Вясёлка
Вясёлка — аптычная й мэтэаралягічная зьява, якая звычайна ўзьнікае пры заломе, адсьвеце, дыфракцыі сьвятла ў вадзяных кроплях. Вясёлка ўяўляе сабой вялікую дугу, якая бачная на фоне дажджавога воблака ў выпадку, калі Сонца знаходзіцца не высока над паземам з супрацьлеглага боку неба.
Вясёлка выглядае як стужка, якая зьмяшчае ўсе колеры спэктра (калі глядзець звонку ўнутар дугі, то добра вызначаюцца наступныя колеры: чырвоны, аранжавы, жоўты, зялёны, блакітны, сіні, фіялкавы (фіялетавы)).
Дзеля вызначэньня асноўных колераў вясёлкі таксама можна карыстацца наступнымі сказамі, дзе першыя літары кожнага слова, зьяўляюцца першымі літара колера:
- Чараўнік аднойчы жартаваў — зьмеяў бляскам сонца фарбаваў
- Чэскі пан жадае зноў бачыць сорак фазаноў (п — памеранцовы)
- Чорцік аднойчы жалейку знайшоў, бадзёра сабраўся фукаць
- Чароўны аловак жураўлiк знайшоў — балоцца стала файным
Вясёлка мае радыюс 42°. Акрамя таго, звонку асноўнай вясёлкі можна назіраць другасную з адваротным чаргаваньнем колераў з радыюсам каля 53°.
Асаблівасьць гэнай аптычнай зьявы — чым вышэй знаходзіцца назіральнік, тым больш вясёлка паходзіць на поўную акружыну (часам з высокіх гор, а таксама з самалёта можна пабачыць вясёлку ў выглядзе поўнай акружыны). Іншы раз назіраюцца дадатковыя дугі, якія разьмешчаны унутры асноўнай дугі, афарбаваныя ў розныя колеры.
Агульны цэнтар усіх дуг у вясёлках ляжыць на лініі, якая праходзіць праз сонца і вока назіральніка.
|
|||||
|
||||||||||||||
| Гэта — накід артыкула. Вы можаце дапамагчы Вікіпэдыі, пашырыўшы яго. |
Вясёлка — сховішча мультымэдыйных матэрыялаў
