Вэрдэр Брэмэн

Вэрдэр
Поўная назва	Sportverein Werder Bremen von 1899 e. V.
Заснаваны	4 лютага 1899
Горад	Брэмэн, Нямеччына
Стадыён	Вэзэрштадыён Умяшчальнасьць: 42 500
Галоўны трэнэр	Томас Шааф
Чэмпіянат	Бундэсьліга
· 2010—2011	13 месца
Хатнія колеры Выязныя колеры
Афіцыйны сайт

Вэрдэр (па-нямецку: SV Werder Bremen) — нямецкі футбольны клюб з гораду Брэмэн. Заснаваны ў 1899 годзе. Чатырохразовы чэмпіён Нямеччыны (1965, 1988, 1993, 2004), шасьціразовы пераможца Кубка Нямеччыны (1961, 1991, 1994, 1999, 2004, 2009). Пераможца Кубка ўладальнікаў кубкаў (1992), фіналіст Кубка УЭФА (2009).

Клюб быў заснаваны 4 лютага 1899 году як «Fußballverein Werder» групай з шаснаццаці прафэсійна-тэхнічных школаў, якія выйгралі прыз спартовага абсталяваньня. Яны ўзялі сваю назву ад рэдка выкарыстоўваемага рэгіянальнага нямецкага слова «рачны паўвостраў», якое апісвае бераг ракі ў месцы, дзе спачатку гуляла каманда. На дадзены момант таварыства Вэрдэр налічвае 39 100 чальцоў.

Гісторыя

Пасьля шматлікіх рэгіянальных посьпехаў і заваёваў кубка, ягоны першы нацыянальны посьпех прыйшоў зь перамогай у Кубку Нямеччыны ў 1961 годзе. Калі ў 1962 годзе была створана Бундэсьліга, Брэмен стаў чэмпіёнам ейнага другога сэзону ў 1965 годзе.

Клюб пакінуў Бундэсьлігу ў 1980 годзе на адзін сэзон і вярнуўся туды са сваім новым трэнерам Ота Рэхагелем для новых перамогаў: другое месца ў 1983 і 1986 гадах, і яшчэ адно званьне чэмпіёна ў 1988 годзе. У Кубку Нямеччыны «Вэрдэр» выходзіў у фінал у 1989 і 1990 гадах, але канчаткова перамог у 1991 годзе. У наступным эўрапейскім Кубку Кубкаў Брэмэн таксама быў пасьпяховы й перамог яго ў 1992 годзе. У 1993 годзе «Вэрдэр» стаў чэмпіёнам у трэці раз. Кубак Нямеччыны быў выйграны зноў і на наступны 1994 год.

У 1995 годзе Рэхагель сышоў з каманды, каб трэніраваць «Баварыю Мюнхэн», і гэта прывяло да крызісу, які скончыўся толькі ў 1999 годзе з прыходам новага трэнэра Томаса Шаафа. Брэмэн перамог «Баварыю» ў фінале Кубка. Наступныя гады клюб замацаваўся ў верхняй палове табліцы лігі.

У 2004 годзе, празь пяць гадоў пасьля прыходу Томаса Шаафа, Вэрдэр заваяваў свой 4-ы тытул чэмпіёна. Каманда вырвалася на 9 ачкоў наперад і мела дзьве гульні ў запасе, перад выязной гульнёй з супернікам — «Баварыяй». Вэрдэр перамог 3:1 і аформіў чэмпіёнства. Ледзь пазьней клюб перамог каманду з Другой Бундэсьлігі «Алеманію» 3:2 у фінале Кубка Нямеччыны. Гэта быў 5-й кубак у гісторыі клюба. У выніку, у 2004 годзе быў зроблены залаты дубль (яго дамагаліся толькі чатыры каманды ў Нямеччыне).

У 2009 годзе каманда прабілася ў фінал Кубка УЭФА, але прайграла ў авэртайме данецкаму «Шахцёру» зь лікам 1:2. Але затое каманда перамагла ў фінале кубка Нямеччыне ў левэркузэнскага «Баера» зь лікам 1:0, заваяваўшы 6-й кубак у сваёй гісторыі.

Склад

Па стане на 12 ліпеня 2011 году

№ Пазыцыя Імя Год нараджэньня 1 Бр Тым Візэ 1981 2 Аб Сэбастыян Бёніш 1987 3 Аб Франсуа Афольтэр 1991 4 Аб Налда 1982 6 ПА Тым Бароўскі 1980 7 Нап Марка Артаўнавіч 1989 8 Аб Клемэнс Фрыц 1980 9 Нап Дэні Авдыч 1988 10 ПА Марка Марын 1989 11 Нап Маркус Русэнбэрг 1982 13 Аб Лукас Шміц 1988 14 ПА Ааран Гант 1986 15 Аб Сэбастыян Прэдль 1987 16 Аб Мікаэль Сыльвэстр 1977 17 ПА Аляксандар Ігнатоўскі 1991 18 ПА Фэлікс Кроос 1991

№ Пазыцыя Імя Год нараджэньня 20 ПА Мэхмэт Экічы 1990 21 Бр Сэбастыян Міліц 1989 22 Аб Сакратыс Папастатопуляс 1988 23 ПА Златка Юнузавіч 1987 24 Нап Кляўдыё Пісара 1978 25 ПА Том Трыбуль 1993 26 Аб Флёрыян Гартэрц 1993 31 ПА Прэдраг Стэванавіч 1991 33 Бр Крыстыян Фандэр 1980 34 ПА Аляксандар Стэванавіч 1992 35 ПА Флёрыян Трынкс 1992 36 Нап Ленарт Ты 1992 37 Аб Леон Балягун 1988 41 Нап Ніклас Фюлькруг 1993 44 ПА Філіп Баргфрэдэ 1989 46 Нап Анур Аюк 1990

Вонкавыя спасылкі

• Афіцыйны сайт