Андэрс Бэрынг Брэйвік

Зьвесткі зь Вікіпэдыі — вольнай энцыкляпэдыі.
Перайсьці да: навігацыі, пошуку
Андэрс Бэрынг Брэйвік
Anders Behring Breivik
Імя пры нараджэньні Андэрс Бэрынг Брэйвік
Род дзейнасьці бізнэсмэн, тэрарыст
Дата нараджэньня 13 лютага 1979 (34 гады)
Месца нараджэньня Осьлё, Нарвэгія
Грамадзянства Нарвэгія
Бацька Эйнс Брэйвік
Маці Вэнке Бэрынг
Дадаткова вядомы як выканаўца Нападаў у Нарвэгіі 2011 году

Андэрс Бэрынг Брэйвік (па-нарвэску: Anders Behring Breivik, нар. 13 лютага 1979) — нарвэскі грамадзянін і меркаваны ініцыятар выбуху ва ўрадавым квартале Осьлё і нападу на палітычны моладзевы летнік Нарвэскай працоўнай партыі 22 ліпеня 2011 году, хоць дагэтуль невядома ці дзейнічаў ён адзін[1][2][3]. Паводле сьведчваньняў, 22 ліпеня 2011 году ён даехаў да моладзевага летніка на востраве Ўтоя і пераапрануты ў форму паліцэйскага адкрыў бязладную страляніну па ўдзельніках мерапрыемства. Колькасьць забітых у выніку напада склала 68 чалавек[4].

Яго таксама зьвязваюць з выбухам начыненай выбухоўкаю машыны, які меў месца ва ўрадавым квартале Осьлё за дзьве гадзіны да інцыдэнта на востраве. Ён быў арыштаваны адразу пасьля ўчыненага замаху на моладзевы лягер і цяпер знаходзіцца пад паліцэйскім наглядам. У часе затрыманьня быў паранены[5]. Пасьля свайго арышту афіцыйныя асобы далі яму характарыстыку ўльтраправага экстрэміста[6]. Паводле Reuters і BBC намесьнік начальніка паліцыі Роджэр Андэрсэн апісаў падазраванага як «хрысьціянскага фундамэнталіста»[7][8].

Брэйвік атрымаў адукацыю ў Камэрцыйнай школе Осьлё і, паводле Verdens Gang, вызнае сябе кансэрватыўным нацыяналістам[3][9]. Таксама ён зьяўляецца былым чальцом Партыі прагрэса Нарвэгіі (FrP) і ейнага моладзевага крыла FpU. Паводле дзейнага лідэра FpU Ова Ванэбо, Брэйвік быў досыць ініцыятыўным у першай палове 2000-х, аднак быў вымушаны пакінуць партыю праз узмацненьне жорсткасьці сваіх поглядаў[10]. У шматлікіх сацыяльных мэдыя ён вызнаваў сабе паклоньнікам нарвэскага антынацыскага партызана Макса Мануса, нідэрляндзкага палітыка Герта Вільдэрса[11] і сацыяльна-лібэральнага філёзафа Джона Ст'юарта Міла[3][12]. У якасьці сваіх зацікаўленасьцяў ён пазначаў «бодзібілдынг, кансэрватыўную палітыку і масонства»[13]. У яго Твітэры існуе толькі адзін запіс з цытатай Джона Ст'юарта Міла: «Адзін чалавек зь верай мацнейшы за сто тысяч чалавек, якія маюць толькі інтарэсы»[13], датаваны 17 ліпеня.

Паводле газэты VG раней ён ня меў стыкаў з паліцыяй за выняткам парушэньня правілаў дарожнага руху[3]. Паводле той жа газэты на імя Брэйвіка зарэгістраваныя пісталет Glock, вінтоўка і драбавік. Пад канец чэрвеня ці ў пачатку ліпеня ён пераехаў у невялікае мястэчка Рэна за 140 км на поўнач ад Осьлё[3], дзе ён адкрыў невялікую фірму пад назвай «Breivik Geofarm»[14]. Выказваліся меркаваньні, што ён выкарыстоўваў сваю фірму з мэтай легальнага здабыцьця вялікай колькасьці штучных угнаеньняў і іншых хімічных рэактываў для стварэньня аміакавай салетры[3]. Паводле Reuters, у траўні фірме Брэйвіка было прададзена шэсьць тон угнаеньняў[15].

