Порту (футбольны клюб)

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Порту
F.C. Porto logo.png
Поўная назва Futebol Clube do Porto
Заснаваны 28 верасьня 1893
Горад Порту, Партугалія
Стадыён Эштадыю ду Драган
Умяшчальнасьць: 52 000
Галоўны трэнэр Хулен Ляпэтэгі
Чэмпіянат Прымэйра-Ліга
 · 2013—2014 3 месца
Афіцыйны сайт

«Порту» (па-партугальску: Porto) — партугальскі футбольны клюб з гораду Порту. 27-разовы чэмпіён Партугаліі, 16-разовы ўладальнік Кубка Партугаліі й 20-разовы ўладальнік Супэркубка Партугаліі. Двухразовы ўладальнік Кубка чэмпіёнаў (1987, 2004), уладальнік Кубка УЭФА (2003), пераможца Лігі Эўропы (2011). Клюб быў заснаваны 28 верасьня 1893 году[1][2][3], зьяўляецца прадстаўніком «вялікай тройкі» футбольных клюбаў Партугаліі разам з «Бэнфікай» і «Спортынгам». Прыхільнікаў «Порту» часьцяком называюць «цмокамі».

«Порту» зьяўляецца другім самым пасьпяховым партугальскім футбольным клюбам, маючы на сваім рахунку 65 нацыянальных тытулаў (26 разоў, зь якіх ёсьць перамога ў нацыянальным чэмпіянаце). Больш, паводле гэтага паказчыку, толькі ў «Бэнфікі». Акрамя таго, клюб мае рэкордную сэрыю зь пяці перамогаў запар у чэмпіянаце Партугаліі, якія клюб атрымліваў з 1995 па 1999 гады. «Порту» мае й значныя перамогі ў міжнародных спаборніцтвах. Гэтак клюб мае перамогі ў такіх турнірах, як Кубак эўрапейскіх чэмпіёнаў 1986—1987 гадоў, Міжкантынэнтальны кубак 1987 году, Супэркубак УЭФА 1987 году, стаўшы такім чынам адным зь нешматлікіх клюбаў у сьвеце, якія маюць перамогі трох асноўных міжнародных тытулаў адначасова й адзіным такім у Партугаліі, Кубак УЭФА 2003 году, Ліга чэмпіёнаў УЭФА 2003—2004 гадоў, Міжкантынэнтальны кубак 2004 году, Ліга Эўропы УЭФА 2010—2011 гадоў.

«Порту» быў адным з чальцоў-заснавальнікаў Прэмэйры-Лігі ў 1933 годзе, і, разам з «Бэнфікай» і «Спортынгам», ён ніколі не вылятаў зь першага дывізіёну партугальскага футболу. Таксама «Порту» быў адным з чальцоў-заснавальнікаў расфармаванай G-14, а таксама зьяўляецца чальцом Эўрапейскай асацыяцыі клюбаў.

Стадыён[рэдагаваць | рэдагаваць крыніцу]

Асноўны артыкул: Эштадыю ду Драган
Галоўны ўваход на стадыён

Хатнія матчы клюб праводзіць на «Эштадыю ду Драган», які літаральна перакладаецца як стадыён цмокаў, у Порту. Стадыён быў пабудаваны ў 2003 годзе як замена старога клюбнага стадыёну, «Эштадыю даш Анташ», і як месца для правядзеньня матчаў чэмпіянату Эўропы 2004 году. Стадыён мае ёмістасьць у 50 399 заўзятараў, а ўсе месцы зьяўляюцца сядзячымі. Назва стадыёну паходзіць ад прысутнасьці дракона на гербе гораду Порту ў часы існаваньня манархіі.

Сплянаваны стадыён быў архітэктарам Мануэлем Салгаду й пабудаваны забудоўшчыкам Grupo Amorim. Кошт аб’екта склаў амаль 98 млн эўра, зь якіх амаль 18,5 млн было ўтрымана з падаткаплацельшчыкаў. Каб падтрымліваць выдаткі, кожная трыбуна атрымала адну ці дзьве спонсарскія назвы. Гасьцявы сэктар на стадыёне месьціцца ў левым куце паўночнай трыбуны, у той час як прыхільнікі мясцовага клюбу месьцяцца на паўднёвай трыбуне.

