Барусія Мёнхэнглядбах

Барусія Мёнхэнглядбах
Поўная назва	Borussia VfL 1900 Mönchengladbach e.V.
Заснаваны	1 жніўня 1900
Горад	Мёнхэнглядбах, Нямеччына
Стадыён	Барусія-Парк Умяшчальнасьць: 54 057
Галоўны трэнэр	Люсьен Фаўрэ
Чэмпіянат	Бундэсьліга
· 2010—2011	16 месца
Афіцыйны сайт

Барусія (па-нямецку: Borussia) — нямецкі футбольны клюб з гораду Мёнхэнглядбах. Заснаваны ў 1900 годзе. 5-разовы чэмпіён Нямеччыны і трохразовы ўладальнік Кубка Нямеччыны. Двухразовы ўладальнік Кубка УЭФА (1975, 1979). Барусія зьяўляецца адным з самых тытуляваных, вядомых і найбольш актыўна падтрымоўваючых заўзятарамі клюбаў Нямеччыны. Клюб налічвае звыш за 37 тысячаў чальцоў і зьяўляецца шостым па велічыні зарэгістраваным спартовым аб’яднаньнем у Нямеччыны. Колеры клюба — зялёны, чорны й белы, а афіцыйны сымбаль ёсьць жарабя Юнтэр (ням. Jünter).

Поўная назва клюба — «Borussia Verein für Leibesübungen 1900 eV». Слова «Барусія» ёсьць лацінізаваны варянт слова «Прусія», папулярная назва для нямецкіх спартовых клюбаў. «Verein für Leibesübungen» азначае даслоўна «спартовае таварыства для цялесных практыкаваньняў» і акрамя футбола ў клюба маюцца таксама сэкцыі па гандболе й настольным тэнісе.

Гісторыя

Раньнія гады

У канцы 1899 году група маладых футбалістаў-аматараў з аднаго з раёнаў горада вырашыла арганізаваць новы футбольны клюб. І ўжо 1 жніўня 1900 году быў афіцыйна зарэгістраваны клюб «Барусія Мёнхэнглядбах», які першапачаткова атрымаў назву «Футбольны клюб Барусія 1900 Мёнхэнглядбах» (ням. «Fußballklub Borussia 1900 Mönchengladbach»). У 1903 годзе клюб быў прыняты ў Рэйнскай-Вэстфальскі Гульнёвы Зьвяз (ням. Rheinisch-Westfälischen Spielverband). У 1914 годзе было набыта спартыўнае збудаваньне «De Kull», на месцы якога ў 1960 годзе быў пабудаваны легендарны стадыён — «Стадыён на Бэкельбэргу» (ням. «Bökelbergstadion»). Але толькі пасьля Другой сусьветнай вайны пачаўся адчувальны ўздым «Барусіі» — у 1949 годзе атрымаўся выхад ува ў той час самую высокую клясу — Вышэйшую Заходнюю Лігу (ням. Oberliga West).

Выхад у Бундэсьлігу

24 жніўня 1960 году Барусія стала ўладальнікам свайго першага нацыянальнага тытула — Кубка Нямеччыны, перамогшы ў фінале зь лікам 3:2 футбольны клюб «Карльсруэ». У наступным годзе клюб атрымаў сваю вядомую назву «Borussia VfL 1900 Mönchengladbach eV». 26 чэрвеня 1965 году рушыў усьлед выхад у, заснаваную двума гадамі раньней, прафэсійную вышэйшую футбольную лігу Нямеччыны — Бундэсьлігу. «Барусія» перамагла ў рэлегацыйных матчах, пасьля таго як скончыла сэзон у Заходняй Рэгіянальнай Лізе (ням. Regionalliga West) першай. Другую пуцёўку ў бундэсьлізе ў тым жа годзе таксама ўпершыню разыграла «Баварыя» зь Мюнхэну.

Залатыя гады

«Глядбах» пачаў свой шлях у Бундэсьлізе ў сэзоне 1965—1966 гадоў, разам з будучым рэкордным чэмпіёнам «Баварыяй». Абодва клюбы правялі 1970-я гады ў жорсткай барацьбе за перавагу ў лізе. Баварыя адкрыла рахунак, стаўшы чэмпіёнам у сэзоне 1968—1969 гадоў, аднак «Барусія» нанесла зваротны ўдар у наступным сэзоне, а потым, перамагла й у наступным чэмпіянаце, упершыню ў гісторыі Бундэсьлігі абараніўшы тытул чэмпіёна.

Склад

Па стане на 6 студзеня 2012 году

№ Пазыцыя Імя Год нараджэньня 1 Бр Марк-Андрэ тэр Штэген 1992 2 Аб Матыяс Цымэрман 1992 3 Аб Філіп Дамс (капітан) 1978 4 Аб Руль Браўвэрс 1981 5 ПА Аляксандар Рынг (у арэндзе з «ХІК») 1991 6 ПА Тольга Чыгерчы (у арэндзе з «Вольфсбургу») — 7 ПА Патрык Гэрман 1991 10 Нап Ігар дэ Камарга 1983 11 ПА Марка Ройс 1989 13 ПА Роман Нойштэдтэр 1988 14 ПА Торбэн Маркс 1981 16 ПА Гавард Нортвэйт 1990

№ Пазыцыя Імя Год нараджэньня 17 Аб Оскар Вэнт 1985 18 ПА Хуан Аранга 1980 19 Нап Майк Ганке 1983 20 Нап Мэт’ю Лекі 1991 21 Бр Яніс Блясвіх — 23 ПА Юкі Отсу 1990 24 Аб Тоні Янчке 1990 27 ПА Юліян Корб — 31 Аб Дантэ 1983 33 Бр Крыстафэр Гаймэрат 1981 39 Аб Мартын Штранцль 1980

Вонкавыя спасылкі

• Афіцыйны сайт