Кніга [рэдагаваць]

За колькі гадзінаў да нападу Брэйвік выклаў у сеціва[16] сваю ангельскамоўную[17] нявыдадзеную кнігу «Дэклярацыя незалежнасьці Эўропы 2083 году» (па-ангельску: 2083 - A European Declaration of Independence)[18] на 1500 старонак, якую пісаў папярэднія 9 год[19] і 12-хвілінны відэаролік, што сьцісла перадаваў яе зьмест[20]. Сярод задачаў нападаў былі распаўсюд і працягненьне ўвагі да напісанага[21].

Крыніцы [рэдагаваць]

  1. ^ Anders (32) i Oslo ble pågrepet etter bombe og massedrap | TV 2 Nyhetene(нарв.). Tv2.no. Праверана 22 July 2011 г.
  2. ^ Named: The blond Norwegian, 32, arrested over 'holiday island massacre' and linked to Oslo bomb blasts, which killed 7 people and injured many more.. Daily Mail (22 July 2011). Праверана 22 July 2011 г.
  3. ^ а б в г д е Pågrepet 32-åring kalte seg selv nasjonalistisk - VG Nett(нарв.). Vg.no. Праверана 22 July 2011 г.
  4. ^ Нарвэская паліцыя ўдакладніла лік ахвяраў тэрактаў – 76 чалавек. Радыё Свабода (25 ліпеня 2011). Праверана 25 ліпеня 2011 г.
  5. ^ Полиция заявила о 80 убитых на острове Утойя(рас.). Lenta.ru (23 ліпеня 2011). Праверана 23 ліпеня 2011 г.
  6. ^ J. David Goodman (23 July 2011) At Least 80 Are Dead in Norway Shooting The New York Times Праверана 23 July 2011 г.
  7. ^ Norway police say 84 killed in Utoeya shooting Reuters Праверана 23 July 2011 г.
  8. ^ Scores killed in Norway attack BBC Праверана 23 July 2011 г.
  9. ^ Utøya-skytteren flyttet nylig til Hedmark(нарв.). Ostlendingen.no. Праверана 23 July 2011 г.
  10. ^ Eivind Fondenes, Kathleen Buer (23 July 2011) Terrorsiktede var tidligere medlem av Fremskrittspartiet(нарв.). TV2 nyhetene.
  11. ^ Dader bloedbad bewondert Geert Wildersq HLN.BE news Праверана 23 July 2011 г.
  12. ^ Utøya-skytteren flyttet nylig til Hedmark(нарв.). Ostlendingen.no. Праверана 23 July 2011 г.
  13. ^ а б Нарвегія: 91 чалавек загінуў ад рук ультраправага экстрэміста. Наша Ніва (23 ліпеня 2011). Праверана 23 ліпеня 2011 г.
  14. ^ Brønnøysundregistrene - Nøkkelopplysninger fra Enhetsregisteret(нарв.) Brønnøysund Business Register. Ministry of Trade and Industry (2009-05-18). Праверана 22 July 2011 г.
  15. ^ Oslo bomb suspect bought 6 tonnes fertiliser: supplier. Reuters (23 July 2011). Праверана 23 July 2011 г.
  16. ^ Ала Мачалава (25 ліпеня 2011) Мэта не апраўдае сродкаў Надзённае. Зьвязда. Праверана 25 верасьня 2011 г.
  17. ^ Андрэй Елісееў (25 ліпеня 2011) Нарвэскі тэрарыст хацеў зрабіць у цэнтры ЭЗ «новы Чарнобыль» Рэпартажы. Эўрапейскае радыё для Беларусі. Праверана 25 верасьня 2011 г.
  18. ^ Лік ахвяраў тэрактаў у Нарвэгіі набліжаецца да сотні У сьвеце. Белтэлерадыёкампанія (24 ліпеня 2011). Праверана 25 верасьня 2011 г.
  19. ^ Трагедыя ў Нарвэгіі ўскалыхнула ўвесь сьвет У сьвеце. Белтэлерадыёкампанія (24 ліпеня 2011). Праверана 25 верасьня 2011 г.
  20. ^ Ананімы вырашылі перавесьці маніфэст нарвэскага тэрарыста на жарт У сьвеце. Беларускае тэлеграфнае агенцтва (28 ліпеня 2011). Праверана 25 верасьня 2011 г.
  21. ^ Алесь Чайчыц (25 ліпеня 2011) Нарвэскі тэрарыст толькі нашкодзіў каштоўнасьцям, за якія нібыта выступае. Наша Ніва. Праверана 25 верасьня 2011 г.

Вонкавыя спасылкі [рэдагаваць]

Commons-logo.svg  Андэрс Бэрынг Брэйвік — сховішча мультымэдыйных матэрыялаў

Атрымана з «http://be-x-old.wikipedia.org/w/index.php?title=Андэрс_Бэрынг_Брэйвік&oldid=1602303»