У недалёкім мінулым было завершана будаўніцтва мульты-спартовай арэны каля стадыёну, для іншых кантраляваных клюбам спартовых камандаў, як то каманды па гандболе й баскетболе, якія зьяўляюцца рэгулярнымі прэтэндэнтамі на нацыянальныя тытулы, а таксама каманда па хакеі на роліках, якая зьяўляецца адной з найлепшых у гэтым відзе спорту ва ўсім сьвеце.

Музэй[рэдагаваць | рэдагаваць крыніцу]

Футбольны клюб «Порту» мае больш чым 20 кубкаў і трафэяў ў экспазыцыі свайго музэю, які месьціцца ў межах стадыёну. Музэй яшчэ не адчынены для публічнага прагляду, аднак у недалёкай будучыні плянуецца ягонае адкрыцьцё.

Склад[рэдагаваць | рэдагаваць крыніцу]

Па стане на 1 верасьня 2014 году
Пазыцыя Імя Год нараджэньня
1 Сьцяг Бразыліі Бр Элтан 1978
2 Сьцяг Бразыліі Аб Даніла 1991
3 Сьцяг Нідэрляндаў Аб Бруна Мартынс Індзі 1992
4 Сьцяг Бразыліі Аб Майкон 1988
5 Сьцяг Гішпаніі Аб Іван Маркана 1987
6 Сьцяг Бразыліі ПА Казэміру (ар. Рэал) 1992
7 Сьцяг Партугаліі Нап Рыкарду Куарэжма 1983
8 Сьцяг Альжыру ПА Ясын Браімі 1990
9 Сьцяг Калюмбіі Нап Джэксан Мартынэс (капітан) 1986
10 Сьцяг Калюмбіі ПА Хуан Кінтэра 1993
11 Сьцяг Гішпаніі Нап Крыстыян Тэльлё (ар. Барсэлёна) 1991
12 Сьцяг Бразыліі Бр Фабіяна 1988
13 Сьцяг Мэксыкі Аб Дыега Рэес 1992
14 Сьцяг Гішпаніі Аб Хасэ Анхэль 1989
Пазыцыя Імя Год нараджэньня
15 Сьцяг Бразыліі ПА Эвандра 1986
16 Сьцяг Мэксыкі ПА Эктар Эрэра 1990
17 Сьцяг Бразыліі ПА Атавіё 1995
18 Сьцяг Гішпаніі Нап Адрыян Лёпэс 1988
21 Сьцяг Партугаліі Нап Рыкарду Пэрэйра 1993
22 Сьцяг Гішпаніі ПА Хасэ Кампаньня (ар. Сампдорыя) 1993
24 Сьцяг Партугаліі Бр Рыкарду 1982
25 Сьцяг Гішпаніі Бр Андрэс Фэрнандэс 1986
26 Сьцяг Бразыліі Аб Алекс Сандра 1991
28 Сьцяг Бразыліі Нап Келвін 1993
30 Сьцяг Гішпаніі ПА Олівэр Торэс (ар. Атлетыка) 1994
36 Сьцяг Партугаліі ПА Рубэн Нэвіш 1997
44 Сьцяг Ганы Аб Дэніел Апарэ 1991
99 Сьцяг Камэруну Нап Вэнсан Абубакар 1992

Крыніцы[рэдагаваць | рэдагаваць крыніцу]

  1. ^ Rab MacWilliam; Tom Macdonald (2001-10). The World Encyclopedia of Soccer: A Complete Guide to the Beautiful Game. Lorenz Books. ISBN 978-0-7548-0828-2.
  2. ^ Keir Radnedge (2001). The illustrated encyclopedia of soccer. Universe Pub. ISBN 978-0-7893-0670-8.
  3. ^ Gustavo Poli; Lédio Carmona (2006). Almanaque do futebol. ISBN 978-85-7734-002-6.

Вонкавыя спасылкі[рэдагаваць | рэдагаваць крыніцу]

Commons-logo.svg  Порту (футбольны клюб)сховішча мультымэдыйных матэрыялаў