Пітэр Фальк

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Пітэр Фальк
Columbo Peter Falk 1973.JPG
У ролі лейтэнанта Каломба
Імя пры нараджэньні Peter Michael Falk
Дата нараджэньня 16 верасьня 1927
Месца нараджэньня Нью-Ёрк, ЗША
Дата сьмерці 23 чэрвеня 2011
Месца сьмерці Бэвэрлі-Гілз, Каліфорнія, ЗША
Грамадзянства ЗША
Прафэсія актор
Кар’ера 19562008
Узнагароды «Залаты Глёбус» (1973),
«Эмі» (1972, 1975, 1990)
IMDb ID 393
Сайт http://www.peterfalk.com/

Пітэр Майкл Фальк (па-ангельску: Peter Michael Falk; нар. 16 верасьня 1927, Нью-Ёрк, ЗША23 чэрвеня 2011, Бэвэрлі-Гілз, Каліфорнія, ЗША) — амэрыканскі актор, вядомы сваёй роляй лейтэнанта Каломба ў аднайменным тэлесэрыяле. Акрамя таго, Пітэр зьяўляўся ў такіх фільмах, як то «Прынцэса-нявеста», «Вялікія гонкі» й «Прарок». Ён двойчы быў намінаваны на прэмію «Оскар» і пяць разоў атрымліваў прэмію «Эмі» (чатыры зь іх за ролю вышукніка Каломба) і адзін раз «Залаты Глёбус». У 1996 годзе часопіс TV Guide уключыў Фалька ў свой сьпіс 50 найвялікшых тэлевізійных зорак усіх часоў, дзе ён апынуўся на 21 радку[1].

Біяграфія[рэдагаваць | рэдагаваць крыніцу]

Пітэр Фальк нарадзіўся 16 верасьня 1927 году ў Нью-Ёрку ў сям’і ўладальніка галянтарэйнай крамы й крамы адзеньня Майкла Пітэра Фалька й ягонай жонкі Мадлен (у дзявоцтве — Гокгаўз), якая працавала бухгальтарам[2]. Паходжаньнем бацькі будучага актору былі вугорскімі, чэскімі, расейскімі й польскімі габрэямі[3].

У трохгадовым узросьце правае вока Фалька быў хірургічна выдаленае з-за выяўленай у яго хваробе рэтынаблястомы. Рэшту жыцьця ён насіў шкляное вока[4]. Не зважаючы на гэта, яшчэ зь дзяцінства Пітэр часьцяком удзельнічаў у спаборніцтвах па камандным відах спорту, як то бэйсбол ці баскетбол.

Першае зьяўленьне Фалька на сцэне адбылася ў 12 гадоў, калі ён прыняў удзел у спэктаклі «Піраты Пэнзанса», які ставіўся ў знакамітым летнім лягеры «Camp High Point», разьмешчаным у прадмесьці Нью-Ёрку. Адным з настаўнікаў Фалька ў лагеры быў Рос Мартын зь якім пазьней яны здымаліся ў «Вялікіх гонках» і адным з эпізодаў сэрыяла «Каломба».

Навучаўся Пітэр ў Вышэйшай школе Осынінгу, разьмешчанай у навакольлі Нью-Ёрку, дзе быў «прэзыдэнтам» аднаго са старэйшых клясаў. Пасьля заканчэньня школы ў 1945 годзе, ён паступіў у каледж Гамільтан. Яшчэ да заканчэньня Другой сусьветнай вайны Фальк паспрабаваў уступіць ува Ўзброеныя сілы ЗША, але яму адмовілі з-за шклянога вока. Ён быў залічаны ў шэрагі Вайскова-марскога флёту ЗША, дзе служыў памочнікам кухара і прыбіральшчыкам. Апасьля Фльк падарожнічаў па Эўропе й нават 6 месяцаў працаваў на чыгунке ў Югаславіі[5].

Пасьля вяртаньня дахаты Пітэр навучаўся ў Сыракускім унівэрсытэце ў Нью-Ёрку на эканамічнае аддзяленьне, аднак ён быў не ўпэйнены ў тым, што жадае рабіць далей. Пасьля ўнівэрсытэту працаваў адміністратарам і клеркам, апразь нейкі час запісаўся ў тэатар. З 1958 пачаў рэгулярна зьяўляцца ў кіно й тэлебачаньні, зьняўшыся у фільмах «Карпарацыя забойства» «Жменя цудаў», «Вялікія гонкі», «Гэты вар’яцкі, вар’яцкі, вар’яцкі, вар’яцкі сьвет». Але самай знакамітай для Пітэра Фалька сталася роля лейтынанта лос-анджэлесаўскай паліцыі Каломба ў сэрыяле «Каломба», які з-за сваёй папулярнасьці доўжыўся 19 гадоў.

Актор памёр у чацьвер увечары 23 чэрвеня 2011 году ў Бэвэрлі-Гілз, паводле заяваў Пітэр Фальк пакутаваў на хваробу Альцгаймэра і дэмэнцыю[6][7].

Крыніцы[рэдагаваць | рэдагаваць крыніцу]

  1. ^ TV Guide Guide to TV. Barnes and Noble. 2004. p. 596. ISBN 0-7607-5634-1. (анг.)
  2. ^ Біяграфія Пітэра Фалька. Film Reference (анг.)
  3. ^ Інтэрвію зь Пітэрам Фалькам. Cigara Ficionado (анг.)
  4. ^ Пітэр Фальк. The Biography Channel (анг.)
  5. ^ Falk, Peter (2006). Just One More Thing: Stories From My Life. New York: Carroll & Graf Publishers. p. 26. ISBN 0-7867-1795-5.
  6. ^ У ЗША пайшоў з жыцця адзін з праслаўленых ветэранаў Галівуда - Пітэр Фальк. Белтэлерадыёкампанія
  7. ^ Памёр «лейтэнант Каломба» — акцёр Пітэр Фальк. Наша Ніва

Вонкавыя спасылкі[рэдагаваць | рэдагаваць крыніцу]

Commons-logo.svg  Пітэр Фальксховішча мультымэдыйных матэрыялаў