Рэал Сасьедад Сан-Сэбастыян

Рэал Сасьедад
Поўная назва	Real Sociedad de Fútbol, S.A.D.
Мянушкі	бела-сінія
Заснаваны	1909
Горад	Сан-Сэбастыян, Гішпанія
Стадыён	Анаэта Умяшчальнасьць: 32 076
Прэзыдэнт	Хакін Апэрыбай
Галоўны трэнэр	Філіп Мантанье
Чэмпіянат	Ля Ліга
· 2011—2012	12 месца
Хатнія колеры Выязныя колеры
Афіцыйны сайт

Рэал Сасьедад (па-гішпанску: Real Sociedad de Futbol) — гішпанскі футбольны клюб з гораду Сан-Сэбастыян, прадстаўляе краіну баскаў. Заснаваны 7 верасьня 1909 году, быў адным з заснавальнікаў Ля Лігі ў 1928 годзе. Хатнія гульні праводзіць на арэне «Анаэта».

Лепшыя гады каманды прыйшліся на 1980-я гады, калі клюб двойчы станавіўся чэмпіёнам краіны. «Рэал Сасьедад» доўгі час браў у каманду толькі баскаў, накшталт «Атлетыка» зь Більбао, але гэтая традыцыя была скасавана ў 1989 годзе, калі ў клюб быў запрошаны гулец нацыянальнай зборнай Ірляндыі й клюбу «Лівэрпул» Джон Элдрайдж.

«Рэал Сасьедад» акркамя футбольнай каманды мае такасама некалькі спартовых сэкцыяў, як то жаночы футбол, лёгкая атлетыка, хакей на траве і каманду ў басконскую гульню пэлёту.

Гісторыя

Пачатак

Футбол зьявіўся ў Сан-Сэбастыяне ў пачатку 1900-х, дзякуючы намаганьням студэнтаў і мігрантаў, якія вярнуліся зь Вялікабрытаніі й прывезьлі на радзіму гульню. У 1904 годзе яны ўтварылі ў San Sebastian Recreation Club. Клюб у 1905 годзе браў удзел у спаборніцтве на Кубак Гішпаніі. У траўні 1905 году быў утворны футбльны клюб «Сан-Сэбастыян» як асобная структура клюбу San Sebastian Recreation Club. У 1909 годзе кіраўніцтва новага клюбу зьвярнуліся да арганізатараў Кубку Гішпаніі аб рэгістрацыі клюбу ў турніры, але дазволаў не быў атрыманы з-за магчымасьці блытаніны з клюбам Club Ciclista de San Sebastian. Каб пазьбегнуць гэтай сытуацыі клюб быў перайменаваны ў Sociedad de Futbol 7 верасьня 1909 году. У 1910 кароль Гішпаніі Альфонса XIII, які выкарыстоўваў Сан-Сэбастыян у якасьці сваёй летняй рэзыдэнцыі, надаў клюбу сваё апекунства, дзякуючы чаму да назва была аздоблена словам «Рэал». У 1928 годзе «Рэал Сасьедад» быў у ліку заснавальнікаў Ля Лігі. У першым жа розыгрышу спаборніцтва клюб заняў выніковае чацьвёртае месца, а ягоны гулец Франсыска «Пака» Біенсабас стаўся лепшым бамбардзірам чэмпіянату. Назва каманды было зьменена на Donostia Club de Futbol у 1931 годзе разам са стварэньнем Другой гішпанскай рэспублікі, але была зьменена назад на «Рэал Сасьедад» пасьля сканчэньня Грамадзянскай вайны ў Гішпаніі ў 1939 годзе. Каманда ў цэлым вагаліся паміж Ля Лігай і Сэгундай, толькі ў 1940-х гадох клюб сем разоў вылятаў і вяртаўся ў Прымэру. Прыкладна ў гэты ж час за каманду ў якасьці брамніка гуляў скульптар Эдуарда Чыльліда, пакуль траўма не паклала канец ягонай футбольнай кар’еры.

Посьпехі 1980-х

Каманда заняла другое месца ў Ля Лізе ў першы раз у сэзоне 1979—1980 гадоў, набраўшы 52 пунктаў. У той жа час пераможца чэмпіянату «Рэал» Мадрыд атрымаў 53 пункты, а бронзавы прызэр «Спортынг Хіхон» адстаў ад басконскага клюба нна 13 пунктаў. На наступны сэзон «Рэал Сасьедад» стаў пераможцам чэмпіянату, атрымаўшы свой ​​першы тытул і не дазволіўшы мадрыдзкаму «Рэалу» чацьвёрты раз запар стаць чэмпіёнам. Адобва клюба атрымалі па 45 пунктаў, але па розьніцы мячоў клюб з Сан-Сэбастыяна апярэдзіў сталічных гульцоў. Кваліфікаваўшы такім чынам у розыгрыш Кубка эўрапейскіх чэмпіёнаў сэзону 1981—1982 гадоў, «Рэал Сасьедад» быў выбіты ў першым раўндзе баўгарскім клюбам ЦСКА Сафія. Атрымаўшы паразу ў Баўгарыі зь лікам 1:0, у Гішпаніі клюбы галоў гэтак і ня здолелі забіць.

Дасягненьні

Чэмпіён Гішпаніі (2):

• 1981, 1982

Уладальнік Кубка Гішпаніі (2):

• 1909, 1987

Уладальнік Супэркубка Гішпаніі (1):

• 1982

Склад каманды

Па стане на 8 траўня 2013 году

№ Пазыцыя Імя Год нараджэньня 1 Бр Кляўдыё Брава (віцэ-капітан) 1983 2 Аб Карляс Мартынэс 1986 3 Аб Мікель Гансалес 1985 4 ПА Горка Элюстонда 1987 5 ПА Маркель Бэргара 1986 6 Аб Іньніга Мартынэс 1991 7 Нап Антуан Грызман 1991 8 ПА Асьер Ільлярамэндзі 1990 9 Нап Іманоль Агірэчэ 1987 10 ПА Шабі Прыета (капітан) 1983 11 Нап Карляс Вэля 1989 12 Нап Ігор Сыкейра 1988

№ Пазыцыя Імя Год нараджэньня 13 Бр Эньняўт Зубікарай 1984 14 ПА Рубэн Парда 1992 15 Аб Ён Ансатэгі 1982 17 ПА Давід Сурутуса 1986 18 ПА Гансалё Кастра 1984 19 Аб Ліясын Кадамуро 1988 20 Аб Хасэ Анхель (ар. «Рома») 1989 21 Нап Дыега Іфран 1987 22 Аб Даніель Эстрада 1987 23 ПА Хавіер Рос 1990 24 Аб Альбэрта дэ ля Бэльля 1985

Вонкавыя спасылкі

 Рэал Сасьедад Сан-Сэбастыян — сховішча мультымэдыйных матэрыялаў

• Афіцыйны сайт ^(гішп.)
• Старонка клюба на сайце Ля Лігі ^{(гішп.)(анг.)}
• Сайт расейскамоўных заўзятараў ^(рас.)