Джозэф Конрад
| Джозэф Конрад | |
| Joseph Conrad | |
 |
|
| Асабістыя зьвесткі | |
| Імя пры нараджэньні: | Юзэф Тэадор Конрад Кажэнёўскі[1] |
| Нарадзіўся: | 3 сьнежня 1857, Бярдычаў, Кіеўская губэрня, Расейская імпэрыя |
| Памёр: | 3 жніўня 1924, Бішапсборн, Англія |
| Грамадзянства: |  Расейская імпэрыя→  Англія |
| Літаратурная дзейнасьць | |
| Род дзейнасьці: | празаік |
| Гады творчасьці: | 1895—1923 |
| Напрамак: | псыхалягічны рэалізм і мадэрнізм |
| Жанр: | навэла, аповесьць |
 Творы ў ВікіКрыніцы |
|
Джозэф Конрад (па-польску: Teodor Józef Konrad Korzeniowski; па-ангельску: Joseph Conrad, 3 сьнежня 1857, Бярдычаў, Кіеўская губэрня, Расейская імпэрыя — 3 жніўня 1924, Бішапсборн, Англія — брытанскі пісьменьнік і публіцыст польскага паходжаньня, які стаў брытанскім грамадзянінам у 1886 годзе.
Джозэф Конрад лічыцца адным з найбуйнейшых англамоўных навэлістаў[2], хоць ён не размаўляў вольна на ангельскай мове да свайго дваццацігодзьдзя. У будучым выказваўся з заўважным польскім акцэнтам. Ён пісаў аповесьці і навэлы, дзеяньне большасьці зь якіх адбываецца на моры альбо ў далёкіх портах, што адлюстроўвае выпрабаваньне чалавечага духу патрэбамі абавязку і гонару.
Конрад быў майстрам празаічнае стылістыкі, які прыўнёс выразна неангельскую трагічную адчувальнасьць у ангельскую літаратуру[3]. Тым часам, як некалькі яго твораў маюць у сабе адценьне рамантызму, яго разглядаюць як папярэдніка літаратуры мадэрнізму. Яго апавядальны стыль і пэрсанажы-антаганісты паўплывалі на шматлікіх аўтараў.
[рэдагаваць] Крыніцы
- ^ Joseph Conrad. The secret agent / Martin Seymour-Smith. — Penguin Classics, 1990. — С. 1. — ISBN 0140180961
- ^ Morton Dauwen Zabel, «Conrad, Joseph», Encyclopedia Americana, 1986 ed., vol. 7, p. 606.
- ^ «Poland.» Encyclopædia Britannica. 2009. Encyclopædia Britannica Online. 05 August 2009
[рэдагаваць] Вонкавыя спасылкі
Джозэф Конрад — сховішча мультымэдыйных матэрыялаў
