Віктар Ганчарэнка

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Віктар Ганчарэнка
Пэрсанальная інфармацыя
Нарадзіўся 10 чэрвеня 1977 (36 гадоў)
Хойнікі, Беларусь
Рост 171 см
Клюбная інфармацыя
Клюб Кубань Краснадар (галоўны трэнэр)
Клюбы
Гады Клюб Гульні (галы)¹
1994—1995
1995—1996
1997
1998—2002
Стралічава
МВКЦ-96 Менск
РВАР Менск
БАТЭ Барысаў
5 (1)
26 (2)
23 (1)
82 (1)
Трэнэрскія клюбы
2007—2013
2013—
БАТЭ Барысаў
Кубань Краснадар

¹ Колькасьць гульняў і галоў за прафэсійны клюб лічыцца толькі
для нацыянальнай лігі.

Ві́ктар Ганчарэ́нка (нарадзіўся 10 чэрвеня 1977, Хойнікі, Гомельская вобласьць) — беларускі футбаліст, галоўны трэнэр футбольнага клюбу «Кубань» (Краснадар). У 2007—2013 гадах — узначальваў барысаўскі БАТЭ. Найлепшы трэнэр Беларусі 2008, 2009, 2010 і 2012 гадоў.

Адукацыя і праца[рэдагаваць | рэдагаваць крыніцу]

Скончыў Хойніцкую спартовую школу і сталічную Рэспубліканскую вучэльню алімпійскага рэзэрву. Атрымаў вышэйшцю спартовую адукацыю — у 2004 скончыў Беларускую акадэмію фізычнай культуры (трэнэр па футболе). Мае трэнэрскую ліцэнзію «Pro».

Кар’ера[рэдагаваць | рэдагаваць крыніцу]

Выступаў за «Стралічава», МВКЦ-96, РВАР і БАТЭ. Абаронца. Двухразовы чэмпіён Беларусі ў складзе БАТЭ (1999, 2002), бронзавы прызэр чэмпіянату Беларусі (2001). Кар’еру гульца завяршыў у 25 гадоў праз сур’ёзную траўму — разрыў крыжападобнай зьвязкі[1], мэніск. У час выступлення за БАТЭ здымаў кватэру разам з брамнікам нацыянальнай зборнай Юр’ем Жаўновым.

У 20042006 працаваў трэнэрам дублюючага складу БАТЭ. З 2007 — старэйшы трэнэр ФК БАТЭ. З 13 лістапада 2007 — галоўны трэнэр ФК БАТЭ.

Увосень 2008 году вывеў ФК БАТЭ ў групавы раўнд Лігі чэмпіёнаў. Ганчарэнка стаў самым маладым трэнэрам у гісторыі Лігі чэмпіёнаў.

Разам з БАТЭ пяць разоў выйграваў чэмпіянат Беларусі (2008, 2009, 2010, 2011, 2012), Кубак Беларусі (2010), двойчы Супэркубак Беларусі (2010, 2011). Найлепшыя дасягеньні ў эўракубках (разам з БАТЭ) — групавы этап Лігі чэмпіёнаў (2008, 2012), 1/16 фіналу Лігі Эўропы (2011, 2013).

У кастрычніку 2013 году сыйшоў з БАТЭ і падпісаў кантракт на 4,5 году з краснадарскай «Кубаньню»[2].

Сям’я[рэдагаваць | рэдагаваць крыніцу]

Жанаты, выхоўвае сына Арцёма. Маці і сястра жывуць у гарадзкім пасёлку Акцябарскі, што на Гомельшчыне. Бацька, які працаваў у Чарнобылі ў першыя дні пасьля аварыі, памёр у 1993 годзе, пахаваны ў Хойніках. Ганчарэнка кажа, што менавіта бацька прышчапіў яму любоў да футболу.

Зацікаўленасьці[рэдагаваць | рэдагаваць крыніцу]

Любімыя клюбы — «Манчэстэр Юнайтэд», «Вільлярэал», «Мілян». Любімыя трэнэры — Фабіё Капэлё, Алекс Фэргюсан, Арсэн Вэнгэр. Хобі — Формула-1. Любімы гоншчык — Льюіс Гэмілтан. Любімая каманда — «Макларэн».

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]