толькі ў 1898 годзе клюб застаўся без трафэяў. У 1897 годзе каманда пераехала на стадыён «Віла Парк», на якім гуляе й па гэты дзень. У 1897 годзе быў зроблены залаты дубль, гэта значыць перамога ў Кубку Ангельшчыны (у фінале быў абыграны «Эвэртан» зь лікам 3:2) і чэмпіянаце. У 1898 годзе, паслабіўшыся пасьля дубля, каманда заняла 6 месца — адзінае не прызавое за гэтыя гады. Дарэчы, залаты дубль ніхто ня здолеў паўтарыць да 1961 году. У наступныя два сэзоны «Астан Віла» станавілася чэмпіёнам. Да пачатку XX стагодзьдзя клюб падышоў самым тытулаваным ў краіне. У гэты пэрыяд былі выйграныя ўсе матчы супраць «Бірмінггэма Сіці». Многія футбалісты тагачаснай «Астан Вілы» былі асноўнымі гульцамі зборнай Ангельшчыны, як то абаронцы Гаўард Спэнсэр, які быў капітанам зборнай Ангельшчыны й «Астан Вілы», і былы гулец «Бэрнлі» Джымі Кабтры, нападнікі Джон Дэйві, Фрэд Ўэлдэн, Білі Гараці, Джо Бэч і Джон Кэмпбэл. Да гэтага часу гэты пэрыяд застаецца лепшым у гісторыі клюба. З пачаткам новага стагодзьдзя гегемонія ў Ангельшчыне прыйшла да заканчэньня.
Пасьля чэмпіёнства 1900 году пачаўся наймацнейшы спад, то бок клюб заняў толькі 15 месца ў 1901 годзе, а пасьля гэтага восьмае. Нягледзячы на тое, што ў 1905 годзе быў выйграны Кубак Ангельшчыны, дзе ў фінале быў абыграны «Ньюкасл Юнайтэд» аж да 1910 году каманда была сярэдняком чэмпіянату. У сэзоне 1909—1910 гадоў «Астан Віла» досыць нечакана стала чэмпіёнам Ангельшчыны. Пачаўся новы ўздым, які працягваўся да Першай сусьветнай вайны. З 1910 па 1914 гады «Астан Віла» яшчэ раз была чэмпіёнам, 3 разы сярэбраным прызээрам і раз ў 1913 годзе перамагла ў кубку краіны. Гэтыя посьпехі сталі магчымымі дзякуючы ўсё яшчэ выступалых за клюб гульцоў Джо Бэча й Білі Гараці, а таксама маладых гульцоў, як то Гэры Гэмптана й Клема Стэфэнсана, які славіўся сваімі дакладнымі перадачамі.
- Уладальнік Кубка Лігі: 5
- 1961, 1975, 1977, 1994, 1996
- Па стане на 7 траўня 2013 году
Астан Віла Бірмінггэм — сховішча мультымэдыйных матэрыялаў
|
|
|
Алімпік (Марсэль, Францыя) · Астан Віла (Бірмінггэм, Ангельшчына) · Аякс (Амстэрдам, Нідэрлянды) · Баварыя (Мюнхэн, Нямеччына) · Барсэлёна (Гішпанія) · Барусія (Дортмунд, Нямеччына) · Бэнфіка (Лісабон, Партугалія) · Гамбург (Нямеччына) · Інтэр (Мілян, Італія) · Лівэрпул (Ангельшчына) · Манчэстэр Юнайтэд (Ангельшчына) · Мілян (Італія) · Нотынггэм Форэст (Ангельшчына) · Порту (Партугалія) · ПСВ (Эйндговэн, Нідэрлянды) · Рэал (Мадрыд, Гішпанія) · Сьцяўа (Бухарэст, Румынія) · Сэлтык (Глазга, Шатляндыя) · Фэеноорд (Ратэрдам, Нідэрлянды) · Црвена Зьвезда (Бялград, Сэрбія) · Чэлсі (Лёндан, Ангельшчына) · Ювэнтус (Турын, Італія)
|
|
Астан Віла
.svg){kind=small}
Астан Віла Бірмінггэм — сховішча мультымэдыйных матэрыялаў
