Сэвільля (футбольны клюб)

Сэвільля
Поўная назва	Sevilla Fútbol Club S.A.D.
Заснаваны	14 кастрычніка 1905
Горад	Сэвільля, Гішпанія
Стадыён	Рамон Санчэс Пісхуан Умяшчальнасьць: 48 500
Прэзыдэнт	Хасэ Марыя дэль Нідо
Галоўны трэнэр	Мічэль
Чэмпіянат	Ля Ліга
· 2011—2012	9 месца
Хатнія колеры Выязныя колеры
Афіцыйны сайт

Сэвільля (па-гішпанску: Sevilla Fútbol Club S.A.D.) ― гішпанскі футбольны клюб, што гуляе ў вышэйшай гішпанскай лізе — Ля Лізе. Клюб быў заснаваны 14 кастрычніка 1905 году, гэта самы старэйшы клюб з Сэвільлі й другі па ўсёй Андалюсіі. Першую афіцыйную гульню каманда правяла толькі праз тры гады ― у 1908, супраць «Рэкрэатыва» з Уэльвы. У 1924 годзе клюб заваяваў свой першы трафэй ― Кубак Сэвільлі. 1935 год стаў пераможным у Кубку Гішпаніі, як і 1939 адразу пасьля грамадзянскай вайны. Да таго часу як стаў праводзіцца чэмпіянат Гішпаніі Сэвільля 17 разоў станавілася чэмпіёнам Андалюсіі й двойчы Сэвільлі.

Клюб знаходзіцца ва ўласнасьці аматараў (разьмеркавана па акцыях). Пры клюбе працуе знакамітая на ўсю краіну футбольная акадэмія, сярод ейных выпускнікоў ёсьць спартыўныя псыхолягі. Таксама шмат увагі робіцца на спартыўнае харчаваньне й мэдыцыну. Пры клюбе працуе мясцовая радыёстанцыя «Sevilla FC Radio», гэта першае футбольнае радыё ў Гішпаніі, таксама ёсьць тэлевізійны канал SFC TV.

Гістарычна галоўным супраціўнікам Сэвільлі сталася іншая каманда з Андалюсіі «Рэал Бэтыс».

Гісторыя

Футбольны клюб «Сэвільля» зьяўляецца гістарычна самай лепшай камандай у Сэвільлі. Ён быў утвораны ў 1905 годзе. Аднойчы станавіўся чэмпіёнам Гішапніі й чатыры разы ўладальнікам Кубка Гішпаніі.

Каманда апранае белую вопратку для хатніх гульняў і чырвоную для выязных. Заўзятары называюць каманду «Sevillistas». У сваіх шэрагах каманда мела такіх гульцоў, як: Дыега Марадона, Рынат Дасаеў, Дыега Сімэонэ, Робэрт Прасінэчкі, Бэбэта, Тоні Польстэр, Давар Шукер, Іван Самарана. Сярод знакамітаых выхаванцаў клюба варта вылучыць Хасэ Антоніё Рэеса й Сэрхіё Рамаса, апошні зь якіх зараз выступае за мадрыдзкі «Рэал».

Гістарычным супернікам клюба зьяўлялася каманда, якая таксама разьмяшчаецца ў горадзе — «Рэал Бэтыс». Клюб мае з 1958 году рэзэрвовую каманду — «Сэвільля Атлетыка».

Дасягненьні

• Чэмпіёны Гішпаніі (1): 1946
• Уладальнікі Кубка Гішпаніі (5): 1935, 1939, 1948, 2007, 2010
• Уладальнікі Супэркубка Гішпаніі (1): 2007
• Уладальнікі Кубка УЭФА (2): 2006, 2007
• Уладальнікі Супэркубка УЭФА (1): 2006

Склад каманды

Па стане на 26 лютага 2013 году

№ Пазыцыя Імя Год нараджэньня 1 Бр Андрэс Палёп (капітан) 1973 2 Аб Фэдэрыка Фацыё 1987 3 Аб Фэрнанда Навара 1982 5 Аб Каля 1989 6 ПА Хасэ Кампаньня 1993 7 ПА Хесус Навас 1985 8 ПА Гары Мэдэль 1987 9 Нап Альвара Нэгрэда 1985 10 ПА Дыега Пэроцьці 1988 11 ПА Іван Ракіціч 1988 12 ПА Гэдвігес Мадура 1985 13 Бр Бэту (ар. «Брага») 1982 14 Нап Ману дэль Мараль 1984 15 ПА Пётар Трахоўскі 1984

№ Пазыцыя Імя Год нараджэньня 17 ПА Хавіер Эрвас 1989 18 ПА Міраслаў Стэванавіч 1990 19 ПА Хасэ Антоніё Рэес 1983 20 Нап Баба Дыявара 1988 21 Аб Сысыньнё 1986 22 ПА Жафры Кангабія 1993 23 Аб Коке 1987 24 Аб Альбэрта Ботыя 1989 28 Нап Алекс Рубіё 1993 29 Бр Хуліян Куэста 1991 30 ПА Брыян Рабэльлё 1994 34 Аб Ісраэль Пуэрта 1993 35 Аб Альбэрта Марэна Пэрэс 1992 41 Нап Гансалё Суарэс 1934

Вонкавыя спасылкі

 Сэвільля (футбольны клюб) — сховішча мультымэдыйных матэрыялаў

• Афіцыйны сайт^{(гішп.)(анг.)(яп.)}