Натальля Гардзіенка
Натальля Гардзіенка лац. Natalla Hardzijenka | |
| Дата нараджэньня | 6 ліпеня 1977 (46 гадоў) або 1977[1] |
|---|---|
| Месца нараджэньня | |
| Месца вучобы | |
| Занятак | гісторык, архівістка |
| Навуковая сфэра | гісторыя[1] і архівазнаўства[d][1] |
| Месца працы | |
| Вядомая як | дасьледніца беларускай эміграцыі і дыяспары |
| Навуковая ступень | кандыдатка гістарычных навук (2003) |
| Узнагароды |  |
Ната́льля Гардзіéнка (дзявочае прозьвішча Арлова; (нар. 6 ліпеня 1977, Менск)) — беларуская гістарыца, архівістка, рэдактарка і пісьменьніца[2]. Кандыдатка гістарычных навук (2003).
Жыцьцяпіс[рэдагаваць | рэдагаваць крыніцу]
Вучылася ў школах Менску, Саны (Емэн), Ліды. Скончыла Ліцэй БДУ. У 1994 годзе паступіла на гістарычны факультэт БДУ, спэцыялізавалася на катэдры Гісторыі Беларусі Старажытнага часу і Сярэдніх вякоў, займалася беларускай гісторыяй XVIII стагодзьдзя.
Па сканчэньні ўнівэрсытэту, некалькі месяцаў працавала настаўніцай гісторыі ў менскай школе.
У 1999 годзе паступіла ў асьпірантуру БДУ, у 2003 годзе абараніла кандыдацкую дысэртацыю на тэму «Становішча жанчыны-шляхцянкі ў Вялікім Княстве Літоўскім у XVIII ст.»[3]
Працавала выкладніцай катэдры гуманітарных дысцыплінаў у Менскім абласным інстытуце разьвіцьця адукацыі, з 2004 году — дэканка факультэту, з 2010 году — прарэктарка па вучэбнай працы.
З 2011 году дацэнтка катэдры ў Інстытуце парлямэнтарызму і прадпрымальніцтва.
Намесьніца дырэктара Беларускага дзяржаўнага архіву-музэю літаратуры і мастацтва (2015—2023).
Ад імя Беларускага гістарычнага таварыства падпісала ліст з пратэстам супраць затрыманьня 25 кастрычніка 2020 году гісторыка Алеся Краўцэвіча, які прыйшоў на акцыю, патрабуючы адстаўкі Лукашэнкі, вызваленьня палітзьняволеных і расьследаваньня злачынстваў супраць мірных пратэстоўцаў[4].
Дзейнасьць[рэдагаваць | рэдагаваць крыніцу]
З 2002 году займаецца гісторыяй беларускай эміграцыі. Аўтарка кнігаў «Беларусы ў Аўстраліі: Да гісторыі дыяспары» (Мінск, 2004), «Беларусы ў Вялікабрытаніі» (Менск, 2010), «Рада БНР: Падзеі. Дакументы. Асобы» (разам з Лявонам Юрэвічам, Менск, 2013) і каля 100 артыкулаў[5].
Сяброўка Саюзу беларускіх пісьменьнікаў[6]. Сябра ўправы Згуртаваньня беларусаў сьвету «Бацькаўшчына», сябра Міжнароднай асацыяцыі беларусістаў.
З 2004 году адказная рэдактарка альманаху «Запісы Беларускага інстытуту навукі і мастацтва». Удзельнічае ў рэдагаваньні выданьняў кнігаў сэрыяў «Беларуская мэмуарная бібліятэка», «Бібліятэка Бацькаўшчыны», «Галасы Айчыны».
Узнагароджаная мэдалём 100 гадоў БНР Рады Беларускай Народнай Рэспублікі[7].
Публікацыі[рэдагаваць | рэдагаваць крыніцу]
• Беларусы ў Аўстраліі: Да гісторыі дыяспары, Менск, 2004
• Беларусы ў Вялікабрытаніі, Менск, 2010
• Рада БНР: Падзеі. Дакументы. Асобы (разам з Лявонам Юрэвічам), Менск, 2013
• Хронікі БІНіМу (разам з Лявонам Юрэвічам), Менск, Кнігазбор, 2017
• Кніга могілак. Беларускія пахаванні ў свеце, (разам з Лявонам Юрэвічам), Kamunikat.org, 2024[8].
Крыніцы[рэдагаваць | рэдагаваць крыніцу]
- ^ а б в Hardzìjenka, Natallja Sjarhejeŭna // Нацыянальная служба Чэскай рэспублікі
- ^ Гардзіенка Наталля Сяргееўна, старонка Саюзу беларускіх пісьменьнікаў
- ^ ГАРДЗІЕНКА Наталля Сяргееўна // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с.
- ^ Гісторыкі выступілі са зваротам з нагоды затрымання Алеся Краўцэвіча https://nashaniva.com/?c=ar&i=261340, Наша Ніва, 26.10.2020, https://nashaniva.com/?c=ar&i=261340
- ^ Гардзіенка Наталля Сяргееўна, старонка Саюзу беларускіх пісьменьнікаў, https://lit-bel.org/friends/g/Gardzenka-Natallya-Syargeena-4546/
- ^ Гардзіенка Наталля Сяргееўна, старонка Саюзу беларускіх пісьменьнікаў, https://lit-bel.org/friends/g/Gardzenka-Natallya-Syargeena-4546/
- ^ Алексіевіч, Пазьняк, Вольскі, Эрыксан, Белавус. Хто яшчэ ўзнагароджаны, Радыё Свабода, 23 сакавіка 2019, https://www.svaboda.org/a/29838254.html
- ^ Пайшоў у друк альбом-даведнік «Кніга могілак. Беларускія пахаванні ў свеце», Камунікат.org — Беларуская Інтэрнэт-Бібліятэка, 2023-12-13, https://kamunikat.org/payshow-u-druk-albom-davednik-kniga-mogilak-belaruskiya-pakhavanni-w-svetse-prysvechany-vitawtu-kipelyu
|
|
Дзеля паляпшэньня артыкулу неабходна:
|
|---|
