Валенсія (футбольны клюб)
 Валенсія |
|||
 |
|||
| Поўная назва | Valencia Club de Fútbol | ||
|---|---|---|---|
| Заснаваны | 18 сакавіка 1919 | ||
| Горад | Валенсія, Гішпанія | ||
| Стадыён | Мэстальля Умяшчальнасьць: 55 000 |
||
| Прэзыдэнт | Мануэль Льлярэнтэ | ||
| Галоўны трэнэр | Маўрысіё Пэльлегрына | ||
| Чэмпіянат | Ля Ліга | ||
| · 2011—2012 | 3 месца | ||
|
|||
Валенсія (па-гішпанску: Valencia) — гішпанскі футбольны клюб, які выступае ў Ля Лізе. Заснаваны ў 1919 годзе, базуецца ў аднайменным горадзе Валенсія. У цяперашні час хатняй арэнай зьяўляецца стадыён «Мэстальля», што быў пабудаваны ў 1923 годзе й умяшчае 55 000 гледачоў, але каманда плянуе ў 2011 годзе перабрацца на новы стадыён на паўночна-заходзе гораду «Новая Мэстальля» (кат. Nou Mestalla). Валенсія шэсць разоў станавілася чэмпіёнам краіны, а апошнім разам гэта адбылося ў 2004 годзе. У гістарычнай клясыфікацыі Ля Лігі клюб займае трэцяе месца, адразу пасьля «Рэалу» (Мадрыд) і «Барсэлёны».
На пачатку сэзону 2006—2007 гадоў «Валенсія» ў сьпісе самых заможных клюбаў сьвету займала 17-ы радок. У рэйтынгу лепшых эўрапейскіх клюбаў рэгулярна месьціцца ў першым дзясятку. У рэйтынгу лепшых эўрапейскіх клюбаў «Валенсія» рэгулярна знаходзіцца ў першай дзесятцы. З 2002 па 2008 гады клюб зьяўляўся чальцом арганізацыі эўрапейскіх футбольных клюбаў G-14.
Зьмест |
Гісторыя [рэдагаваць]
Клюб быў заснаваны ў 1919 годзе двума сябрамі Актавіё Аўгуста Мілега Дыясам і Гансалё Мэдынэ Пэрнасам, прычым першы зь іх стаў прэзыдэнтам клюба дзякуючы падкінутай манэткі. Клюб згуляў свой першы матч на выездзе 21 траўня 1919 года з «Хімнастыка» й атрымаў паразу зь лікам 0:1.
«Валенсія» перамясьцілася на пляцоўку «Мэстальля» (яшчэ не стадыён да таго часу, была пабудавана толькі адна трыбуна) у 1923 годзе, а да гэтага гуляла свае хатнія матчы на поле «Альгірас» з 7 сьнежня 1919 года. Першы матч на «Мэстальле» «Валенсія» згуляла ўнічыю 0:0 з камандай «Кастэльлён Кастылія», а на наступны дзень перамагла ў гэтай жа каманды зь лікам 1:0. «Валенсія» атрымала перамогу ў рэгіянальным чэмпіянаце ў 1923 годзе й упершыню ў сваёй гісторыі патрапіла ў Кубак Гішпаніі. Першы кубак для валенсійцаў быў правальным: перамогшы ў хатнім матчы ў «Спортынгу» зь лкам 1:0, каманда саступіла ў зваротнай сустрэчы 1:6. У выніку быў прызанчаны трэці матч, які валенсійцы таксама прайгралі зь лікам 0:2.
Грамадзянская вайна ў Гішпаніі прыпыніла ўзыходжаньне валенсійскай каманды, але ненадоўга: у 1940 годзе «Валенсію» узначаліў самы вядомы ў гісторыі клюба прэзыдэнт — Люіс Касанова. У 1941 годзе каманда заняла ў першынстве Гішпаніі 3 месца й стала ўладальнікам Кубак Гішпаніі, абыграўшы ў фінале «Эспанёл». У сэзоне 1941—1942 гадоў клюб упершыню выйграў нацыянальны гішпанскі чэмпіянат. 1940-я гады сталі часам росквіту «Валенсіі»: каманда на роўных канкуравала з тагачаснымі лідэрамі гішпанскага футбола: «Барсэлёнай», мадрыдзкім «Атлетыка» й «Сэвільляй», тройчы (у 1942, 1944 і 1947 гадох) стаўшы чэмпіёнам і двойчы перамогшы ў Кубку Гішпаніі — у 1941 і 1949 гадох.
Дасягненьні [рэдагаваць]
Гішпанскія спаборніцтвы [рэдагаваць]
- Чэмпіёны Гішпаніі (6):
- 1942, 1944, 1947, 1971, 2002, 2004
- Уладальнікі Кубка Гішпаніі (7):
- 1941, 1949, 1954, 1967, 1979, 1999, 2008
- Уладальнікі Супэркубка Гішпаніі (1):
- 1999
Міжнародныя [рэдагаваць]
- Уладальнікі кубку УЭФА (1):
- 2004
- Уладальнікі кубку кірмашоў (2):
- 1962, 1963
- Уладальнікі Супэркубку УЭФА (2):
- 1980, 2004
Склад каманды [рэдагаваць]
Па стане на 8 траўня 2013 году
|
|
Вонкавыя спасылкі [рэдагаваць]
Валенсія (футбольны клюб) — сховішча мультымэдыйных матэрыялаў
- Афіцыйны сайт клюбу(анг.)(гішп.)(яп.)
- Сайт заўзятараў
- Сайт заўзятараў
- Аб’яднаны сайт расейскамоўных заўзятараў(рас.)
|
|||||
