Гамбург (футбольны клюб)

Гамбург
Поўная назва	Hamburger Sport-Verein e. V.
Заснаваны	29 верасьня 1887
Горад	Гамбург, Нямеччына
Стадыён	Імтэк Арэна Умяшчальнасьць: 57 274
Прэзыдэнт	Карл-Эдгар Ярхаў
Галоўны трэнэр	Торстэн Фінк
Чэмпіянат	Нямеччыны
· 2010—2011	8 месца
Афіцыйны сайт

Гамбург (па-нямецку: Hamburger) — нямецкі футбольны клюб з гораду Гамбург. Заснаваны ў 1887 годзе. 6-разовы чэмпіён Нямеччыны і трохразовы ўладальнік Кубка Нямеччыны. Уладальнік Кубка чэмпіёнаў (1983), уладальнік Кубка ўладальнікаў кубкаў (1977). Зьяўляецца адным з найстарэйшых, папулярных і тытулаваных нямецкіх клюбаў. Гамбург ёсьць адзіным клюбам, які гуляў ва ўсіх сэзонах Бундэсьлігі з часу ейнага стварэньня ў 1963 годзе.

Гісторыя

Раньнія гады

Гісторыя «Гамбургу» пачынаецца 29 верасьня 1887 году, калі адбылося зьліцьцё двух клюбаў: «Der Hohenfelder Sportclub» і «Wandsbek-Marienthaler Sportclub» ў «спартовы клюб Германія ў Гамбургу» (ням. Sportclub Germania zu Hamburg). Пад сваёй цяперашней назвай клюб быў сфармаваны ў 1919 годзе шляхам аб’яднання трох гарадзкіх камандаў, сур’ёзна паслабленых пасьля Першай сусьветнай вайны: «спартовы клюб Германія», «Гамбург ФК» і ФК «Фалька Эпэндорф». Колерамі клюба сталі чырвоны й белы ў гонар горада Гамбурга, і сіне-чорныя ў гонар найстарэйшага клюба заснавальніка — «Германія». Менавіта праз «спартовы клюб Германія», Гамбург прэтэндуе на званьне найстарэйшага клюбу краіны. Тым ня менш, іншыя клюбы аспрэчваюць гэта, бо «​​Германія» першапачаткова была заснавана як атлетычны клюб які не гуляў у футбол да 1891 году, калі паўтузіна ангельцаў далучыліся да клюбу, прынёсшы з сабою захапленьне футболам.

Заўзятары

Заўзятары клюбу

«Гамбург» зьяўляецца адным з самых любімых футбольных клюбаў у Нямеччыне. Паводле статыстычных дадзеных, з лютага 2009 году клюб налічвае 3,3 млн прыхільнікаў у Эўропе, што робіць яго 28-м клюбам паводле гэтага паказчыку на кантынэнце. Сярэдняе наведваньне хатняга стадыёна складе 54 820 чалавек на гульню. У «Гамбургу» ёсьць амаль 700 афіцыйна зарэгістраваных фан-клюбаў, 29 зь іх знаходзяцца па-за межамі Нямеччыны — у Польшчы, Нідэрляндах, Бэльгіі, Аўстрыі, Швайцарыі, Гішпаніі, ЗША, Вялікабрытаніі, Паўднёвай Афрыцы, Аўстраліі, Ганконгу, Расеі і іншых краінах сьвету. Першы фан-клюб быў заснаваны ў красавіку 1972 году, ён існуе сёньня й мае каля 40 чальцоў. Сярод самых вядомых і самых важных фан-клюбаў на сёньня — «Poptown», «Rautengeil», «Fallingbostel», «Totale» і «Jungs Wilhelmsburger».

У цяперашні час, некаторыя фанаты «Гамбурга» падтрымліваюць сяброўскія адносіны з фанамі клюбаў «Гановэр-96» і «Армінія», але яны не распаўсюджваюцца на ўсіх прыхільнікаў, як гэта было ў традыцыі 1970-х і 1980-х гадоў. Гэтак жа добрыя адносіны існуюць і з фанамі й заўзятарамі клюбаў «Штутгарт» і «Нюрнбэрг», а найбольшае сяброўства маецца з калегамі з клюбу «Барусія Дортмунд». Самыя ненавісныя супернікі — «Санкт-Паўлі», «Вэрдэр» і «Шальке-04».

Склад

Па стане на 7 сьнежня 2011 году

№ Пазыцыя Імя Год нараджэньня 1 Бр Ярослаў Дробны 1979 2 Аб Дэніс Дыкмаер 1989 3 Аб Майкл Манцэн 1988 4 Аб Гайка Вэстэрман (капітан) 1983 5 Аб Джэфры Брума (у арэндзе з «Чэлсі») 1991 6 Аб Дэніс Аога 1987 7 ПА Марсэль Янсэн 1985 8 ПА Томас Рынкон 1988 9 Нап Паўла Герэра 1984 10 Нап Младэн Петрыч 1981 11 ПА Іва Ілічэвіч 1986 13 ПА Робэрт Тэшэ 1987 14 ПА Давыд Яралім 1979 15 Нап Сон Юн-Мін 1992 16 Нап Маркус Бэрг 1986

№ Пазыцыя Імя Год нараджэньня 17 ПА Гёкхан Тэрэ 1992 18 ПА Рамэо Кастэлен 1983 22 ПА Якопа Саля 1991 23 Аб Слабадан Райкавіч 1989 25 ПА Пэр Сільян Шэльбрэд 1987 27 ПА Сёрэн Бэртрам 1991 28 ПА Талгай Арслан 1990 30 Бр Свэн Нойгаўс 1978 31 ПА Даніель Надзь 1984 33 Аб Міраслаў Штэпанэк 1990 34 Аб Мухамэд Бешыч 1992 38 ПА Лям Жы Гін 1991 42 ПА Мікаэль Таварэш 1982 44 ПА Гойка Качар 1987

Вонкавыя спасылкі

• Афіцыйны сайт