Касьцюшка (гара)

Касьцюшка
Вышыня	2228 м н. у. м.
Краіна	Аўстралія
Месцазнаходжаньне	На поўдні штата Новы Паўднёвы Ўэйлз
Горная сыстэма	Аўстралійскія Альпы
Кантынэнт	Аўстралія
Геаграфічныя каардынаты	36° пн. ш. 148° у. д. / 36; 148
Першае ўзыходжаньне	1840 Павал Эдмунд Стршэлецкі
Клясычны маршрут	Усходні склон (пешшу)
Касьцюшка на мапе Аўстраліі Касьцюшка

Касьцюшка — найвышэйшая гара Аўстраліі ў складзе Сьнежных гор.

Паходжаньне назвы

Абарыґены лічаць гару сьвятою й завуць Тар-Ган-Жыў. Цяперашнюю назву гара атрымала ў 1840 годзе, калі на яе ўзышоў польскі вандроўца й геоляг граф Павал Эдмунд Стршэлецкі. З яго падачы гару назвалі імем генэрала Андрэя Тадэвуша Банавэнтура Касьцюшка — нацыянальнага героя Беларусі, Польшчы й ЗША.

Цікавыя факты

• Касьцюшка доўгі час лічылася самай высокай гарой у Аўстралійскіх Альпах. Аднак, пазьнейшыя дасьледаваньні ўсталявалі, што гара Таўнсэнд зьяўляецца найвышэйшай. З павагі да Паўла Эдмунда Стршэлецкага, улады пераназвалі Касьцюшка ў Таўнсэнд, а Таўнсэнд у Касьцюшка.
• Менавіта тут калісьці шукалі капітана Гранта яго дзеці, з аднайменнай кнігі Жуль Вэрна.
• Гэта адна з самых ветлых і ўладкаваных вяршыняў сьвету. На яе папросту можна падняцца, прычым літаральна з усімі выгодамі. З-за адмысловай папулярнасьці ў турыстаў, на вяршыні гары адміністрацыя была змушана пабудаваць самы высокі ў Аўстраліі, ды і, мабыць, ва ўсім сьвеце туалет.

Вонкавыя спасылкі

• Mt Kosciuszko Inc^{(анг.)(пол.)}\\ Сайт аб гары Ксьцюшка
• Фота гары^(анг.)

 Касьцюшка (гара) — сховішча мультымэдыйных матэрыялаў